Nau. Nos organizason ka ta analiza ninhun filmi, livru ô múzika pa kria régra di kuzê ki kada Tistimunhas di Jeová debe ivita. Pamodi?

  Bíblia ta nkoraja kada algen pa trena se ‘kapasidadi di pensa’ pa odja kuzê ki é dretu i kuzê ki é mariadu. — Hebreus 5:14.

  Bíblia ta da prinsípius inportanti ki un kriston debe analiza óras ki el ta skodje diverson. a Sima na tudu kuza ki nu ta faze, nos obijetivu é ‘sénpri konfirma dretu kal ki é vontadi di Sinhor’. — Efésios 5:10.

  Bíblia ta inxina ma xéfis di família ten autoridadi na família, nton es pode disidi ka dexa ningen di ses família sisti alguns diverson. (1 Coríntios 11:3; Efésios 6:1-4) Má fóra di família, ningen ka ten direitu di proíbi alguns filmi, múzikas ô artistas ki Tistimunhas di Jeová ka debe seta. — Gálatas 6:5.