1-2. (a) Yunisi ya ka be ili yani, ngono wa ka lingisana ne zwimo zwipi zwa ka sima se nkadzi? (b) Leba chingwe ne kwe itshwantsho chi mu khavara.

 LE FA Baebele e sa re bolelele sepe ka letsatsi le Timotheo a neng a kolobediwa ka lone, re ka leka go akanya kafa mmaagwe e bong Yunise a neng a itumetse ka gone mo letsatsing leo. (Diane 23:25) Leka go bona kafa a leng motlotlo ka gone fa a bona Timotheo a eme mo gare ga metsi. O a smaela fa Loise e bong nkokoagwe Timotheo a mo atamela a bo a mo tshwara ka seatla. Yunise o goga moya go se kae fa Timotheo a inwa mo metsing. O simolola go lela a itumetse fa Timotheo a tswa mo metsing a smaela. Yunise o ne a ruta morwa yoo wa gagwe go rata Jehofa le Morwawe e bong Jesu Keresete le fa seo se ne se se motlhofo. Ke mathata afe a a ileng a nna le one fa a ne a leka go ruta morwawe?

² Batsadi ba ga Timotheo ba ne ba se mo bodumeding jo bo tshwanang. Rraagwe e ne e le Mogerika, mme mmaagwe le nkokoagwe e ne e le Bajuda. (Dit. 16:1) Timotheo e ne e le mosha fa Yunise le Loise e ne e nna Bakeresete. Le fa go ntse jalo, rraagwe ga a ka a nna Mokeresete. Timotheo o ne a tla tlhopha bodumedi bofe? O ne a setse a godile mo a neng a ka kgona go itirela ditshwetso. A o ne a tla tlhopha bodumedi jwa ga rraagwe? A o ne a tla ngaparela dingwao tsa Sejuda tse a neng a di rutilwe fa a ne a sa le monnye? Kgotsa a o ne a tla nna morutwa wa ga Jesu Keresete?

3. Ku yenda ne Zwiani 1:8, 9, Jehova u no linga chini nshingo u no thangwa ne bakadzi ku batsha bana babo ku be bakhwinya babe?

³ Ka tsela e e tshwanang, gompieno bommê ba Bakeresete ba rata ba malapa a bone. Selo sa botlhokwa thata se ba amegileng  ka sone ke go thusa bana ba bone gore ba atamalane le Jehofa. Modimo wa rona o itumelela matsapa a ba a tsayang fela thata. (Bala Diane 1:8, 9.) Jehofa o thusitse bommê ba le bantsi go ruta bana ba bone go mo rata le go mo direla.

4. Bakadzi ba no lingisana ne zwimo zwipi zwa ka sima ngwenu?

⁴ Ke ga tlholego fela gore ka dinako dingwe bommê ba ipotse gore a bana ba bone ba tla tlhopha go direla Jehofa, fela jaaka Timotheo a ile a dira. Batsadi ba a itse gore lefatshe leno la ga Satane le gatelela bana ba bone go le kana kang. (1 Pet. 5:8) Mo godimo ga moo, bommê ba le bantsi ba nna le bothata jwa go godisa bana ba bone ba le nosi kgotsa ba godisa bana le banna ba bone ba ba sa obameleng Jehofa. Ka sekai, kgaitsadi mongwe yo o bidiwang Christine * a re: “Monna wa me e ne e le rre yo o molemo e bile a rata lelapa la gagwe, le fa go ntse jalo o ne a sa rate gore ke rute bana ba rona go nna Basupi ba ga Jehofa. Fa dingwaga di ntse di feta ke ne ke lela ka makgetlo a le mantsi ke ipotsa gore a bana ba rona ba tla obamela Jehofa.”

5. Towo zwidiyani mu chidiyo ichechi?

⁵ Fa e le gore o mmê wa Mokeresete, le wena o ka kgona go thusa bana ba gago go rata Jehofa le go mo direla fela jaaka Yunise a ile a dira. Mo setlhogong seno, re tlile go sekaseka kafa o ka etsang sekao sa gagwe ka gone ka go tlhomela bana ba gago sekao ka se o se buang le ka se o se dirang. Gape re tla bona kafa Jehofa a tla go thusang ka gone.

6. Se kwa kwa ka kwagwa mu na 2 Timoti 3:14, 15, kwa ka zha chini kuti Timoti a be Nkirisiti?

⁶ Fa Timotheo e ne e sa ntse e le mosimanyana, mmaagwe o ne a dira sotlhe se a se kgonang go mo ruta “dikwalo tse di boitshepo” go ya ka tsela e Bajuda ba neng ba di tlhaloganya ka yone. Boammaaruri ke gore, Yunise o ne a sa itse dilo tse dintsi ka gonne o ne a sa itse sepe ka Jesu Keresete. Le fa go ntse jalo, se Timotheo a neng a ithutile sone mo Dikwalong, se ne se ka mo thusa gore a itse se a tshwanetseng go se dira gore e nne Mokeresete. Mme gone, a o ne a tla nna Mokeresete? Timotheo o ne a ka dira tshwetso ya gore a o tla nna Mokeresete kgotsa nnyaa. Ga go pelaelo gore Timotheo o ne a ‘thusiwa go dumela’ dilo tse a neng a di rutiwa ka ga Jesu ka gonne mmaagwe o ne a tsaya matsapa a go mo ruta. (Bala 2 Timotheo 3:14, 15.) Yunise o tshwanetse a bo a ne a itumetse tota go bo a ile a ruta morwawe ka Jehofa le fa go ne go se motlhofo! Leina la ga Yunise le kaya go “fenya.” O ile a fenya mathata a go thusa morwawe go direla Jehofa. Ruri leina lebe seromo!

7. Yunisi wa ka be a nga batsha nkololo uwe chini kuti a dwilile shule kwe ku dubikiwa kukwe?

⁷ Tota le fa Timotheo a sena go fitlhelela mokgele wa gagwe wa botlhokwa wa go kolobediwa, Yunise o ne a sa ntse a tshwenyegile ka ene. Gongwe o ne a ipotsa gore: Timotheo o ne a tla tshela botshelo jwa gagwe jotlhe jang? A o ne a tla tsalana le batho ba ba neng ba tla mo tlhotlheletsa gore a dire dilo tse di sa siamang? A o ne a tla ya sekolong kwa Athena a bo a simolola go dumela dithuto tsa borafilosofi ba baheitane ba koo? A o ne a tla dirisa nako, maatla le bosha jwa gagwe a dira ka natla gore a hume? Yunise o ne a ka se ka a direla Timotheo ditshwetso, le fa go ntse jalo o ne a ka mo thusa gore a dire ditshwetso ka botlhale. O ne a ka dira seo jang? O ne a ka tswelela a dira ka natla go ruta morwawe go rata Jehofa le go mo thusa go lebogela sengwe le sengwe se Jehofa le Jesu ba se diretseng lelapa la bone. Batsadi ba balekane ba bone ba sa obameleng Jehofa, ga se bone fela ba ba nang  le mathata a go thusa bana ba bone go rata Jehofa. Tota le batsadi ba ba direlang Jehofa ba le mmogo ba ka thatafalelwa ke go thusa bana ba bone gore ba direle Jehofa. Batsadi ba ka ithuta eng mo sekaong sa ga Yunise?

8. Nkadzi u nga batsha chini nlume uwe we Nkirisiti ku thokomela bana babe ne zwithu zwe Ndzimu zwa ba no sheta?

⁸ Ithute Baebele le bana ba gago. Bokgaitsadi, fa e le gore banna ba lona ke Basupi, Jehofa o batla gore lo ba thuse go ruta bana ba lona ka ene. Tsela e nngwe e lo ka dirang seo ka yone ke gore ka metlha lo tshegetse thulaganyo ya Kobamelo ya Lelapa. O ka dira jalo ka go bua dilo tse di molemo ka kobamelo ya lelapa e bile o ka akanya ka se o ka se dirang gore e nne monate le gore e itumedise. Gongwe o ka thusa monna wa gago go rulaganya porojeke nngwe ya Baebele e lo tla e dirang ka nako ya Kobamelo ya Lelapa. Mo godimo ga moo, fa e le gore bana ba lona ba ka solegelwa molemo ke go ithuta buka ya Itumelele go Tshelela Ruri! gongwe o ka thusa monna wa gago go tshwarela bana ba lona thuto eo.

9. Nkadzi u na nlume u si we Nkirisiti u nga bona batsho ngayi?

⁹ Bommê bangwe ba tshwanelwa ke go ruta bana ba bone Baebele ka gonne ba se na balekane kgotsa balekane ba bone e se Basupi. Fa e le gore go ntse jalo mo lelapeng la gago, o se ka wa tlhobaela thata. Jehofa o tlile go go thusa. Dirisa dithulusu tsa go ruta tse phuthego ya ga Jehofa e re neileng tsone go ruta bana ba gago. Botsa batsadi ba ba nang le maitemogelo gore ba dirisitse jang dithulusu tseno mo kobamelong ya lelapa. * (Diane 11:14) Gape Jehofa a ka go thusa gore o kgone go buisana le bana ba gago. Mo kope gore a go thuse go dirisa dipotso tse di ka go thusang go itse se bana ba gago ba se akanyang le tsela e ba ikutlwang ka yone. (Diane 20:5) Potso e e motlhofo e e jaaka gore, ‘Ke mathata afe a o kopanang le one kwa sekolong?’ e ka go thusa go simolola motlotlo o o tla dirang gore o itse ngwana wa gago botoka.

10. I zila ipi ingwe ya u nga batsha bana babo ku zwidiya ne kwa Jehova?

¹⁰ Batla ditsela tsa go ruta bana ba gago ka Jehofa. Bua ka Jehofa le ka dilo tse dintsi tse di molemo tse a go diretseng tsone. (Dute. 6:6, 7; Isa. 63:7) Seno se tla go thusa fa e le gore ga o kgone go ithuta le bana ba gago ka metlha. Christine yo re buileng ka ene pelenyana a re: “Ke ne ke sa nne le nako e ntsi ya go bua le bana ba me ka Jehofa, ka jalo ke ne ke dirisa tshono nngwe le nngwe e ke e bonang. Re ne re a tle re tsamaye fa lotshitshing kgotsa re tsena mo metsing re palame mokoro gore re bue ka popo ya ga Jehofa e e kgatlhang le ka dilo tse dintsi tse di mo Baebeleng. Fa bana ba me ba setse ba godile, ke ne ka ba rotloetsa gore ba ithute Baebele ba le nosi.” Selo se sengwe se o ka se dirang ke go bua dilo tse di molemo ka thulaganyo ya phuthego ya ga Jehofa le ka bakaulengwe le bokgaitsadi ba gago. O se ka wa tshwayatshwaya bagolwane diphoso. Se o se buang ka bagolwane se tla thusa bana ba gago gore ba bue le bone fa ba tlhoka thuso.

11. Ku yenda na Jakuba 3:18, ini i li chithu cha ka fanila ku thama mbakiso mu nsha?

¹¹ Dira bojotlhe gore go nne le kagiso mo lelapeng. Bontsha monna wa gago le bana ba gago lorato ka metlha. Bua dilo tse di siameng ka monna wa gago, o bontshe gore o a mo tlotla o bo o rute bana ba gago gore le bone ba mo tlotle. Fa o dira jalo, go tla nna le kagiso mo lelapeng e bile go tla nna motlhofo gore bana ba gago ba ithute ka Jehofa. (Bala Jakobe 3:18.) Akanya ka sekai sa ga Jozsef, yo e leng  mmulatsela yo o kgethegileng kwa Romania. Fa a sa ntse a gola, rraagwe o ne a dira gore go nne thata gore ene, mmaagwe, kgaitsadie le bomorwarraagwe ba direle Jehofa. Jozsef a re: “Mmê o ne a dira sotlhe se a se kgonang gore go nne le kagiso mo gae. Fa rre a ne a nna bogale, mmê o ne a nna pelonomi. E ne e re fa mmê a lemoga gore ga re tlotle rre e bile ga re mo ikobele, o ne a tlotla le rona ka Baefeso 6:1-3. Go tswa foo, o ne a re bolelela dilo tse dintle ka botho jwa ga rre a bo a re thusa go tlhaloganya lebaka la go bo re tshwanetse go mo rata. Seo se ne se thusa lelapa la gaetsho gore le nne le kagiso.”

12. Ku yenda na 2 Timoti 1:5, mazwibato a Yunisi a ka tola Timoti chini?

¹² Bala 2 Timotheo 1:5. Yunise o ne a tlhomela Timotheo sekao se se molemo. O tshwanetse a bo a ile a mo ruta gore tumelo ya boammaaruri e bontshiwa ka ditiro. (Jak. 2:26) Ga go pelaelo gore Timotheo o ne a lemoga gore tsela e mmaagwe a neng a dira dilo ka yone e ne e bontsha gore o rata Jehofa. O tshwanetse a bo a ile a lemoga gore mmaagwe o itumedisiwa ke go direla Jehofa. Sekao sa ga Yunise se ne sa ama Timotheo jang? Moaposetoloi Paulo o ne a re Timotheo o ne a na le tumelo e e nonofileng fela jaaka mmaagwe. Ga go a itiragalela fela gore Timotheo a nne le tumelo e e nonofileng. Timotheo o ne a bone sekao sa ga mmaagwe e bile o ne a mo etsa. Ka tsela e e tshwanang, le gompieno boitshwaro jwa bommê ba le bantsi ke jone jo bo thusitseng ba malapa a bone gore ba direle Jehofa, e seng ‘se ba se buang.’ (1 Pet. 3:1, 2) Le wena o ka dira se se tshwanang. O ka dira seo jang?

13. Ini nkadzi a ka fanila ku tolela bukhwinya gungwe na Jehova pezhugwi?

¹³ Dira gore botsala jwa gago le Jehofa bo tle pele. (Dute. 6:5, 6) Fela jaaka bommê ba le bantsi, le wena o ka tswa o itima dilo di le dintsi. O dirisa nako le madi a gago, o itima boroko le dilo tse dingwe gore o neye bana ba gago dilo tse ba di tlhokang. Le fa go ntse jalo, ga o a tshwanela go tshwarega thata ka dilo tseno mo o sa nneng le nako ya go nonotsha botsala jwa gago le Jehofa. Ka metlha, beela nako kwa thoko gore o rapele, o ithute Baebele o le nosi o bo o nne teng kwa dipokanong. Fa o dira jalo, o tla atamalana le Jehofa e bile o tla tlhomela ba lelapa la gago le ba bangwe sekao se se molemo.

14-15. U nga zwidiyani mu mazwibato a Leanne, Maria, na João?

¹⁴ Akanya ka dikai di le mmalwa tsa basha ba ba neng ba ithuta go rata Jehofa le go mo ikanya ka go leba sekao sa bommaabone. Morwadie Christine e bong Leanne a re: “Re ne re sa kgone go ithuta Baebele fa rre a ne a le teng mo gae. Mme gone, Mmê o ne a ya dipokanong ka metlha. Le fa re ne re sa itse sepe ka Baebele, tsela e Mmê a neng a itshwara ka yone e ne ya re thusa gore re nne le tumelo e e nonofileng. Re ne re itse gore Basupi ba ga Jehofa ba ruta boammaaruri tota le pele re simolola go ya dipokanong.”

¹⁵ Maria yo ka dinako dingwe rraagwe a neng a ba kgoba ka mafoko e bile a ba itaya fa ba tswa kwa dipokanong a re: “Mmê ke mongwe wa bokgaitsadi ba ba pelokgale tota. Fa ke ne ke le ngwana, ka dinako dingwe ke ne ke gana go dira dilo dingwe ka gonne ke tshaba gore batho ba bangwe ba tla reng. Le fa go ntse jalo, fa ke bona tsela e Mmê a neng a le pelokgale ka yone le kafa a neng a dira gore Jehofa a tle pele mo botshelong jwa gagwe ka gone, seo se ne sa nthusa gore ke se ka ka tlhola ke tshaba batho.” João yo rraagwe a neng a ba thibela go bua ka Jehofa kgotsa ka Baebele fa ba le kwa gae a re: “Ke thusitswe ke gore Mmê o ne a  ikemiseditse go tlogela sengwe le sengwe gore a itumedise Rre, mme o ne a sa ikemisetsa go tlogela Jehofa.”

16. Mazwibato e nkadzi a nga tola bangwe chini?

¹⁶ Bommê, gopolang gore sekao sa lona se ama batho ba bangwe. Se ba ama jang? Akanya kafa sekao sa ga Yunise se ileng sa ama moaposetoloi Paulo ka gone. O ne a re tumelo ya ga Timotheo e e se nang boitimokanyi, o ne a e bone “pele mo go . . . Yunise.” (2 Tim. 1:5) Paulo o bone tumelo ya ga Yunise leng? Go ka direga gore o kopane le Loise mmogo le Yunise kwa Lisetera fa a ne a le mo loetong lwa gagwe lwa ntlha e bile e ka tswa e le ene a ba thusitseng gore e nne Bakeresete. (Dit. 14:4-18) Fa Paulo a ne a kwalela Timotheo dingwaga di le 15 moragonyana, o ne a sa ntse a gopola dilo tse Yunise a neng a di dira tse di bontshang gore o ne a na le tumelo e bile o ne a kgothaletsa ba bangwe gore ba mo etse. Ga go pelaelo gore sekao sa ga Yunise se ne sa kgothatsa moaposetoloi Paulo gongwe e bile se ne sa kgothatsa le Bakeresete ba bangwe ba bantsi ba ba neng ba tshela ka nako eo. Fa e le gore o godisa bana o le nosi kgotsa molekane wa gago ga se Mosupi, itse gore tumelo ya gago e nonotsha batho ba bangwe e bile e a ba kgothatsa.

17. U nga thamani ha ku lingika u ngati ngwana uwo ha a to dumana ne ndawulo iyo?

¹⁷ Go tweng fa e le gore ngwana wa gago ga a batle go direla Jehofa tota le fa o dirile ka natla go mo katisa? Gopola gore go katisa ngwana go tsaya nako. Jaaka re bona mo setshwantshong,  ka dinako dingwe fa o jala peo o ka nna wa ipotsa gore a peo eo e tla nna sejalo se se tla ntshang maungo. Tota le fa o sa itse gore sejalo seo se tla ntsha maungo, o nna o se nosetsa gore o se thuse go gola. (Mar. 4:26-29) Ka tsela e e tshwanang, ka dinako dingwe mmê le ene a ka ipotsa gore a matsapa a a a tsayang a tla thusa bana ba gagwe gore ba rate Jehofa. Ga o ka ke wa kgona go laola ditshwetso tse bana ba gago ba di dirang. Fa o dira sotlhe se o se kgonang go ba katisa, o ba thusa gore e nne ditsala tsa Modimo.—Diane 22:6.

18. Jehova u nga batsha bana babo chini kuti ba kule mu zwithu zwe Ndzimu?

¹⁸ Fa e sa le go tloga mo motlheng wa go kwalwa ga Baebele, Jehofa o thusitse basha ba le bantsi gore e nne ditsala tsa gagwe. (Pes. 22:9, 10) A ka thusa bana ba gago gore le bone e nne ditsala tsa gagwe fa e le gore ba batla go dira jalo. (1 Bakor. 3:6, 7) Tota le fa go lebega e kete bana ba gago ga ba batle go direla Jehofa, o tla nna a ba beile leitlho ka lorato. (Pes. 11:4) Fa ba dira sengwe se se bontshang gore ‘dipelo tsa bone di ba tlhotlheletsa go amogela boammaaruri’ Jehofa o tla bo a ipaakanyeditse go ba thusa gore e nne ditsala tsa gagwe. (Dit. 13:48; 2 Ditir. 16:9) A ka go thusa gore o bue sengwe se bana ba gago ba tlhokang go se itse ka nako e e tshwanetseng. (Diane 15:23) Kgotsa a ka dira gore mokaulengwe kgotsa kgaitsadi mo phuthegong a bontshe gore o a ba kgatlhegela. Tota le fa bana ba gago ba setse ba godile, Jehofa a ka ba gopotsa dilo tse o ileng wa ba ruta tsone mo nakong e e fetileng. (Joh. 14:26) Fa o tswelela o ruta bana ba gago ka se o se buang le se o se dirang, Jehofa o tla go segofatsa.

19. Ini u nga themba kuti Jehova u no ku amuchila?

¹⁹ Tsela e Jehofa a go ratang ka yone ga e a ikaega ka gore bana ba gago ba dira ditshwetso dife. O a go rata ka gonne o mo rata. Fa e le gore o godisa bana o le nosi, Jehofa o solofetsa gore o tla nna Rraagwe bana ba gago le gore o tla nna Mosireletsi wa gago. (Pes. 68:5) Gone ga o ka ke wa direla bana ba gago tshwetso ya gore ba direle Jehofa. Mme fa o tswelela o ikaega ka thuso ya ga Jehofa le go dira sotlhe se o se kgonang, Jehofa o tla itumela.