Nkunga 135:1-21
135 Beno kumisa Yah!*
Beno kumisa zina ya Yehowa;Beno kumisa yandi, beno bansadi ya Yehowa,+
2 Beno bantu yina ke telamaka na nzo ya Yehowa,Na bibansala ya nzo ya Nzambi na beto.+
3 Beno kumisa Yah, sambu Yehowa kele mbote.+
Beno yimba bankunga* sambu na kukumisa zina na yandi, sambu yo ke pesaka kiese.
4 Sambu Yah me solaka Yakobi sambu na yandi mosi,Izraele sambu na kuvanda kima na yandi ya mfunu.*+
5 Sambu mono me zaba mbote nde Yehowa kele nene;Mfumu na beto kele nene kuluta banzambi yonso ya nkaka.+
6 Yehowa ke salaka mambu yonso yina yandi ke zolaka kusala+Na zulu mpi na ntoto, na banzadi-mungwa mpi na bisika yonso ya mudindu.
7 Yandi ke salaka nde matuti* kutombuka katuka na nsuka ya ntoto;Yandi ke basisaka nzasi* sambu na mvula;Yandi ke basisaka mupepe na banzo na yandi ya kubumbila bima.+
8 Yandi fwaka bana ya ntete ya Ezipte,Muntu mpi mbisi.+
9 Yandi tindaka bidimbu ti bimangu na kati na nge, O Ezipte,+Na Farao mpi na bansadi na yandi yonso.+
10 Yandi fwaka makanda mingi+Mpi fwaka bantotila ya ngolo+
11 —Sihoni ntotila ya bantu ya Amore,+Ogi ntotila ya Bashani,+Mpi bimfumu yonso ya Kanana.
12 Yandi pesaka insi na bo bonso dikabu,Dikabu na bantu na yandi Izraele.+
13 O Yehowa, zina na nge ke zingaka kimakulu.
O Yehowa, lukumu* na nge ke zingaka tii na bandonga yonso ya bantu.+
14 Sambu Yehowa ta nwanina* bantu na yandi,+Mpi yandi ta wila bansadi na yandi mawa.+
15 Biteki ya makanda kele arza mpi wolo,Kisalu ya maboko ya muntu.+
16 Yo kele na munoko, kansi yo ke tubaka ve;+Yo kele na meso, kansi yo ke monaka ve;
17 Yo kele na makutu, kansi yo ke waka ve.
Mpema kele ve na munoko na yo.+
18 Bantu yina ke salaka yo ta kuma kaka bonso yo,+Bayina yonso mpi ke tudilaka yo ntima ta kuma bonso yo.+
19 O nzo ya Izraele, beno kumisa Yehowa.
O nzo ya Aroni, beno kumisa Yehowa.
20 O nzo ya Levi, beno kumisa Yehowa.+
Beno bantu yina ke waka Yehowa boma, beno kumisa Yehowa.
21 Bika Yehowa kubaka lukumu katuka na Sioni,+Muntu yina ke zingaka na Yeruzalemi.+
Beno kumisa Yah!+
Banoti na nsi ya lutiti
^ To “Aleluya!” “Yah” kele zina ya Yehowa na bunkufi.
^ To “bula miziki.”
^ To “kima na yandi ya ntalu.”
^ To “lubungi.”
^ To mbala ya nkaka, “ke salaka bakielo.”
^ To “zina.”
^ To “ta samba diambu ya.”
