Nkunga 57:1-11
Na ntwadisi; ya bo me tula na “Kubebisa Ve.” Ya Davidi. Miktami.* Ntangu yandi tinaka Saule mpi kotaka na dibulu.+
57 Wila mono mawa, O Nzambi, wila mono mawa,Sambu mono* ke tina na nge,+Mpi mono ke tina na kivudi ya mapapu na nge tii kuna bampasi ta luta.+
2 Mono ke binga Nzambi Muntu ya Kuluta Zulu,Mono ke binga Nzambi ya kieleka, yina ke sukisa bo sambu na mono.
3 Yandi ta tinda lusadisu katuka na zulu mpi ta gulusa mono.+
Yandi ta bebisa muntu yina ke tatika mono. (Sela)
Nzambi ta tinda zola na yandi ya kwikama mpi kwikama na yandi.+
4 Bantambu me ziunga mono;*+Mono fwete lala na kati ya bantu yina ke zola kudia mono,Yina meno na bo kele makonga mpi batolo-toloMpi yina ludimi na bo kele mbele ya bitumba ya makasi.+
5 O Nzambi, vanda ya kunanguka na zulu kibeni;Bika nkembo na nge kuvanda na ntoto ya mvimba.+
6 Bo me yidika bukondi sambu na kukanga makulu na mono;+Mono* me fukama na mpasi.+
Bo me timuna dibulu na ntwala na mono,Kansi bo mosi me bwa na kati na yo.+ (Sela)
7 Ntima na mono kele ngolo, O Nzambi,+Ntima na mono kele ngolo.
Mono ta yimba mpi ta bula miziki.
8 Telama, nkembo na mono.
Telama, O kima ya kubudila miziki ya kele ti bansinga; nge mpi, O kidare.
Mono ta tedimisa suka.+
9 O Yehowa, mono ta kumisa nge na kati ya bantu;+Mono ta yimba bankunga* sambu na kukumisa nge na kati ya makanda.+
10 Sambu zola na nge ya kwikama kele nene, yo kele ya kunanguka bonso zulu,+Mpi kwikama na nge, tii na matuti.
11 O Nzambi, vanda ya kuna- nguka na zulu kibeni;Bika nkembo na nge kuvanda na ntoto ya mvimba.+
Banoti na nsi ya lutiti
^ Tala Bantendula ya Bangogo.
^ To “moyo na mono.”
^ To “moyo na mono.”
^ To “Moyo na mono.”
^ To “ta bula miziki.”
