Na nos ténpu, é faxi pasa informason pa milhons di algen através di jornal, revistas, rádiu, tilivizon i internet. Kes ki ta adora ‘kel Deus di verdadi’ ka krê spadja informason falsu, mésmu sen intenson. (Sal 31:5; Êx 23:1) Mintiras ki un algen ta pasa pa otus algen pode traze txeu prubléma. Óras ki bu ta tenta diskubri si un kuza é verdadi, pergunta bu kabésa:

• ‘Kel informason é di kunfiansa?’ Un algen ki sta konta un kuza pode ka sabe tudu kuza ki sta nvolvidu. Óras ki un informason ta pasa di un algen pa kel otu, kuazi sénpri kel informason ta muda. Nton toma kuidadu si bu ka sabe dretu di undi ki kel informason ben. Kes irmon ki ten priviléjiu na kongregason debe toma txeu kuidadu ku pasa informason ki es ka ten sertéza ma kontise, pamodi irmons ta kunfia na kes informason ki es ta da.

• ‘El ta mantxa nómi di algun algen?’ Si el ta mantxa nómi di un algen ô di un grupu, nu ka debe konta otus algen. — Pr 18:8; Fil 4:8.

• ‘El kontise mê?’ Toma kuidadu óras ki bu obi un stória ô un spiriénsa ki ta parse izajeradu.

ODJA VÍDIU MODI KI N PODE IVITA PÂPIA MAL DI OTUS ALGEN?. DIPÔS RESPONDE KES PERGUNTA LI:

• Sima Provérbios 12:18 ta mostra, modi ki kuzas ki nu ta fla pode prujudika otus?

• Modi ki Filipenses 2:4 ta djuda-nu ser ikilibradu na pâpia di otus algen?

• Kuzê ki nu debe faze si un algen kumesa ta faze trósa ô ta fla algun kuza mariadu di otu algen?

• Antis di nu kumesa ta pâpia di otus algen, kuzê ki nu debe pergunta nos kabésa?