1 Bansangu 24:1-31
24 Bimvuka ya bana ya Aroni yo yai: Bana ya Aroni vandaka Nadabi, Abihu,+ Eleazare, mpi Itamare.+
2 Nadabi ti Abihu fwaka na ntwala ya tata na bo,+ mpi bo vandaka ve na bana; kansi Eleazare+ ti Itamare landaka kusala bonso banganga-nzambi.
3 Davidi, kumosi ti Zadoki+ yina vandaka na kati ya bana ya Eleazare, mpi Ahimeleki yina vandaka na kati ya bana ya Itamare, kabulaka bo na bimvuka sambu na kiyeka ya kisalu na bo.
4 Sambu bana ya Eleazare vandaka ti bamfumu mingi kuluta bana ya Itamare, bo kabulaka bo mutindu yai: Bana ya Eleazare vandaka ti bamfumu 16 ya banzo ya batata na bo, mpi bana ya Itamare vandaka ti bamfumu 8 ya banzo ya batata na bo.
5 Diaka, bo kabulaka bo na nima ya kubula zeke,+ kimvuka mosi ti kimvuka ya nkaka, sambu kuvandaka ti bamfumu ya kisika ya santu mpi bamfumu ya Nzambi ya kieleka na kati ya bana ya Eleazare mpi ya bana ya Itamare.
6 Ebuna Shemaya mwana ya Netanele sekretere ya Balevi sonikaka bazina na bo na ntwala ya ntotila, ya bamfumu, ya nganga-nzambi Zadoki,+ ya Ahimeleki+ mwana ya Abiatare,+ mpi ya bamfumu ya banzo ya batata ya banganga-nzambi mpi ya Balevi, bo vandaka kusola nzo mosi ya batata sambu na Eleazare mpi bo vandaka kusola nzo mosi sambu na Itamare.
7 Na nima ya kubula zeke, dikabu ya ntete basikaka sambu na Yehoyaribi; ya zole sambu na Yedaya,
8 ya tatu sambu na Arimi, ya iya sambu na Seorimi,
9 ya tanu sambu na Malkiya, ya sambanu sambu na Miyamini,
10 ya nsambwadi sambu na Akosi, ya nana sambu na Abiya,+
11 ya uvwa sambu na Yeshua, ya kumi sambu na Shekania,
12 ya 11 sambu na Eliashibi, ya 12 sambu na Yakimi,
13 ya 13 sambu na Upa, ya 14 sambu na Yeshebeabi,
14 ya 15 sambu na Bilga, ya 16 sambu na Imere,
15 ya 17 sambu na Ezire, ya 18 sambu na Apisesi,
16 ya 19 sambu na Petaya, ya 20 sambu na Yehezkele,
17 ya 21 sambu na Yakini, ya 22 sambu na Gamule,
18 ya 23 sambu na Delaya, ya 24 sambu na Maazia.
19 Yai biyeka na bo sambu na kisalu+ na bo ntangu bo ta kota na nzo ya Yehowa na kulanda mutindu ya kusala mambu yina nkaka na bo Aroni tulaka, kaka mutindu Yehowa Nzambi ya Izraele songaka yandi.
20 Na Balevi yina bikalaka: na bana ya Amrami,+ kuvandaka Shubaele;+ na bana ya Shubaele, Yedeya;
21 na Rehabia:+ na bana ya Rehabia, mfumu Yishia;
22 na bana ya Yisare, Shelomoti;+ na bana ya Shelomoti, Yahati;
23 mpi bana ya Ebroni, mfumu Yeria,+ Amaria muntu ya zole, Yahaziele muntu ya tatu, Yekameami muntu ya iya;
24 na bana ya Uziele, Mika; na bana ya Mika, Shamire.
25 Mpangi ya Mika vandaka Yishia; na bana ya Yishia, Zekaria.
26 Bana ya Merari+ vandaka Mali ti Mushi; na bana ya Yaazia, Beno.
27 Bana ya Merari: na Yaazia, Beno, Shohami, Zakure, mpi Ibri;
28 na Mali, Eleazare, yina vandaka ve na bana-babakala;+
29 na Kishi: bana ya Kishi, Yerameele;
30 mpi bana ya Mushi bo yai: Mali, Edere, mpi Yerimoti.
Yai bana ya Levi na kutadila banzo ya batata na bo.
31 Bo bulaka mpi zeke+ kaka mutindu bampangi na bo bana ya Aroni salaka na ntwala ya ntotila Davidi, Zadoki, Ahimeleki, mpi bamfumu ya banzo ya batata ya banganga-nzambi mpi ya Balevi. Na yina me tala banzo ya batata, mfumu vandaka kiteso mosi na leke na yandi.
