Yezaya 29:1-24
29 “Mawa na Ariele,* Ariele, mbanza yina Davidi salaka camp!+
Beno landa kusala bankinsi na beno ya konso mvula;Bika bankinsi+ kulanda kusalama.
2 Kansi mono ta nata mpasi na Ariele,+Ebuna bidilu+ ti mawa ta vanda,Mpi sambu na mono, yandi ta kuma bonso kisika yina tiya ya mesa-kimenga ya Nzambi+ ke pelaka.
3 Mono ta sala bacamp na bandambu yonso sambu na kunwanisa nge,Mono ta sala lupangu ya banti sambu na kuziunga ngeMpi mono ta tedimisa balupangu ya nene na nziunga sambu na kunwanisa nge.+
4 Bo ta kulumusa nge;Nge ta tuba tuka na ntoto,Ebuna mfututu ta sala nde mambu ya nge ke tuba kuwakana ve.
Ndinga na nge ta katuka na ntoto+Bonso ndinga ya muntu yina ke solulaka ti bampeve ya bafwa,Mpi bangogo na nge ta waka- na na nsi-nsi tuka na ntoto.
5 Kimvuka ya bambeni* na nge ta vanda bonso mfututu ya kitoko,+Kimvuka ya bamfumu ya nku ta vanda kaka bonso bampusu ya ke pumbuka na mupepe.+
Mpi yo ta salama na mbala mosi, na kintulumukina.+
6 Yehowa ya makesa ta tudila nge dikebiTi makelele ya nzasi, kunikana ya ntoto, mpi makelele ya ngolo,Ti mupepe ya ngolo ti mvula, mpi baludimi ya tiya ya ke yokaka.”+
7 Ebuna kimvuka ya makanda yonso yina ke nwana bitumba ti Ariele+—Bantu yonso yina ke nwana bitumba ti yandi,Banzo-zulu ya bo me tunga sambu na kunwanisa yandi,Mpi bayina ke natila yandi mpasi—Ta kuma bonso ndosi, mbona-meso ya mpimpa.
8 Ee, yo ta vanda kaka bonso ntangu muntu ya kele na nzala ke lala ndosi nde yandi ke dia,Kansi yandi ke telama na nzala,*Mpi bonso ntangu muntu ya kele na nzala ya masa ke lala ndosi nde yandi ke nwa masa,Kansi yandi ke telama ya kulemba mpi na nzala ya masa.*
Yo ta salama mutindu yina sambu na kimvuka ya makanda yonsoYina ke nwana bitumba ti Ngumba ya Sioni.+
9 Beno yituka;+Beno kudifwa meso mpi beno vanda meso ya kufwa.+
Bo me lawuka, kansi vinu ve;Bo ke tambula na lunziungu, kansi ve sambu na malafu yina ke lawusaka.
10 Sambu Yehowa me tiamuna mpeve ya mpongi ya ngolo na zulu na beno;+Yandi me kanga meso na beno bambikudi,+Mpi yandi me fika ba-ntu na beno bantu ya ke monaka bambona-meso.+
11 Konso mbona-meso ke kuma sambu na beno bonso bangogo ya mukanda+ mosi ya bo me kanga ti kidimbu. Kana bo pesa yo na muntu yina me zaba kutanga nde: “Tanga mambu yai na ndinga ya ngolo,” yandi ta tuba nde: “Mono lenda tanga yo ve, sambu yo kele ya kukanga ti kidimbu.”
12 Mpi kana bo pesa mukanda yina na muntu yina me zaba ve kutanga nde: “Tanga mambu yai,” yandi ta tuba nde: “Mono me zaba kutanga ve ata fioti.”
13 Yehowa me tuba nde: “Bantu yai ke kwisa pene-pene na mono kaka na munokoMpi bo ke kumisa mono kaka na bikobo,+Kansi ntima na bo kele ntama kibeni ti mono;Mpi boma na bo sambu na mono me simbama na bansiku ya bantu, yina bo me longaka bo.+
14 Yo yina, mono kele Muntu yina ta sala diaka mambu ya kuyituka sambu na bantu yai,+Ti mambu ya kuyituka na zulu ya mambu ya kuyituka;Ebuna mayele ya bantu na bo ya mayele ta mana,Mpi mayele ya kubakisa mambu ya bantu na bo ya mayele ta vanda ya kubumbana.”+
15 Mawa na bantu yina ke sala yonso sambu na kubumba balukanu* na bo na meso ya Yehowa.+
Bo ke sala mambu na bo na bisika ya mpimpa,Ntangu bo ke tuba nde: “Nani ke mona beto?
Nani ke zaba mambu na beto?”+
16 A mutindu beno ke balula-balula mambu!*
Keti bo fwete tadila muwumbi kiteso mosi ti ntoto ya tuma?+
Keti kima ya bo me sala fwete tuba sambu na muntu yina me sala yo nde:
“Yandi salaka mono ve”?+
Mpi keti kima ya bo me sala lenda tuba sambu na muntu yina me sala yo nde:
“Yandi ke monisaka ve mayele ya kubakisa mambu”?+
17 Kubika fioti kibeni, bo ta kumisa Libani kisika ya bo me kunaka banti yina ke butaka bambuma,+Mpi bo ta tadilaka kisika ya bo me kunaka banti yina ke butaka bambuma bonso mfinda.+
18 Na kilumbu yina, bifwa-makutu ta wa bangogo ya mukanda,Mpi meso ya bifwa-meso ta mona+ na mudidi ya ngolo mpi na mpimpa.
19 Bantu ya kudikulumusa ta yangalala mingi na Yehowa,Mpi bansukami yina kele na kati ya bantu ta vanda na kiese na Santu ya Izraele.+
20 Sambu mfumu ya nku ta vanda diaka ve,Muntu ya ke kudisikisaka ta suka,Mpi bantu yonso yina ke vandaka ntangu yonso ya kuyilama sambu na kusala mbi ta fwa,+
21 Bayina ti mambu ya luvunu ke sala nde bantu ya nkaka kumonana bantu ya mbi,Bayina ke tula mitambu sambu na muntu yina ke nwaninaka bantu* na kielo+ ya mbanza,Mpi bayina ti bangogo ya mpamba-mpamba ke zenga ve makambu ya muntu ya lunungu+ na lunungu.
22 Yo yina Yehowa, yina sumbaka diaka Abrahami,+ me tuba sambu na nzo ya Yakobi nde:
“Yakobi ta wa diaka ve nsoni,Mpi luse na yandi ta kuma diaka ve bonso muntu yina me konda masa ti menga.*+
23 Ntangu yandi ta mona bana na yandi,Bayina kele kisalu ya maboko na mono, na kati-kati na yandi,+Bo ta santisa zina na mono;Ee, bo ta santisa Santu ya Yakobi,Mpi bo ta telama sambu na boma ya Nzambi ya Izraele.+
24 Bantu yina mabanza na bo kele mpasi na kuyala ta baka mayele ya kubakisa mambu,Mpi bayina ke bokuta ta ndima malongi.”
Banoti na nsi ya lutiti
^ Ziku yo ke tendula “Kisika Tiya ya Mesa-Kimenga ya Nzambi Ke Pelaka,” yo ke monana bonso nde yo ke tubila Yeruzalemi.
^ Na kisina, “banzenza.”
^ To “mpi moyo na yandi kele ya mpamba.”
^ To “mpi moyo na yandi kele ya kukawuka.”
^ To “bandongisila.”
^ To “Beno kele bantu ya mbi kibeni!”
^ Na kisina, “muntu yina ke nganinaka bantu.”
^ Disongidila, sambu na nsoni.
