Nkunga 109:1-31
Na ntwadisi. Ya Davidi. Nkunga.
109 O Nzambi yina mono ke kumisaka,+ kuvanda ve pima.
2 Sambu muntu ya mbi mpi muntu ya ke kusaka ke kangudila mono munoko.
Bo ke tuba-tuba sambu na mono ti baludimi ya ke kusaka;+
3 Bo ke ziunga mono mpi ke tubila mono bangogo ya ke lwadisa,Mpi bo ke nwanisa mono kukonda kikuma.+
4 Bo ke nwanisa mono sambu na zola na mono;+Kansi mono ke landa kusamba.
5 Bo ke vutudila mono mbi sambu na mambote+Mpi kimbeni sambu na zola na mono.+
6 Tula muntu ya mbi sambu na kuyala yandi;Bika mbeni* kutelama na diboko na yandi ya kitata.
7 Ntangu bo ke sambisa yandi, bika bo mona nde yandi me sala mbi;*Bika bo tadila ata kisambu na yandi nde yo kele disumu.+
8 Bika bilumbu na yandi kuvanda fioti;+Bika muntu ya nkaka kubaka kisalu na yandi ya kukengila.+
9 Bika bana na yandi* kukuma bana ya me konda batata,Mpi nkento na yandi kukuma mufwidi.
10 Bika bana na yandi* kukuma bantu ya ke lombaka bima, yina ke yungana-yungana,Yina ke sosa-sosa madia na banzo na bo ya me bebaka.
11 Bika muntu yina me defisa yandi bima kubotula* bima yonso yina yandi kele na yo,Mpi banzenza kuyiba bima na yandi.
12 Muntu mosi ve kumonisila yandi ntima ya mbote,*Mpi muntu mosi ve kumonisila bana na yandi ya me konda tata ntima ya mbote.
13 Bo fwa bana* na yandi;+Bo vwansa bazina na bo na kati ya ndonga ya bantu.
14 Bika Yehowa kuyibuka kifu ya ba-nkaka na yandi,+Mpi bika bo vwansa ve disumu ya mama na yandi.
15 Bika Yehowa kuzaba ntangu yonso mambu yina bo me sala;Mpi bika yandi katula na ntoto mambu yina ta sala nde bo yibuka bo.+
16 Sambu yandi yibukaka ve na kumonisa ntima ya mbote,*+Kansi yandi landaka kukudikisa muntu ya bo ke niokula,+ nsukami, mpi muntu ya kele na ntima ya kele na mawa,Sambu na kufwa yandi.+
17 Yandi vandaka kuzola kusinga, yo yina diambu yina kuminaka yandi;Yandi vandaka ve na nzala ya kusakumuna, yo yina yandi bakaka ve lusakumunu.
18 Yandi lwataka balusingu bonso lele.
Mpi yo tiamukaka na nitu na yandi bonso masa,Yo tiamukaka na mikwa na yandi bonso mafuta.
19 Bika balusingu na yandi kuvanda bonso lele yina yandi me lwata+Mpi bonso mukaba yina yandi ke lwataka ntangu yonso.
20 Yai matabisi yina Yehowa ke pesaka muntu yina ke nwanisa mono+Mpi bantu yina ke tuba mambu ya mbi sambu na mono.*
21 Kansi nge, Yehowa Mfumu ya Kuluta Nene,Sadisa mono sambu na zina na nge.+
Gulusa mono, sambu zola na nge ya kwikama kele mbote.+
22 Sambu mono me konda lusadisu mpi kele nsukami,+Mpi ntima na mono me lwala na kati na mono.+
23 Mono ke fwa bonso kivudi yina ke vila;Bo me nikisa mono bonso mpasu.
24 Mabolongo na mono ke tekita sambu mono ke buya madia;Nitu na mono me konda, mpi mono me lemba.*
25 Mono me kuma muntu yina bo ke sosila.+
Ntangu bo ke mona mono, bo ke nikisa ba-ntu.+
26 Sadisa mono, O Yehowa Nzambi na mono;Gulusa mono na zola na nge ya kwikama.
27 Bika bo zaba nde yo kele na nsadisa ya diboko na nge;Nde nge, O Yehowa, nge muntu me sala yo.
28 Bika bo bo singa, kansi nge, nge pesa lusakumunu.
Ntangu bo ke telama sambu na kunwanisa mono, bika bo pesa bo nsoni,Kansi bika nde nsadi na nge kuyangalala.
29 Bika nsoni kulwata bantu yina ke nwanisa mono;Bika nsoni na bo kuziunga bo bonso mvwela.*+
30 Munoko na mono ta kumisa Yehowa na kikesa yonso;Mono ta kumisa yandi na ntwala ya bantu mingi.+
31 Sambu yandi ta telama na diboko ya kitata ya nsukamiSambu na kugulusa yandi na bantu yina ke bedisa yandi.*
Banoti na nsi ya lutiti
^ To “muntu ya ke fundaka.”
^ To “yandi kele muntu ya mbi.”
^ Na kisina, “bana na yandi ya babakala.”
^ Na kisina, “bana na yandi ya babakala.”
^ To “Bika nde bantu ya ke defisaka mbongo kutula mutambu na.”
^ To “zola ya kwikama.”
^ To “nkuna.”
^ To “zola ya kwikama.”
^ To “moyo na mono.”
^ Na kisina, “Nsuni na mono me konda, yo kele ve ti mafuta.”
^ To “kazaka ya kukonda maboko.”
^ To “moyo na yandi.”
