Yeremia 30:1-24
-
Nzambi me sila nde bantu ta vutuka na insi na bo mpi ta beluka (1-24)
30 Yai mambu yina katukaka na Yehowa mpi kwisilaka Yeremia:
2 “Yehowa Nzambi ya Izraele ke tuba nde, ‘Sonika na mukanda mambu yonso ya mono ke zabisa nge.
3 Sambu “tala! bilumbu ke kwisa,” Yehowa muntu me tuba, “ntangu mono ta vukisa bantu na mono yina kele na kimpika, Izraele mpi Yuda,”+ Yehowa muntu ke tuba, “mpi mono ta vutula bo na insi yina mono pesaka ba-nkaka na bo, mpi yo ta vanda diaka ya bo.”’”+
4 Yai mambu yina Yehowa tubilaka Izraele mpi Yuda.
5 Yehowa ke tuba nde:
“Beto me wa makelele ya bantu yina ke tekita;Boma ya ngolo kele, kansi ngemba kele ve.
6 Pardo, beno yula kana bakala lenda buta mwana.
Ebuna sambu na nki mono ke mona konso muntu ya ngolo me tula maboko na yandi na divumu* na yandiBonso nkento yina ke buta?+
Sambu na nki baluse yonso me kuma bonso bantu yina me konda masa ti menga?
7 Mawa! Sambu kilumbu yina kele kilumbu ya mbi kibeni.*+
Kele ve ti kilumbu yina me fwanana ti yo,Yo kele ntangu ya mpasi sambu na Yakobi.
Kansi yandi ta guluka na kilumbu yina.”
8 “Mpi na kilumbu yina,” Yehowa ya makesa muntu me tuba, “mono ta zenga vangu yina kele na nkingu na nge, mpi mono ta zenga bansinga* na nge na bitini zole; mpi banzenza ta kumisa yandi* diaka ve mpika na bo.
9 Bo ta sadila Yehowa Nzambi na bo mpi Davidi ntotila na bo, yina mono ta basisila bo.”+
10 “Mpi nge, nsadi na mono Yakobi, kuwa boma ve,” Yehowa muntu me tuba,“Mpi kutekita ve, O Izraele.+
Sambu mono ta gulusa nge katuka na kisika ya ntamaMpi mono ta gulusa bana na nge katuka na insi yina bo kele na kimpika.+
Yakobi ta vutuka, ta vanda na ngemba, mpi bo ta yangisa yandi ve;Ata muntu mosi ve ta pesa bo boma.”+
11 “Sambu mono kele ti nge,” Yehowa muntu me tuba, “sambu na kugulusa nge.
Kansi mono ta manisa bantu na kati ya makanda yonso yina mono panzaka nge;+Kansi nge, mono ta manisa nge ve.+
Mono ta pesa nge ndola* na kiteso yina me fwana,Mpi mono ta konda ve ata fioti kupesa nge ndola.”+
12 Sambu Yehowa ke tuba nde:
“Nkisi kele ve sambu na kubukana na nge.+
Mputa na nge lenda beluka ve.
13 Muntu kele ve sambu na kunwanina diambu na nge,Mpila ya kubelula mputa na nge kele ve.
Nkisi ya kubelula nge kele ve.
14 Bantu yonso yina ke zolaka nge ti nzala ya ngolo me vila nge.+
Bo ke sosa nge diaka ve.
Mono me bula nge+ ti fimbu ya mbeni,Ti ndola ya muntu ya nku,Sambu mbi na nge kele nene mpi masumu na nge kele mingi.+
15 Sambu na nki nge ke dila sambu na mpasi na nge?
Mpasi na nge lenda mana ve!
Sambu na mbi na nge ya nene mpi masumu na nge mingi,+Mono me sala nge diambu yai.
16 Yo yina bantu yonso yina ke dia nge, bo ta dia bo,+Bambeni na nge yonso mpi ta kwenda na kimpika.+
Bantu yina ke botula nge bima, bo ta botula bo bima,Mpi bantu yonso yina ke yiba bima na nge, mono ta bika nde bo yiba bima na bo.”+
17 “Kansi mono ta vutula mavimpi na nge mpi ta belula bamputa na nge,”+ Yehowa muntu me tuba,“Ata bo bingaka nge muntu yina bo me buyaka:
‘Sioni, yina muntu mosi ve ke sosaka.’”+
18 Yehowa ke tuba nde:
“Tala, mono ke vukisa bampika ya batenta ya Yakobi,+Mpi mono ta wila banzo-tenta na yandi mawa.
Bo ta tunga diaka mbanza yina na zulu ya mwa-ngumba na yo,+Mpi nzo-zulu ya kele ti bibaka ya ngolo ta vanda na kisika na yo ya me fwana.
19 Bo ta pesa matondo mpi ta tula milolo ya kiese.+
Mono ta kumisa bo mingi, mpi bo ta vanda ve fioti;+Mono ta kumisa bo mingi kibeni,*Mpi bo ta vanda ve kukonda mfunu.+
20 Bana na yandi ta kuma mutindu bo vandaka ntete,Mpi kimvuka na yandi ya bantu ta tulama ngolo na ntwala na mono.+
Mono ta pesa bantu yonso ya ke niokula yandi+ ndola.
21 Muntu na yandi ya nene ta vanda muntu na yandi mosi,Mpi mfumu na yandi ta basika na kati na yandi.
Mono ta sala nde yandi kwisa pene-pene, ebuna yandi ta pusana pene-pene na mono.”
“Sambu kana mpidina ve, nani ta meka kupusana* pene-pene na mono?” Yehowa muntu me tuba.
22 “Beno ta kuma bantu na mono,+ mpi mono ta vanda Nzambi na beno.”+
23 Tala! Mupepe ya ngolo ya Yehowa ta bula na makasi,+Mupepe ya ngolo ya ke kombaka, yina ke baluka-baluka na zulu ya ntu ya bantu ya mbi.
24 Makasi ya ngolo ya Yehowa ta mana veTii kuna yandi ta lungisa bangindu ya ntima na yandi.+
Na kitini ya nsuka ya bilumbu, beno ta bakisa diambu yai.+
Banoti na nsi ya lutiti
^ To “na luketo.”
^ Na kisina, “ya nene.”
^ Na kisina, “bikangilu.”
^ To “bo.”
^ To “ta sungika nge.”
^ To mbala ya nkaka, “ta pesa bo lukumu.”
^ Na kisina, “ta pesa ntima na yandi bonso kipiku sambu na kupusana.”
