Bamvutu na Bangiufula ya Biblia
Sambu na nki beto fwete sungimina lufwa ya Yezu?
Nki Mambote Lufwa ya Yezu ta Natila Bantu na Bilumbu ke Kwisa?
Lufwa ya Yezu kele diambu mosi ya mfunu na luzingu ya bantu. Yandi fwaka sambu na kupesa diaka bantu luzingu. Nzambi gangaka ve bantu sambu na kusala mambi, na kubela mpi na kufwa. (Kuyantika 1:31) Kansi, disumu kotaka na nsi-ntoto na nzila ya muntu mosi, Adami. Yezu pesaka luzingu na yandi sambu na kugulusa beto na disumu mpi na lufwa.
Nzambi monisaka zola ya kuluta nene ntangu yandi tindaka Mwana na yandi na ntoto na kufwa sambu na beto. (1 Yoane 4:9, 10) Yezu songaka balongoki na yandi na kuyibuka lufwa na yandi na mutindu mosi ya kukonda mindondo mpi na kusadila dimpa ti vinu. Beto ke monisaka ntonda na Nzambi mpi na Yezu ntangu beto ke salaka mutindu yai konso mvula.
Banani fwete dia dimpa mpi kunwa vinu?
Ntangu Yezu songaka balongoki na yandi na kuyibuka lufwa na yandi, yandi salaka kuwakana ti bo. (Matayo 26:26-28) Kuwakana yango pesaka balongoki na yandi ti ndambu ya bantu ya nkaka dibaku ya kukuma bantotila mpi banganga-nzambi sambu na kuyala ti Yezu na zulu. Bantu mingi ke sungiminaka lufwa ya Yezu, kansi kaka bantu yina kele na kati ya kuwakana yango ke diaka dimpa mpi ke nwaka vinu.
Bamvula 2 000 ke zola kulunga tuka Yehowa ke ponaka bantu yina ta vanda bantotila. (Luka 12:32) Ntalu na bo kele fioti kana beto fwanisa bo ti ntalu ya bantu yina ta zinga na ntoto kimakulu.
Nge Lenda Sepela Mpi Ti
MAMBU YA ME TALA BETO
Nkinsi ya Kuyibuka Lufwa ya Yezu
Bambangi ya Yehowa ke bingisa nge na Nkinsi ya Kuyibuka Lufwa ya Yezu yina ta salama na Mposo 12 avril 2025.
NZOZULU YA NKENGI
Sambu na Nki Beto Fwete Sungimina Lufwa ya Yezu?
Bantu mingi ke salaka Nkinsi ya Lubutuku ya Yezu mpi Pake ya Lufutumuku na yandi. Kansi, sambu na nki Bambangi ya Yehowa ke sungiminaka lufwa ya Yezu?
BANGIUFULA YINA BANTU KE YULAKA MINGI
Sambu na Nki Bambangi ya Yehowa Ke Salaka Ve Nkinsi ya Madia ya Mfumu Bonso Mabundu ya Nkaka?
Madia ya Mfumu to Nkinsi ya Kuyibuka Lufwa ya Yezu kele nkinsi ya kuluta santu mpi mfunu sambu na Bambangi ya Yehowa. Tala mambu yina Biblia ke tubaka sambu na nkinsi yai.
