Deus ta obi bus orason. Bíblia ta da-nu serteza ma ‘Jeová sta pértu di tudu kes ki ta invoka-l, di tudu kes ki ta invoka-l di verdadi. El ta obi-s óras ki es pidi ajuda’. — Salmo 145:18, 19.

Deus krê pa bu faze orason pa el. Bíblia ta konvida-nu: “Sénpri nhos ora pa Deus i nhos inplora-l pa el orienta nhos na tudu kuza, i sénpri nhos agradese-l.” —  Filipensis 4:6.

Deus ta preokupa ku bo di verdadi. Deus sta sienti di tudu nos preokupason i prublémas, i el krê djuda-nu. Bíblia ta fla: ‘Nhos bota tudu nhos preokupason riba di el, pamodi el ta kuida di nhos.’ —  1 Pedru 5:7.