Nkunga 71:1-24
71 O Yehowa, mono me tina na nge.
Bika bo pesa mono ve nsoni ata fioti.+
2 Na lunungu na nge tanina mono mpi gulusa mono.
Tudila mono dikutu* mpi gulusa mono.+
3 Kuma nzo ya ngolo ya ditadi sambu na monoKisika mono lenda kota ntangu yonso.
Pesa nsiku sambu bo gulusa mono,Sambu nge kele ditadi na mono mpi kisika na mono ya ngolo ya lutaninu.+
4 O Nzambi na mono, katula mono na maboko ya muntu ya mbi,+Na maboko ya muntu ya mbi yina ke niokulaka bantu.
5 Sambu nge kele kivuvu na mono, O Yehowa Mfumu ya Kuluta Nene;Mono ke tudilaka nge ntima* katuka kileke na mono.+
6 Mono ke tudilaka nge ntima katuka ntangu yina mono me butukaka;Nge muntu bakaka mono na divumu ya mama na mono.+
Mono ke kumisaka nge ntangu yonso.
7 Mono me kuma bonso kimangu sambu na bantu mingi,Kansi nge kele kitininu na mono ya ngolo.
8 Munoko na mono me fuluka ti lukumu na nge;+Kilumbu ya mvimba mono ke tubila lukumu na nge.
9 Kulosa mono ve na kimununu na mono;+Kuyambula mono ve ntangu ngolo na mono me mana.+
10 Bambeni na mono ke tuba mambu ya mbi sambu na mono,Mpi bantu yina ke sosa kufwa mono* ke sala komplo,+
11 Bo ke tuba nde: “Nzambi me yambula yandi.
Beno landa yandi mpi beno kanga yandi, sambu muntu ya kugulusa yandi kele ve.”+
12 O Nzambi, kubikala ve ntama ti mono.
O Nzambi na mono, kwisa kusadisa mono nswalu.+
13 Bika bantu yina ke nwanisa mono*Bo wa nsoni mpi bo fwa.+
Bika bantu yina ke sosa nde mono mona mpasiBo wa nsoni kibeni mpi bo kulumusa bo.+
14 Kansi mono, mono ta landa na kuvingila;Mono ta pesa nge diaka lukumu mingi kuluta.
15 Munoko na mono ta tubila lunungu na nge,+Kilumbu ya mvimba mutindu nge ke gulusaka,Ata yo kele mingi kibeni mpi mono lenda bakisa* yo ve.+
16 Mono ta kwisa mpi ta tubila bisalu na nge ya ngolo,O Yehowa Mfumu ya Kuluta Nene;Mono ta tubila lunungu na nge, lunungu na nge mpamba.
17 O Nzambi, nge me longaka mono katuka kileke na mono,+Mpi tii ntangu yai mono ke landa kuzabisa bisalu na nge ya kuyituka.+
18 Ata ntangu mono me kuma mununu mpi ti nsuki ya mpembe, O Nzambi, kuyambula mono ve.+
Bika mono zabisa ngolo* na nge na ndonga ya bantu yina ke kwisaMpi ngolo na nge na bantu yonso yina ta kwisa.+
19 Lunungu na nge, O Nzambi, ke kuma tii na bisika ya kunanguka;+Nge me salaka mambu ya nene;O Nzambi, nani kele bonso nge?+
20 Ata nge me sala nde mono mona bampasi mingi mpi mono niokwama mingi,+Vutula mono na luzingu;Basisa mono na nsi kibeni* ya ntoto.+
21 Bika nde nge kumisa mingi bunene na mono,Nge ziunga mono mpi nge lembika mono.
22 Ebuna mono ta kumisa nge ti kima ya kubudila miziki ya kele ti bansinga,Sambu na kwikama na nge, O Nzambi na mono.+
Mono ta yimba bankunga* sambu na kukumisa nge ti kidare,O Santu ya Izraele.
23 Munoko na mono ta tula milolo ya kiese ntangu mono ta yimbila nge bankunga ya lukumu,+Sambu nge me gulusa luzingu na mono.*+
24 Ludimi na mono ta tubila* lunungu na nge kilumbu ya mvimba,+Sambu bantu yina ke sosa lufwa na mono ta wa nsoni kibeni.+
Banoti na nsi ya lutiti
^ To “Fumbama mpi widikila mono.”
^ To “Nge kele muntu ya mono ke tudilaka ntima.”
^ To “ke sosa moyo na mono.”
^ To “moyo na mono.”
^ To “tanga.”
^ Na kisina, “diboko.”
^ To “bamasa yina kele na nsi kibeni.”
^ To “ta bula miziki.”
^ To “me sumbulula moyo na mono.”
^ To “ta yindulula.”
