LISHOMO 02
Ibibiliya inkutupa lilindililo
Vanu mushilambo uti lakuvakodya matatisho lavatadya kuligwa kuvanavo shipalodi, mangaikangilo, na kupwateka. Upali wakati wa upitidile mu vinu kenga avi? Panji wako unkuvauvanga kwamwaa wa shilwele au kwamwaa wa munu wa ushinnagwaledya apadile. Wako unkuulula kulyudya, ‘Da shingumi shindauka ndava shambone?’ Ibibiliya inkutupa lijibu lya shakudya ashi.
1. Ibibiliya inkutupa dashi lilindililo?
Ibibiliya hainavalanganga shinu bai mwaa shani matatisho mushilambo lanangangoka shinu, kanji yadavo inkutwaulila kenga matatisho alo ni la wakati padyoko na muwakati wakuvandika lanamalilika. Vyakulivikila vyamu Ibibiliya vinkuulula “kukupa wako lilindililo na wambone wa mushu.” (Shomya Yelemiya 29:11, 12.) Lilindililo linatupwashela wetu kupililila matatisho latupita ambi, kuvanavo makumbukilo lambone, na kupata lipuwilo líkamalilika.
2. Inamuna shani ya wakati wa mushu uvalangangigwa mu Ibibiliya?
Ibibiliya inkuvalanganga kenga wakati wa mushu “kupela, shipalodi, shililo, kupwateka hakupagwa kavili.” (Shomya Maono 21:4.) Matatisho lankuulula kututadya kukatoka lilindililo lya shingumi maduvano—Kenga umashikini, ungave-ishaliya, vilwele, na kupela—vinu avi havipagwa shinu kavili. Vyakulivikila vyamu Ibibiliya vinkuvalanga kenga, vanu vanauka navanavo shingumi sha lipuwilo ngwengwe ku Palaishu mushilambo shapai.
3. Ulota kukulumuwa dashi likulupililo lyako kwa lilindililo litupa Ibibiliya?
Vanu voe vankulinda kutandeka kwa vinu vyambone, kanji vanavo havanakulupila shinu kenga vyavalinda vinatandeka. Vyakulivikila vyamu Ibibiliya ni vyakuvilingananga. Wetu tunkuulula kukulumuwa likulupililo lyetu kwa ashilá shivalanga Ibibiliya kwa “kulalyanga maandiko.” (Vitendo 17:11) Wako ukashomya Ibibiliya, undauka ndaulula kwamuwa pakulota kukulupila ashilá shitangaleka mu Ibibiliya kwaupande wa wakati wa mushu.
LAMBELA KUMANYA VYOE
Lalyanga vinu vinji vilivikila Ibibiliya muwakati wa mushu. Lola mwashi mwalivapwashalela vanu maduvano lilindililo lipatikana mu Ibibiliya.
4. Ibibiliya inkutupa lilindililo lya shingumi shíkamalilika mushinamilo shambone
Lola lishauma lyaatika vyakulivikila vipatikana mu Ibibiliya. Shakulivikila shani shikunagwadile wako? Mwaa shani ni shikumene kwako?
Shomya maandiko lapagwite mu vyakulivikila avyo, na lola vyakudya vyaantika:
-
Wako wona dashi, maandiko ala lankuvanavo ipaida kwako? Da wako wona kenga maandiko ankuvapa lilindililo valikola na vambodi vako?
Kumbukila unama ku shilambo:
|
SHAKAPAGWITE MUNU ALOTA . . . |
KULA MUNU ANDAUKA . . . |
|---|---|
|
|
|
|
|
|
|
|
|
|
5. Vyakulivikila vyamu Ibibiliya vinkuulula kutenda mabadiliko
Vanu voe vandikatoka ntima shii au inkuvanyatila pavona matatisho mumautu lavanama. Vanu vanji vankulikanyalidya pakulota vabadili vinu vive vyambone. Lola vyakulivikila vyamu Ibibiliya mwavivapwashalela vanu maduvano kwaupande wa vinu vyambone. Lola VIDEO, na badae mwambangile mwaa vyakudya vya mwina.
-
Mu video, ung’ave-ishaliya shani ushimwangaisha Rafika?
-
Ivedavo ung’ave-ishaliya wa shona nae haumalilike, Ibibiliya impwashadile dashi?
Lilindililo lyatupata mu Ibibiliya linkuulula kutupwashela wetu kupililila pakulota hatunakatoke dimongo na tupuwange nkati mwa matatisho letu. Shomya Mikong’o 17:22 na Valoma 12:12, na badae mwambangile mwaa vyakudya vya mwina:
-
Da wako wona kenga ntenga wa lilindililo upatikana mu Ibibiliya, unkuulula kubadilisha shingumi shako ambi? Wako wona dashi?
VANU VANJI VANKUSHIDONI: “Vyakulivikila vyamu Ibibiliya kwaupande wa wakati wa mushu ni vyambone namene pakulota kuva vinu viu.”
-
Mwaa shani wako unkwona kuva shinu shambone kulalyanga shana maandiko pakulota uvenavo wakika wa umwiu?
KWAUNGWIPI
Ibibiliya inkuvanavo vyakulivikila vyoe kwaupande wa wakati wa lipuwilo lya mushu. Vyanavo vinkutupa lilindililo na vinkutadya shingumi shetu kuvanavo mana.
Tukumbukilange
-
Mwaa shani vanu ivaikidile vamanye vyalivikidile Nnungu?
-
Ibibiliya inkuvalanga nyamani kwaupande wa wakati wa mushu?
-
Kuvanavo lilindililo lya wakati wa mushu lilota kukupwashela dashi wako ambi?
LIPUNDISHE
Lipundishe mwashi mwalilota kukupwashela lilindililo ukava na matatisho.
“Tumaini—Je, Linaweza Kutusaidia?” (Amkeni!, Aprili 22, 2004)
Valanganga lilindililo lya wakati wa mushu lilota kuvapwashela dashi avalá vave na shilwele shikumene.
“Je, Biblia Inaweza Kunisaidia Ikiwa Nina—Ugonjwa wa Kudumu?” (Makala iliyo kwenye mtandao)
Wako úkalola video avi vya mushika, kumbukilanga wako na likola lyako mupuwanga na shingumi sha lipuwilo mu vyakulivikila vyamu Ibibiliya vya wakati wa mushu ku Palaishu.
Shomya mwashi mwashukidile ndabadilika shingumi sha munu, ashangaikangila wambone wa vanu paukile ndamanya, lilindililo lyamu Ibibiliya lya wakati wa mushu.
“Sitamani Tena Kuubadili Ulimwengu” (Mnara wa Mlinzi, Julai 1, 2013)
