1 Bansangu 4:1-43
4 Bana ya Yuda bo yai: Peresi,+ Esroni,+ Karmi, Hure,+ mpi Shobale.+
2 Reaya mwana ya Shobale butaka Yahati; Yahati butaka Ahumai ti Lahadi. Yai mabuta ya bantu ya Sorati.+
3 Bana ya tata ya Etami+ bo yai: Yizreele, Yishma, mpi Yidbashi (mpi zina ya mpangi na bo ya nkento vandaka Aselelponi),
4 Penuele vandaka tata ya Gedore mpi Ezere vandaka tata ya Usha. Yai bana ya Hure,+ mwana ya ntete ya Efrata, mpi tata ya Betelemi.+
5 Ashehure+ tata ya Tekoa+ vandaka ti bankento zole, Hela ti Naara.
6 Naara butilaka yandi Ahuzami, Hefere, Temeni, mpi Ahashtari. Bantu yai vandaka bana ya Naara.
7 Mpi bana ya Hela bo yai: Sereti, Yisare, mpi Etnani.
8 Kose butaka Anubi, Sobeba, mpi mabuta ya Aharele mwana ya Arumi.
9 Yabesi vandaka muntu ya lukumu mingi kuluta bampangi na yandi; mpi mama na yandi pesaka yandi zina Yabesi,* yandi tubaka nde: “Mono butaka yandi na mpasi.”
10 Yabesi bingaka Nzambi ya Izraele nde: “A kana nge sakumuna mono, nge kumisa teritware na mono nene, nge sala nde diboko na nge kuvanda ti mono, mpi nge tanina mono na bampasi, sambu yo natila mono ve mpasi!” Mpi Nzambi lungisaka mambu yina yandi lombaka.
11 Kelubi mpangi ya Shuha butaka Mehire, yina vandaka tata ya Eshtoni.
12 Eshtoni butaka Bete-rafa, Pasea, mpi Tehina, tata ya Ire-nahashi. Bantu yai vandaka bantu ya Reka.
13 Bana ya Kenazi bo yai: Otniele+ ti Seraya, mpi mwana* ya Otniele yandi yai: Atati.
14 Meonotai butaka Ofra. Seraya butaka Yoabi tata ya Ge-arashimi,* bo vandaka kubinga bo mutindu yina sambu bo vandaka bantu ya bisalu ya maboko.
15 Bana ya Kalebi,+ mwana ya Yefune bo yai: Iru, Ela, mpi Naami; mwana* ya Ela yandi yai: Kenazi.
16 Bana ya Yehalelele bo yai: Zifi, Zifa, Tiria, mpi Asarele.
17 Bana ya Ezra bo yai: Yetere, Meredi, Efere, mpi Yaloni; yandi* bakaka divumu mpi butaka Miriami, Shamai, mpi Yishba tata ya Eshtemoa.
18 (Nkento na yandi ya Muyuda butaka Yeredi tata ya Gedore, Hebere tata ya Soko, mpi Yekutiele tata ya Zanoa.) Bantu yai vandaka bana ya Bitia mwana ya Farao, yina Meredi kwelaka.
19 Bana ya nkento ya Odia, mpangi ya Nahami ya nkento, bo yai: batata ya Keila muntu ya Garmi mpi ya Eshtemoa muntu ya Maakati.
20 Bana ya Shimoni bo yai: Amnoni, Rina, Bene-anani, mpi Tiloni. Mpi bana ya Yishi bo yai: Zoheti ti Bene-zoheti.
21 Bana ya Shela+ mwana ya Yuda bo yai: Ere tata ya Leka, Laada tata ya Maresha, mpi mabuta ya bantu yina vandaka kusala bilele ya kitoko ya nzo ya Ashbea,
22 mpi Yokimi, bantu ya Kozeba, Yoashi, mpi Sarafi, yina kumaka babakala ya bankento ya Moabi, mpi Yashubi-lehemi. Masolo yai kele ya ntama.*
23 Bo vandaka bantu ya ke salaka bima ya ntoto ya tuma yina vandaka kuzinga na Netayimi mpi Gedera. Bo vandaka kuzinga kuna mpi kusadila ntotila.
24 Bana ya Simeoni+ bo yai: Nemuele, Yamini, Yaribi, Zera, mpi Shaule.+
25 Shaule butaka Shalumi, Shalumi butaka Mibsami, mpi Mibsami butaka Mishma.
26 Bana ya Mishma bo yai: Amuele mwana na yandi, Zakure mwana na yandi, Shimei mwana na yandi.
27 Shimei vandaka ti bana-babakala 16 mpi bana-bankento 6; kansi bampangi na yandi vandaka na bana mingi ve, mpi ata muntu mosi ve ya mabuta na bo vandaka na bana mingi kuluta bantu ya Yuda.+
28 Bo vandaka kuzinga na Bere-sheba,+ Molada,+ Azare-shuale,+
29 Bila, Esemi,+ Toladi,
30 Betuele,+ Orma,+ Siklagi,+
31 Bete-markaboti, Azare-susimi,+ Bete-biri, mpi Shaarayimi. Yo vandaka bambanza na bo tii na luyalu ya Davidi.
32 Babwala na bo yo yai: Etami, Ayini, Rimoni, Tokeni, mpi Ashani,+ bambanza tanu,
33 kumosi ti babwala na bo yina vandaka na nziunga ya bambanza yina tii na Baale. Yai mutindu bo sonikaka bazina na bo na kulanda bandonga ya ba-nkaka na bo mpi bisika yina bo vandaka kuzinga.
34 Mpi Meshobabi, Yamleki, Yosha mwana ya Amasia,
35 Yoele, Yehu mwana ya Yoshibia mwana ya Seraya mwana ya Asiele,
36 Elioenai, Yaakoba, Yeshohaya, Asaya, Adiele, Yesimiele, Benaya,
37 mpi Ziza mwana ya Shifi mwana ya Aloni mwana ya Yedaya mwana ya Shimri mwana ya Shemaya;
38 bantu yai ya bo me tanga bazina na bo vandaka bamfumu na mabuta na bo, mpi bantu ya banzo ya ba-nkaka na bo kumaka mingi.
39 Bo kwendaka na kisika ya kukotila na Gedore, na ndambu ya esti ya muwanda, sambu na kusosa banseke ya kudisa bitwisi na bo.
40 Nsuka-nsuka bo monaka banseke ya kitoko ti ya mbote, mpi insi yina vandaka nene, pima, mpi kukonda mavwanga. Bantu vandaka kuzinga ntete kuna vandaka bantu ya Kami.+
41 Bantu yai ya bo me tanga bazina na bo kwisaka na bilumbu ya ntotila Ezekiasi+ ya Yuda mpi bo fwaka batenta ya bantu ya Kami mpi bantu ya Meunimi yina vandaka kuna. Bo fwaka bo tii bubu yai; mpi bo kumaka kuzinga na kisika na bo sambu banseke ya kudisa bitwisi na bo vandaka kuna.
42 Bantu ya nkaka ya Simeoni, bantu 500, kwendaka na Ngumba ya Seire+ ti Pelatia, Nearia, Refaya, mpi Uziele, bana ya Yishi yina vandaka kutwadisa bo.
43 Bo fwaka bantu ya Amaleki+ yina bikalaka mpi tinaka, ebuna bo ke zingaka kuna tii bubu yai.
Banoti na nsi ya lutiti
^ Zina Yabesi lenda vanda na kuwakana ti ngogo mosi ya Kiebreo yina ke tendula “mpasi.”
^ Na kisina, “bana.”
^ Yo ke tendula “Muwanda ya Bantu ya Bisalu ya Maboko.”
^ Na kisina, “bana.”
^ Ziku yo ke tubila Bitia na verse 18.
^ To “Kutuba ya mutindu yai kele kinkulu ya ntama.”
