Sefania 2:1-15
2 Beno vukana, ee, beno vukana,+O dikanda yina ke waka ve nsoni.+
2 Na ntwala nde bo yantika kusadila nsiku,Na ntwala nde kilumbu kuluta bonso mpusu ya ble yina mupepe ke nata,Na ntwala nde makasi ya ngolo ya Yehowa kukwisila beno,+Na ntwala nde kilumbu ya makasi ya Yehowa kukwisila beno,
3 Beno sosa Yehowa,+ beno yonso bantu ya kudikulumusa ya ntoto,Yina ke zitisaka bantuma* na yandi ya lunungu.
Beno sosa lunungu, beno sosa kudikulumusa.
Mbala ya nkaka* bo ta bumba beno na kilumbu ya makasi ya Yehowa.+
4 Sambu Gaza ta vanda mbanza yina bantu me tinaka;Mpi Ashkeloni ta bikala mpamba.+
Bo ta kula Ashdodi na kati-kati ya ntangu,*Mpi bo ta tumuna Ekroni.+
5 “Mawa na bantu yina ke zingaka na lweka ya nzadi-mungwa, na dikanda ya bantu ya Kereti!+
Yehowa me bedisa beno.
O Kanana, insi ya bantu ya Filistia, mono ta fwa nge,Yo yina muntu mosi ve ta zinga kuna.
6 Mpi lweka ya nzadi-mungwa ta kuma banseke,Ti mabulu ya masa sambu na bangungudi mpi balupangu ya matadi sambu na mameme.
7 Yo ta kuma ntoto ya bantu ya nzo ya Yuda yina ta bikala;+Bo ta dia kuna.
Bo ta lala na nkokila na banzo ya Ashkeloni.
Sambu Yehowa Nzambi na bo ta tudila bo dikebi,*Mpi yandi ta vutula bantu na bo yina bo nataka na kimpika.”+
8 “Mono me wa kutonga ya Moabi+ mpi mafingu ya bantu ya Amoni,+Yina me sosila bantu na mono mpi me kudikumisa nde bo ta baka teritware na bo.+
9 Yo yina, ya kieleka, mutindu mono kele na luzingu,” Yehowa ya makesa, Nzambi ya Izraele, muntu me tuba,“Moabi ta kuma kaka bonso Sodome,+Mpi bantu ya Amoni ta kuma bonso Gomore,+Kisika ya banti ya bansende, dibulu ya mungwa, mpi ntoto ya mpamba ya ntangu yonso.+
Bantu na mono yina ta bikala ta botula bima na bo,Bantu ya dikanda na mono yina ta bikala ta botula insi na bo.
10 Yai ndola yina bo ta baka sambu na lulendo na bo,+Sambu bo sosilaka bantu ya Yehowa ya makesa mpi bo kudinangulaka na ntwala na bo.
11 Yehowa ta pesa bo boma;*Sambu yandi ta fwa* banzambi yonso ya ntoto,Mpi bisanga yonso ya makanda ta fukimina* yandi,+Konso muntu na kisika na yandi.
12 Beno bantu ya Etiopia, bo ta fwa beno mpi na mbele na mono ya bitumba.+
13 Yandi ta tandula diboko na yandi na ndambu ya nordi mpi ta fwa Asiria,Mpi yandi ta bikisa Ninive mpamba,+ ya kuyuma bonso ntoto ya zelo na zelo.
14 Bitwisi ta lala na kati na yandi, bambisi ya mfinda ya mitindu yonso.*
Pelikane mpi mpuku* ta lala na kati ya bima ya makunzi na yandi yina kele bonso bankalu.
Ndinga mosi ta yimba na nela.
Lufwa ta vanda na munoko ya nzo;Sambu yandi ta basisa na mpenza mabaya ya sedre yina ke fikaka bibaka.
15 Yai mbanza ya lulendo yina vandaka na lutaninu,Yina vandaka kutuba na ntima na yandi nde, ‘Mono mpamba, muntu ya nkaka kele ve.’
Yandi me kuma kibeni kima ya ke pesa boma,Kisika yina bambisi ya mfinda ke lalaka!
Konso muntu yina ke luta pene-pene na yandi ta bula mwita mpi ta nikisa dikofi na yandi.”+
Banoti na nsi ya lutiti
^ Na kisina, “lusambisu.”
^ To “Yo lenda vanda nde.”
^ To “na midi.”
^ To “ta keba bo.”
^ To “ta titisa bo.”
^ To “ta kondisa.”
^ To “ta sambila.”
^ Na kisina, “konso mbisi ya dikanda.”
^ To “porkepiki.”
