NU MANTE SIENTI!
Rúsia invadi Ukránia
Na madrugada di dia 24 di febreru di 2022, trópas di Rúsia kumesa ta invadi Ukránia, nbóra govérnus na mundu interu sforsa pa ivita kel-la. Modi ki kel géra li pode ben afeta mundu? António Guterres, ki é sekretáriu jeral di Nasons Unidu, fla: “Nu ka ta pode nen imajina kantu sufrimentu i distruison ki es géra ta ben traze pa pesoas na Europa i modi ki el ta ben afeta suguransa na mundu interu.”
Di akordu ku Bíblia pamodi ki kuzas sima kel-li ta kontise?
Jizus pâpia di un ténpu ki ‘nason ta ben briga ku gentis di otu nason i reinu ku reinu’. (Mateus 24:7) Lé artigu “Kal ki é sinal di ‘ténpu di fin’?” pa odja modi ki Bíblia ta mostra ma kes géra ki sta kontise oji sta ta kunpri kel profesia di Jizus.
Apocalipse, ki é un livru di Bíblia, ta pâpia di un géra ki un kabaleru sta xintadu na un ‘kabalu kor di lumi’ i ki ta tra ‘pas di Téra’. (Apocalipse 6:4) Lé artigu “Quem são os cavaleiros do Apocalipse?” pa sabe modi ki kel profesia li sta ta kunpri na kes géra ki sta kontise oji.
Livru di Daniel dja papiaba di un luta entri ‘rei di nórti’ i ‘rei di sul’. (Daniel 11:25-45) Odja vídiu Modi ki profesia di Daniel kapítlu 11 kunpri, pa sabe pamodi ki oji Rúsia i kes ki ta apoia-l, ta txomadu di rei di nórti. a
Apocalipse tanbê ta pâpia di ‘kel géra di grandi dia di Deus, Tudu-Poderozu’. (Apocalipse 16:14, 16) Má, kel-li é ka un géra entri nasons sima nu sta odja ta kontise oji. Lé artigu “Kuzê ki é géra di Armajedon?” pa sabe más sobri kel géra li ki sta ben kontise na futuru.
Pamodi ki bu pode spéra un futuru midjór?
Bíblia ta fla ma Deus ta ben ‘kaba ku géra na Téra interu’. (Salmo 46:9) Lé artigu “Bu pode spéra un futuru midjór” pa sabe más sobri kel futuru ki Deus promete-nu.
Jizus inxina se sigidoris pa faze orason pa Reinu di Deus ben. (Mateus 6:9, 10) Kel Reinu li é un govérnu na Séu ki ta ben faze vontadi di Deus li na Téra, i un di kes kuza ki Deus krê é pa ten pas na mundu. Pa sabe kuzê ki kel Reinu li ta ben faze pa bo, odja vídiu Kuzê ki é Reinu di Deus?
Ten más di 129 mil Tistimunhas di Jeová na Ukránia. Sima Tistimunhas di Jeová na tudu kes otu país, es ta imita Jizus, pur isu, es ka ta mete na asuntus di mundu i es ta nega partisipa na géra. (João 18:36) Na mundu interu Tistimunhas di Jeová ta kontinua ta prega kes ‘notísia sábi di Reinu’ ki ta mostra ma Reinu di Deus é úniku soluson pa prublémas di mundu. I kel-li ta inklui géra. (Mateus 24:14) Nu ta konvida-u pa bu pâpia ku un Tistimunha di Jeová pa bu prende más sobri kel mensaji di speransa ki Bíblia ta da-nu.
a Pa bu ntende midjór kel profesia li, djobe kes artigu “‘Rei di nórti’ na ténpu di fin” i “Ken ki é ‘rei di nórti’ gósi?”
Bu pode gosta di kes-li tanbê
NU MANTE SIENTI!
Txeu rafujiadu di Ukránia — Kuzê ki Bíblia ta mostra
Bíblia ta splika pamodi ki kel-li ta kontise i tanbê kal ki é soluson.
ESSENTIAL BIBLE TEACHINGS
Kuzê ki é Reinu di Deus?
Na se trabadju di pregason, kuza ki más Jizus pâpia di el éra Reinu di Deus. Dja ten txeu ténpu ki se sigidoris ta ora pa kel Reinu ben.
OTUS ASUNTU
Fin di mundu sta kuazi ta txiga? Bíblia ta fla ma mundu ta ben kaba?
Nbóra Bíblia ta fla ma Téra ta kontinua ta izisti pa tudu ténpu, ten un mundu ki ta ben kaba.
RESPÓSTAS PA PERGUNTAS DI BÍBLIA
Kuzê ki é grandi tribulason?
Kes profesia sobri ténpu di fin ta mostra ma grandi tribulason ta ben ser kel ténpu más difísil ki algen dja pasa pa el. Kuzê ki nu pode spera ma ta kontise?
ENSINUS DI BÍBLIA
Sprimenta studa Bíblia ku nos
Ten un studu di Bíblia djuntu ku un algen ki ta djuda-u ntende-l.
