Yezu zabisaka bantu “nsangu ya mbote ya Kimfumu ya Nzambi.” (Luk 4:43) Yandi longaka bo mpi na kusamba sambu na Kimfumu yango (Mat 6:9, 10) Na ngonda ya Novembri, beto ta sala ngolo sambu na kuzabisa bantu mambu ya Kimfumu ya Nzambi. (Mat 24:14) Yo yina, yidika manaka na nge sambu nge longa mingi na kampanie yango. Bampangi yonso yina ta sala kisalu ya kimupasudi-nzila nsadisi lenda pona kusala bangunga 30 to 50 na ngonda ya Novembri.

Tanga ti bantu mingi ya teritware na beno verse mosi ya ke tubila Kimfumu ya Nzambi. Ntangu nge ke pona verse yango, kuvila ve mambu yina bo me longaka bo na banzo-nzambi na bo. Kana muntu me monisa mpusa na mbala ya ntete ya nge me kutana ti yandi, pesa yandi Nzozulu ya Nkengi No. 2 2020 nimero ya bantu yonso. Na nima, vutukila yandi kukonda kuvingila mpi sala yonso sambu na kuyantika kulonguka Biblia ti yandi na nzila ya mukanda mosi ya kele na kati ya Bisadilu Sambu na Kulonga. Kubika fioti Kimfumu ya Nzambi ta fwa baluyalu yonso yina ke telamina yo. (Dan 2:44; 1Bk 15:24, 25) Yo yina bika nde na nzila ya kampanie yai ya sipesiali, beto monisa nde beto me kangamaka ngolo na Yehowa mpi na Kimfumu na yandi.