Nkunga 146:1-10
146 Beno kumisa Yah!*+
Bika mono kumisa* Yehowa.+
2 Mono ta kumisa Yehowa luzingu na mono ya mvimba.
Mono ta yimba bankunga* sambu na kukumisa Nzambi na mono ntangu yonso ya mono kele na luzingu.
3 Beno tula ve ntima na bamfumu*To na mwana ya muntu, yina lenda gulusa ve.+
4 Mpema* na yandi ke basikaka, yandi ke vutukaka na ntoto;+Kaka na kilumbu yina mabanza na yandi ke vilaka.+
5 Kiese na muntu yina Nzambi ya Yakobi kele nsadisi na yandi,+Yina kivuvu na yandi kele na Yehowa Nzambi na yandi,+
6 Muntu yina salaka zulu ti ntoto,Nzadi-mungwa, mpi bima yonso yina kele na kati na yo,+Muntu yina ke vandaka ntangu yonso ya kwikama,+
7 Muntu yina ke zengaka na lunungu mambu ya bantu yina bo me kusaka,Muntu yina ke pesaka dimpa na bantu yina kele na nzala.+
Yehowa ke pesaka bantu ya boloko*+ kimpwanza.
8 Yehowa ke kangulaka meso ya bifwa-meso;+Yehowa ke tedimisaka bantu yina me fumbama;+Yehowa ke zolaka bantu ya lunungu.
9 Yehowa ke taninaka banzenza;Yandi ke sadisaka mwana yina me konda tata mpi mufwidi ya nkento,+Kansi yandi ke bebisaka balukanu ya bantu ya mbi.*+
10 Yehowa ta vanda Ntotila kimakulu,+Nzambi na nge, O Sioni, na bandonga yonso ya bantu yina ta kwisa.
Beno kumisa Yah!*
Banoti na nsi ya lutiti
^ To “Aleluya!” “Yah” kele zina ya Yehowa na bunkufi.
^ To “moyo na mono kukumisa.”
^ To “ta bula miziki.”
^ To “bantu ya lukumu.”
^ Na kisina, “Mpeve.”
^ Na kisina, “bantu ya bo me kanga.”
^ To “ke kumisaka nzila ya bantu ya mbi nioka-nioka.”
^ To “Aleluya!” “Yah” kele zina ya Yehowa na bunkufi.
