Nkunga 59:1-17
Na ntwadisi; ya bo me tula na “Kubebisa Ve.” Ya Davidi. Miktami.* Ntangu Saule tindaka bantu na kulangidila nzo ya Davidi sambu bo fwa yandi.+
59 Katula mono na maboko ya bambeni na mono, O Nzambi na mono;+Tanina mono na bantu yina ke nwanisa mono.+
2 Katula mono na maboko ya bantu yina ke salaka mambu ya mbi,Mpi gulusa mono na maboko ya bantu ya mubulu.*
3 Tala! Bo me bumbana sambu na kukanga mono;*+Bantu ya ngolo ke nwanisa mono,Kansi yo kele ve sambu mono me kolama to me sala disumu,+ O Yehowa.
4 Ata mono salaka ve mbi, bo ke baka ntinu mpi ke yilama sambu na kunwa- nisa mono.
Telama na ntangu mono ke binga mpi tala.
5 Sambu nge, O Yehowa Nzambi ya makesa, nge kele Nzambi ya Izraele.+
Telama sambu na kutudila makanda yonso dikebi.
Kuwila ve ata muyekudi mosi ya mayele ya mbi mawa.+ (Sela)
6 Bo ke vutuka konso nkokila;+Bo ke ngana* bonso bambwa+ mpi ke baluka na nziunga ya mbanza.+
7 Tala mambu yina ke basika na minoko na bo;Minoko na bo kele bonso bambele ya bitumba,+Sambu bo ke tuba nde: “Nani ke wa?”+
8 Kansi nge, O Yehowa, nge ta seka bo;+Nge ta vweza makanda yonso.+
9 O Ngolo na mono, mono ta landa kutala kaka nge;+Sambu Nzambi kele kisika na mono ya mbote ya kubumbana.*+
10 Nzambi yina ke monisilaka mono zola ya kwikama ta kwisa kusadisa mono;+Nzambi ta sala nde mono tala mutindu bambeni na mono ta bwa.+
11 Kufwa bo ve, sambu bantu na mono kuvila ve.
Na ngolo na nge sala nde bo yungana-yungana;Sala nde bo bwa, O Yehowa, kitaninu na mono.+
12 Sambu na disumu ya munoko na bo, mambu yina bikobo na bo ke tuba,Bika bo kangama na lulendo na bo,+Sambu bo ke singa bantu mpi bo ke kusa.
13 Manisa bo na makasi na nge;+Manisa bo, sambu bo vanda diaka ve;Sala sambu bo zaba nde Nzambi ke yala na Yakobi mpi tii na nsuka ya ntoto.+ (Sela)
14 Bika bo vutuka na nkokila;Bika bo ngana* bonso bambwa mpi bo baluka na nziunga ya mbanza.+
15 Bika bo yungana-yungana sambu na kusosa kima ya kudia;+Kubika ve nde bo fuluka to nde bo mona kisika ya kulala.
16 Kansi mono, mono ta yimbila ngolo na nge;+Na suka mono ta zabisa zola na nge ya kwikama na kiese yonso.
Sambu nge kele kisika na mono ya mbote ya kubumbana+Mpi kisika yina mono ke tinaka na ntangu ya mpasi.+
17 O Ngolo na mono, mono ta yimba bankunga* sambu na kukumisa nge,+Sambu Nzambi kele kisika na mono ya mbote ya ku- bumbana, Nzambi yina ke monisilaka mono zola ya kwikama.+
Banoti na nsi ya lutiti
^ Tala Bantendula ya Bangogo.
^ To “ya bantu yina kele ti nzala ya kunwa menga.”
^ To “moyo na mono.”
^ To “ke dila.”
^ To “kisika na mono ya kutinina ya kunanguka.”
^ To “dila.”
^ To “ta bula miziki.”
