Inki Mutindu Nge Ke Monaka Bilumbu Yina Ke Kwisa?
Keti nsi-ntoto . . .
-
ta bikala kaka mutindu mosi?
-
ta beba diaka?
-
ta bonga?
MAMBU YINA BIBLIA KE TUBAKA
“Nzambi . . . ta kusula mansanga yonso na meso na bo, lufwa ta vandaka diaka ve; mawa, bidilu, mpi mpasi ta vandaka diaka ve. Mambu ya ntama me vila.”—Kusonga 21:3, 4, Mbalula ya Nsi-Ntoto ya Mpa.
YO LENDA TENDULA INKI SAMBU NA NGE
Kisalu ya mbote mpi ya kiese.—Yezaya 65:21-23.
Maladi mpi bampasi ya mitindu yonso ta vanda diaka ve.—Yezaya 25:8; 33:24.
Luzingu ya kiese mpi ya kukonda nsuka ti dibuta mpi banduku.—Nkunga 37:11, 29.
KETI BETO LENDA KWIKILA KIBENI MAMBU YINA BIBLIA KE TUBAKA?
Ee, sambu na bikuma kiteso ya zole:
-
Nzambi lenda lungisa lusilu na yandi. Na Biblia, bo ke bingaka Yehowa Nzambi mpamba nde “Nkwa-Ngolo Yonso,” sambu ngolo na yandi kele na nsuka ve. (Kusonga 15:3) Yo yina, yandi lenda lungisa kibeni lusilu na yandi ya kusoba nsi-ntoto sambu yo bonga. Biblia ke tuba nde, “Nzambi lenda sala mambu yonso.”—Matayo 19:26.
-
Nzambi ke zolaka kulungisa lusilu na yandi. Mu mbandu, Yehowa kele ti nzala ya ngolo ya kuvutula bantu yina me fwaka na luzingu.—Yobi 14:14, 15.
Biblia ke monisa mpi nde Yezu, Mwana ya Nzambi, belulaka bantu ya maladi. Sambu na nki yandi salaka yo? Sambu yandi vandaka ti luzolo ya kusala yo. (Marko 1:40, 41) Yezu monisaka na mutindu ya kukuka kimuntu ya Tata na yandi na mpusa yina yandi vandaka na yo ya kusadisa bantu yina vandaka ti mfunu ya lusadisu.—Yoane 14:9.
Yo yina, beto lenda ndima nde Yehowa ti Yezu kele ti luzolo ya kusadisa beto na kuvanda ti luzingu ya kiese na bilumbu ke kwisa!—Nkunga 72:12-14; 145:16; 2 Piere 3:9.
KUDIYULA
Inki mutindu Nzambi ta soba nsi-ntoto sambu yo bonga?
Biblia ke pesa mvutu na ngiufula yai na MATAYO 6:9, 10 mpi na DANIELE 2:44.
Nge Lenda Sepela Mpi Ti
NZOZULU YA NKENGI
Kieleka ya Me Tala Bilumbu Ke Kwisa
Kumisa ngolo kivuvu na nge na mambu yina Nzambi ke tuba sambu na mambu yina ta kumina ntoto mpi bantu yina ta zinga na kati na yo.
MASOLO MPI BAVIDEO
Kivuvu ya Kieleka Sambu na Bilumbu ya Ke Kwisa
Inki mambu ya Biblia me tubaka nde yo ta salama ya kele ve bonso yina bantu me tubaka nde yo ta salama mpi yina bo me tubaka nde bo ta sala?
MALONGI YA MFUNU YA BIBLIA
Kimfumu ya Nzambi Kele Nki?
Ntangu Yezu vandaka kusamuna, yandi longaka mambu ya me tala Kimfumu ya Nzambi kuluta malongi yonso ya nkaka. Na nsungi ya bamvula mingi, bantu ke sambaka sambu Kimfumu yango kukwisa.
NZOZULU YA NKENGI
Inki Mambu Kimfumu ya Nzambi Ta Sala?
Yezu zabaka nde Kimfumu ya Nzambi mpamba ta manisa bampasi na ntoto. Inki mambu Kimfumu ya Nzambi me salaka dezia yina ke sadisaka beto na kutudila yo kibeni ntima?
MAMBU YA ME TALA BETO
Lomba nde Mbangi Mosi ya Yehowa Kukwisa Kutala Nge
Tadila ngiufula mosi ya Biblia, to sosa kuzaba mambu mingi na yina me tala Bambangi ya Yehowa.
