Na bantangu yai ya mpasi, beto lenda kanga ve mambu yina ke kumina beto nzila. Ata mpidina, kima ya ke salaka nde beto vanda na kiese to ve kele mutindu beto ke tadilaka mambu. Kansi yo kele ve mambu ya ke kuminaka beto na luzingu. Biblia ke tubaka nde ata bantu ke kutana ti bampasi, “bakimona-mbote ke monaka kaka kiese na kiese.” (Bingana 15:15, Bible en Kituba) Inki beto lenda sala sambu na kuvanda ntangu yonso na kiese? Beto tala inki mutindu bandongisila ya Biblia lenda sadisa nge.

 Biblia ke tuba nde: “Basusi na ntima ya muntu ke lembisaka ntima, kansi ndinga ya mbote ke pesaka yo kikesa.”​—Bingana 12:25.

•   Biblia lenda sadisa nge na kuvanda ve ti basusi mingi. Sambu na kuzaba inki mutindu, tanga disolo “Ce que la Bible dit au sujet de l’inquiétude.”

 Biblia ke tuba nde: “Nduku ya kieleka ke zolaka konso ntangu mpi yandi kele mpangi yina me butukaka sambu na bantangu ya mpasi.”​—Bingana 17:17.

•   Biblia kele ti bandongisila yina lenda sadisa nge na kuvanda ti banduku yina ta sadisa nge na kudiwa kibeni ve nge mosi. Tanga disolo “Vanda ti Banduku Sambu na Nge Kudiwa Ve Nge Mosi​—Inki Mutindu Biblia Lenda Sadisa Nge?.”

 Biblia ke tuba nde: “Nge fwete zola Yehowa Nzambi na nge na ntima na nge ya mvimba, na moyo na nge ya mvimba, mpi na mabanza na nge yonso . . . Nge fwete zola nkweno na nge bonso nge mosi.” a​—Matayo 22:37-39.

•   Kisambu lenda sadisa nge na kukuma kuzola Nzambi mingi. Kana nge ke zola kuzaba mambu mingi, tanga disolo “Keti Nzambi Ke Waka Bisambu na Beto?”

•   Beto ke monisaka nde beto ke zolaka bantu ya nkaka ntangu beto ke sadilaka bo mambu mutindu Yezu tubaka nde beto fwete sadila bo mambu. Nge ta zaba mambu ya nkaka na disolo “Qu’est-ce que la Règle d’or ?”

 Keti nge ta zola kuzaba inki mutindu Biblia lenda sadisa nge na kuvanda na kiese na bantangu yai ya mpasi? Kana ee, beto ke lomba nge na kumeka kulonguka ya Biblia ya ofele.