Bingana 26:1-28
26 Bonso mvula ya mpembe* na nsungi ya mvula mpi mvula na ntangu ya kukatula bima na bilanga,Lukumu me fwana ve sambu na zoba.+
2 Kaka mutindu ndeke ke vandaka ti kikuma ya kutina mpi kakangala ke vandaka ti kikuma ya kupumbuka,Mutindu mosi, bo ke singaka ve muntu kukonda kikuma ya kieleka.*
3 Fimbu kele sambu na mpunda ya bitumba, nsinga ya bo ke tulaka na munoko ya mpunda kele sambu na mpunda,+Mpi fimbu kele sambu na mukongo ya bazoba.+
4 Kupesa ve zoba mvutu na kulanda buzoba na yandi,Sambu nge fwanana ve ti yandi.*
5 Pesa zoba mvutu na kulanda buzoba na yandi,Sambu yandi yindula ve nde yandi kele mayele.+
6 Muntu yina ke pesa mambu na maboko ya zoba,Kele bonso muntu yina ke kudizenga makulu mpi ke kudipesa mpasi.*
7 Kingana na munoko ya bazoba,+Kele bonso makulu yina ke tenga-tenga* ya kikata.
8 Kupesa nkembo na zoba,+Kele bonso kukanga ditadi na lanse.
9 Kingana na munoko ya bazobaKele bonso nti ya bansende yina kele na diboko ya muntu ya me lawuka malafu.
10 Muntu yina ke baka zoba to bantu yina ke luta na kisaluKele bonso muntu ya ke sadilaka munduki ya tolo-tolo yina ke lwadisa bantu kukonda kukana.*
11 Bonso mbwa yina ke vutukila bima yina yo me luka,Zoba ke vutukilaka buzoba na yandi.+
12 Keti nge me monaka muntu yina ke yindula nde yandi kele mayele?+
Kivuvu kele mingi sambu na zoba kuluta sambu na yandi.
13 Molo ke tuba nde: “Mwana-ntambu kele na nzila,Ntambu kele na bala-bala ya nene!”+
14 Kielo ke landaka kubaluka na bisika yina yo ke balukilaka,Mpi molo ke landaka kubaluka na mbeto na yandi.+
15 Molo me tula diboko na bolo ya nkinsi,Kansi yandi me lemba mingi sambu na kunata yo na munoko na yandi.+
16 Molo ke yindulaka nde yandi kele mayele mingiKuluta bantu nsambwadi yina ke pesa mvutu ya mbote.
17 Muntu yina ke luta mpi ke wa makasi sambu* na makambu yina me tala yandi ve+Kele bonso muntu yina ke simba ngolo makutu ya mbwa.
18 Bonso muntu ya kilawu yina ke losa batolo-tolo ya tiya, batolo-tolo, mpi lufwa*
19 Muntu yina ke kusa nkweno na yandi mpi ke tuba nde, “Mono vandaka kaka kusala nsaka!”+ kele mutindu yina.
20 Kisika bankuni kele ve, tiya ke fwaka,Mpi kisika muntu ya ke kusilaka bantu makambu kele ve, kuswana ke manaka.+
21 Mutindu makala ke vandaka sambu na makala ya tiya mpi bankuni sambu na tiya,Mutindu mosi mpi muntu yina ke nwanisaka bantu ke pedisaka tiya na kuswana.+
22 Bangogo ya muntu yina ke kusilaka bantu makambu kele bonso madia ya ntomo;*Bo ke minaka yo mbala mosi mpi yo ke kulumukaka tii na divumu.+
23 Bangogo ya zola yina ke katuka na* ntima ya mbi+Kele bonso arza ya bo me pakula na kipesi mosi ya dibungu ya kupasuka.
24 Muntu yina ke mengaka bantu ya nkaka ke bumbaka yo na bikobo na yandi,Kansi na kati yandi ke bumbaka luvunu.
25 Ata yandi ke tuba na mawete, kukwikila yandi ve,Sambu kele ti bima nsambwadi ya nzanzi na ntima na yandi.*
26 Ata kumenga na yandi kele ya kubumbana na nzila ya luvunu,Bo ta monisa pwelele mbi na yandi na dibundu.
27 Muntu yina ke timuna dibulu ta bwa na kati na yo,Mpi muntu yina ke dindumuna ditadi—yo ta vutukila yandi.+
28 Ludimi yina ke kusaka ke mengaka bantu yina yo ke pesa mpasi,Mpi munoko yina ke lebaka ke bebisaka.+
Banoti na nsi ya lutiti
^ To “neige.”
^ To mbala ya nkaka, “Mutindu mosi, kusinga yina muntu me fwana ve na kubaka ke lutaka ve.”
^ To “Sambu nge kudikumisa ve bonso yandi.”
^ Na kisina, “ke nwa mubulu.”
^ To “ke lela.”
^ To “ya ke lwadisa bantu yonso.”
^ To mbala ya nkaka, “ke kudikotisa.”
^ To “batolo-tolo yina ke fwaka.”
^ To “bonso madia yina bo fwete mina na lukasi.”
^ Na kisina, “Bikobo ya tiya ti.”
^ To “Sambu ntima na yandi kele nzanzi kibeni.”
