Yozue 21:1-45
21 Ebuna bamfumu ya banzo ya batata ya Balevi pusanaka pene-pene ya nganga-nzambi Eleazare,+ ya Yozue mwana ya Nuni, mpi ya bamfumu ya banzo ya batata ya makanda ya Izraele,
2 mpi bo tubilaka bo na Shilo,+ na insi ya Kanana nde: “Yehowa tubaka na nzila ya Moize nde bo pesa beto bambanza yina beto ta zinga na kati na yo, kumosi ti banseke na yo sambu na bitwisi na beto.”+
3 Yo yina, na nsiku ya Yehowa, bantu ya Izraele pesaka Balevi bambanza yai+ ti banseke na yo yina bo bakaka na dikabu na bo.+
4 Bo bulaka zeke, ebuna dikabu basikaka sambu na mabuta ya bana ya Kohati,+ mpi na nima ya kubula zeke, bo pesaka Balevi yina vandaka bana ya nganga-nzambi Aroni, bambanza 13 yina bo bakaka na dikanda ya Yuda,+ na dikanda ya Simeoni,+ mpi na dikanda ya Benyamini.+
5 Na bana ya Kohati yina bikalaka bo pesaka* bambanza kumi yina bo bakaka na mabuta ya dikanda ya Efrayimi,+ na dikanda ya Dani, mpi na ndambu ya dikanda ya Manase.+
6 Na bana ya Gershoni+ bo pesaka bambanza 13 yina bo bakaka na mabuta ya dikanda ya Isakare, na dikanda ya Asere, na dikanda ya Naftali, mpi na ndambu ya dikanda ya Manase yina kele na Bashani.+
7 Na bana ya Merari+ na kutadila mabuta na bo, bo pesaka bambanza 12 yina bo bakaka na dikanda ya Rubeni, na dikanda ya Gadi, mpi na dikanda ya Zebuloni.+
8 Na mutindu yina, bantu ya Izraele pesaka Balevi bambanza yai ti banseke na yo na nima ya kubula zeke, kaka mutindu Yehowa tubaka na nzila ya Moize.+
9 Yo yina, bo pesaka bambanza yai ya bo me tanga bazina+ na yo awa, yina bo bakaka na dikanda ya Yuda mpi na dikanda ya Simeoni,
10 mpi bo pesaka yo na bana ya Aroni yina vandaka na mabuta ya bana ya Kohati yina vandaka Balevi, sambu bo bakaka dikabu ya ntete na nima ya kubula zeke.
11 Bo pesaka bo Kiriati-arba+ (Arba vandaka tata ya Anaki), disongidila, Ebroni,+ na ntoto ya bangumba ya Yuda, mpi banseke na yo ya nziunga.
12 Kansi nseke ya mbanza yina ti babwala na yo, bo pesaka yo na Kalebi mwana ya Yefune sambu yo vanda ya yandi.+
13 Na bana ya nganga-nzambi Aroni, bo pesaka mbanza yina muntu ya me fwa muntu+ fwete tinina, disongidila, Ebroni+ ti banseke na yo, mpi Libna+ ti banseke na yo,
14 Yatire+ ti banseke na yo, Eshtemoa+ ti banseke na yo,
15 Oloni+ ti banseke na yo, Debire+ ti banseke na yo,
16 Ayini+ ti banseke na yo, Yuta+ ti banseke na yo, mpi Bete-shemeshi ti banseke na yo—bambanza uvwa yina bo bakaka na makanda yina zole.
17 Na dikanda ya Benyamini bo bakaka: Gibeoni+ ti banseke na yo, Geba ti banseke na yo,+
18 Anatoti+ ti banseke na yo, mpi Almoni ti banseke na yo—bambanza iya.
19 Bambanza yonso yina bo pesaka bana ya Aroni, banganga-nzambi, vandaka 13 ti banseke na yo.+
20 Na nima ya kubula zeke, bo pesaka mabuta ya bana ya Kohati yina bikalaka na kati ya Balevi bambanza yina bo bakaka na dikanda ya Efrayimi.
21 Bo pesaka bo mbanza yina muntu yina me fwa muntu+ fwete tinina, disongidila, Shekemi+ ti banseke na yo na ntoto ya bangumba ya Efrayimi, Gezere+ ti banseke na yo,
22 Kibisayimi ti banseke na yo, mpi Bete-oroni+ ti banseke na yo—bambanza iya.
23 Mpi na dikanda ya Dani bo bakaka: Elteke ti banseke na yo, Gibetoni ti banseke na yo,
24 Ayaloni+ ti banseke na yo, Gati-rimoni ti banseke na yo—bambanza iya.
25 Na ndambu ya dikanda ya Manase bo bakaka: Tanaki+ ti banseke na yo mpi Gati-rimoni ti banseke na yo—bambanza zole.
26 Bambanza yonso ti banseke na yo yina mabuta ya bana ya Kohati yina bikalaka bakaka vandaka kumi.
27 Bana ya Gershoni+ yina vandaka na kati ya mabuta ya Balevi bakaka na ndambu ya dikanda ya Manase mbanza yina muntu yina me fwa muntu fwete tinina, disongidila, Golani,+ yina kele na Bashani, ti banseke na yo, mpi Beshetera ti banseke na yo—bambanza zole.
28 Na dikanda ya Isakare+ bo bakaka: Kishioni ti banseke na yo, Daberati+ ti banseke na yo,
29 Yarmuti ti banseke na yo, mpi Ene-ganimi ti banseke na yo—bambanza iya.
30 Na dikanda ya Asere+ bo bakaka: Mishale ti banseke na yo, Abdoni ti banseke na yo,
31 Elkati+ ti banseke na yo, mpi Rehobi+ ti banseke na yo—bambanza iya.
32 Na dikanda ya Naftali bo bakaka: mbanza ya kutinina+ sambu na muntu yina me fwa muntu, disongidila, Kedeshi+ na Galilea ti banseke na yo, Amoti-dore ti banseke na yo, mpi Kartani ti banseke na yo—bambanza tatu.
33 Bambanza yonso ya bana ya Gershoni na kutadila mabuta na bo vandaka bambanza 13 ti banseke na yo.
34 Mabuta ya bana ya Merari,+ Balevi yina bikalaka, bakaka na dikanda ya Zebuloni:+ Yokneami+ ti banseke na yo, Karta ti banseke na yo,
35 Dimna ti banseke na yo, mpi Nahalale+ ti banseke na yo—bambanza iya.
36 Na dikanda ya Rubeni bo bakaka: Besere+ ti banseke na yo, Yahasi ti banseke na yo,+
37 Kedemoti ti banseke na yo, mpi Mefaati ti banseke na yo—bambanza iya.
38 Na dikanda ya Gadi+ bo bakaka: mbanza yina muntu yina me fwa muntu fwete tinina, disongidila, Ramoti yina kele na Gileadi+ ti banseke na yo, Mahanayimi+ ti banseke na yo,
39 Eshboni+ ti banseke na yo, mpi Yazere+ ti banseke na yo—na kimvuka bambanza iya.
40 Bambanza yonso yina bo pesaka bana ya Merari na kutadila mabuta na bo, mabuta ya Balevi yina bikalaka, vandaka bambanza 12.
41 Bambanza yonso ya Balevi na kati ya ntoto ya bantu ya Izraele vandaka bambanza 48 ti banseke na yo.+
42 Bambanza yai yonso vandaka ti banseke na yo na nziunga na yo—yo vandaka mutindu yina sambu na bambanza yai yonso.
43 Yehowa pesaka Izraele ntoto yonso yina yandi diaka ndefi na kupesa na ba-nkaka na bo;+ bo bakaka yo mpi bo zingaka kuna.+
44 Diaka, Yehowa pesaka bo ngemba na bandambu yonso, kaka mutindu yandi diaka ndefi na ba-nkaka na bo,+ mpi mbeni na bo mosi ve lendaka kutelama na ntwala na bo.+ Yehowa pesaka bambeni na bo yonso na maboko na bo.+
45 Na balusilu yonso ya mbote yina Yehowa silaka nzo ya Izraele, ata lusilu* mosi ve kondaka kulungana; yonso lunganaka.+
