Mbandu ya Bangogo ya Kukotila na Masolo
NZOZULU YA NKENGI
Bangogo ya Luyantiku: Bantu mingi me zaba disolo yina ke vandaka na mukanda ya Kusonga; yo ke tubilaka bantu iya ya ke tambusa bampunda. Yo ke pesaka bantu ya nkaka boma. Kansi bankaka ke sepelaka ti yo.
Verse: Kus 1:3
Tuba nde: Nzozulu ya Nkengi yai ke tubila bantu iya ya ke tambusa bampunda mpi yo ke monisa nde yo kele nsangu ya mbote sambu na beto.
LONGA KIELEKA
Ngiufula: Keti nge ke yindula nde beto lenda zaba mambu yina ta salama na bilumbu ke kwisa?
Verse: Yez 46:10
Kieleka: Na nzila ya ndinga na yandi Biblia, Nzambi ke zabisaka beto mambu yina ta salama na bilumbu ke kwisa.
DIBUTA NA NGE LENDA VANDA NA KIESE
Bangogo ya Luyantiku: Beto ke songa bantu video yai ya nkufi; yo ke tubila dibuta. [Songa bangogo ya luyantiku ya video Dibuta na Nge Lenda vanda na Kiese.]
Tuba nde: Kana nge ta sepela kutanga kamukanda yina video yai me tubila, mono lenda pesa nge yo ya ofele to mono lenda songa nge mutindu ya kubaka yo na Internet.
YIDIKA BANGOGO NA NGE MOSI YA KUKOTILA NA MASOLO
Sadila modele ya kele na bambandu ya kele na zulu sambu na kuyidika bangogo na nge mosi ya kukotila na masolo.
Nge Lenda Sepela Mpi Ti
NZOZULU YA NKENGI
Bantu Iya ya Ke Tambusa Bampunda—Bupusi na Yo na Luzingu na Nge
Bantu iya ya ke tambusa bampunda ya mukanda ya Kusonga ke monana pwelele kibeni yo yina yo ke monana bonso nde yo ke na kubasika na Biblia! Yo fwete pesa beto kivuvu to boma?
MIKANDA MPI TUMIKANDA
Dibuta na Nge Lenda Vanda na Kiese
Nge lenda vanda ti makwela mpi dibuta ya kiese kana nge ke sadila minsiku ya Biblia.
