Inki Mambu Biblia Ke Tubaka?
Keti Nzambi kele ti zina?
BANTU YA NKAKA KE TUBAKA nde Nzambi kele ve ti zina. Bankaka ke tubaka nde zina na yandi kele Nzambi to Mfumu, mpi bankaka diaka ke tubaka nde yandi kele ti bazina mingi. Inki kele dibanza na nge?
MAMBU YINA BIBLIA KE TUBAKA
“Nge, yina zina na nge kele Yehowa, nge mpamba kele Muntu ya Kuluta Zulu na ntoto ya mvimba.”—Nkunga 83:18.
MAMBU YA NKAKA YA BETO KE LONGUKA NA BIBLIA
Ata Nzambi kele ti batitre mingi, yandi mosi me kudipesaka zina mosi kaka.—Kubasika 3:15.
Nzambi kele ve muntu yina bantu lenda bakisa ve; yandi ke zola nde beto zaba yandi.—Bisalu 17:27.
Kuzaba zina ya Nzambi kele kima ya ntete yina lenda sadisa beto na kukuma banduku na yandi.—Yakobo 4:8.
Keti kutanga zina ya Nzambi kele mbi?
INKI MVUTU NGE TA PESA?
Ee
Ve
Konso muntu ke tadilaka yo na mutindu na yandi
MAMBU YINA BIBLIA KE TUBAKA:
“Nge fwete sadila ve zina ya Yehowa Nzambi na nge na mutindu ya mbi.” (Kubasika 20:7) Kusadila zina ya Nzambi kele mbi kaka kana beto ke sadila yo kukonda luzitu.—Yeremia 29:9.
INKI MAMBU YA NKAKA BETO LENDA LONGUKA NA BIBLIA?
Yezu zabaka zina ya Nzambi mpi yandi sadilaka yo.—Yoane 17:25, 26.
Nzambi ke lomba beto na kusadila zina na yandi sambu na kusolula ti yandi.—Nkunga 105:1.
Bambeni ya Nzambi ke sala yonso sambu na kupusa bantu na kuvila zina na yandi.—Yeremia 23:27.
Nge Lenda Sepela Mpi Ti
MALONGI YA MFUNU YA BIBLIA
Keti Nzambi Kele na Zina?
Nzambi kele ti batitre mingi, tanga mpi Nkwa-Ngolo Yonso, Ngangi, mpi Mfumu. Kansi, bo ke sadila zina ya Nzambi mbala kiteso ya 7 000 na Biblia.
BAMVUTU NA BANGIUFULA YA BIBLIA
Nzambi Kele ti Bazina Ikwa?
Bantu lenda yindula nde bazina ya Nzambi kele ‘Allah,’ ‘Alfa mpi Omega,’ ‘El Shaddai,’ mpi ‘Yehowa-Yire.’ Keti mutindu beto ke bingaka zina ya Nzambi kele mfunu mingi?
NZOZULU YA NKENGI
Yo Kele Mpasi na Kuzaba Nzambi na Zina na Yandi
LUZINGU NA BETELE
Kisika Mosi ya Kitoko Sambu Bantu Kukwisa Kutala Biblia
Katuka na luyantiku ya disolo ya bantu, Yehowa Nzambi songaka bantu zina na yandi. Tala mutindu bo me taninaka zina ya Nzambi na bambalula ya Biblia na nsungi ya bamvula.
