Sefania 3:1-20
3 Mawa na mbanza ya ke kolamaka, ya mvindu, mpi ya nku!+
2 Yandi ke zola ve kuwa;+ yandi ke ndima ve ndola.+
Yandi ke tudila ve Yehowa ntima;+ yandi ke pusana ve pene-pene ya Nzambi na yandi.+
3 Bamfumu na yandi yina kele na kati na yandi kele bantambu yina ke ngana.+
Bazuzi na yandi kele bibulu na mpimpa;Bo ke bikisa ve ata mukwa mosi ya kubuka tii na suka.
4 Bambikudi na yandi kele bantu ya kukonda luzitu mpi bayekudi.+
Banganga-nzambi na yandi ke kumisa kima ya santu mvindu;+Bo ke zitisa ve nsiku.+
5 Yehowa kele muntu ya lunungu na kati na yandi;+ yandi ke salaka ve mbi.
Konso suka yandi ke zabisaka balusambisu na yandi,+Yo ke kondaka ve bonso nsemo ya suka.
Kansi muntu ya kukonda lunungu ke zabaka ve nsoni.+
6 “Mono fwaka makanda; banzo-zulu na bo yina vandaka na binkonko ya kibaka bikalaka mpamba.
Mono fwaka babala-bala na bo, na mpila nde muntu mosi ve vandaka kuluta.
Bambanza na bo bikalaka mayumbu, kukonda muntu, mpi kukonda muntu ya ke zinga kuna.+
7 Mono tubaka nde, ‘Ya kieleka nge ta wa mono boma mpi nge ta ndima ndola,’*+
Sambu bo fwa ve kisika yina yandi ke zingaka+—Mono fwete sambisa yandi* sambu na mambu yai yonso.
Kansi bo vandaka kaka na nzala ya ngolo ya kusala mambu ya mbi.+
8 ‘Yo yina beno landa na kuvingila mono,’*+ Yehowa muntu me tuba,‘Tii na kilumbu yina mono ta telama sambu na kubotula bima,*Sambu nkanu na mono kele ya kuvukisa makanda, ya kukutikisa bimfumu,Sambu na kumonisila bo nganzi na mono mpi makasi na mono yonso ya ngolo;+Sambu ntoto ya mvimba ta zika na tiya ya kikesa na mono.+
9 Ebuna na ntangu yina, mono ta soba ndinga ya bantu sambu yo kuma ndinga ya bunkete,Sambu bo yonso kubinga zina ya Yehowa,Sambu bo sadila yandi dipeka na dipeka.’*+
10 Katuka na ntoto ya banzadi ya Etiopia,Bantu yina ke bondila mono, mwana-nkento ya bantu na mono yina me panzanaka, ta natila mono dikabu.+
11 Na kilumbu yina nge ta wa ve nsoniSambu na bisalu na nge yonso yina nge kolamaka na ntwala na mono,+Sambu na ntangu yina, mono ta katula na kati na nge bantu yina ke kudisongaka na lulendo yonso;Mpi nge ta vanda diaka ve lulendo na ngumba na mono ya santu.+
12 Mono ta bika bantu ya kudikulumusa mpi ya kukonda mfunu na kati na nge,+Mpi bo ta kwisa kutina na zina ya Yehowa.
13 Bantu ya Izraele yina ta bikala+ ta sala ve mambu ya kukonda lunungu;+Bo ta tubaka ve luvunu, mpi ludimi ya ke kusaka ta vanda ve na minoko na bo;Bo ta dia* mpi ta lala, mpi ata muntu mosi ve ta pesa bo boma.”+
14 Tula milolo ya kiese, O mwana-nkento ya Sioni!
Tula milolo ya kununga, O Izraele!+
Vanda na kiese mpi yangalala na ntima na nge ya mvimba, O mwana-nkento ya Yeruzalemi!+
15 Yehowa me katula bankanu yina yandi zengilaka nge.+
Yandi me kula mbeni na nge.+
Yehowa, Ntotila ya Izraele, kele na kati na nge.+
Nge ta wa diaka ve boma ya mambu ya mpasi.+
16 Bo ta tubila Yeruzalemi na kilumbu yina nde:
“Kuwa boma ve, O Sioni.+
Kubwisa ve maboko.
17 Yehowa Nzambi na nge kele na kati na nge.+
Sambu yandi kele Muntu ya ngolo, yandi ta gulusa.
Yandi ta yangalala sambu na nge ti kiese mingi.+
Yandi ta kuma pima* na zola na yandi.
Yandi ta vanda na kiese sambu na nge mpi ta tula milolo ya kiese.
18 Mono ta vukisa bantu yina ke wa mawa sambu bo kwisaka ve na bankinsi na nge;+Bo vandaka ve na kati na nge sambu bo vandaka kupesa bo nsoni sambu na yandi.+
19 Na ntangu yina mono ta pesa ndola na bantu yonso yina ke niokula nge;+Mono ta gulusa bantu yina ke tambula kifu,+Mpi mono ta vukisa bantu yina panzanaka.+
Mono ta sala nde bo kumisa bo mpi bo vanda ti lukumu ya mbote*Na bansi yonso yina bo waka nsoni.
20 Na ntangu yina mono ta kotisa beno,Ntangu mono ta vukisa beno.
Sambu mono ta sala nde beno vanda ti lukumu* mpi nkembo+ na kati ya bantu yonso ya ntoto,Ntangu mono ta vutula na meso na beno bantu na beno yina bo nataka na kimpika,” Yehowa muntu me tuba.+
Banoti na nsi ya lutiti
^ To “fwete pesa yandi ndola.”
^ To “ndima nde bo sungika nge.”
^ To “beno vingila mono ti kukanga-ntima yonso.”
^ To mbala ya nkaka, “ta telama bonso mbangi.”
^ To “sambila yandi na bumosi.”
^ To “ta dia matiti.”
^ To “ta pema; ta kuma na kiese.”
^ Na kisina, “ti zina.”
^ Na kisina, “ti zina.”
