THUTO 21
Ndebo Mbuya Dzo Reriwa Chini?
Jehova u no dwa e misa mathatha edu wose e shingisa Bushe gugwe. Nngwe ne nngwe wa ka fanila ku ziba ne kwe ndebo mbuya idzedzi. Jesu wa ka be e shaka kuti batobeli babe ba rerele nngwe ne nngwe! (Matewu 28:19, 20) Bafakazi ba Jehova ba no tobela ndayilo ya Jesu chini?
1. Matewu 24:14 i no shingikadziwa chini ngwenu?
Jesu wa ka lebela mbeli kuti “Ndebo mbuya iyeyi ye bushe inowosumikigwa mu shango yose.” (Matewu 24:14) Bafakazi ba Jehova ba no shathila ku be ne chiabe mu nshingo iwoyo nkulu. To rera ndebo mbuya mu shango yose ne ndimi dzi no pinda 1 000! Nshingo iwoyo nkulu u no shathisa u no sheta masimba ne ndongoloso. Ha kuna se kwa u nga thamiwa kuzhe kwe batsho ya Jehova.
2. I zwithu zwipi zwa ti no thama kuti ti rerele bathu?
To rera pangwe ne pangwe pa ti no wana bathu. Se Bakirisiti be kutanga, to rera “mu mizi ye bathu.” (Mishingo 5:42) Ndongoloso iyeyi i no ti batsha ku lebesana ne dzimiliyoni dze bathu gole ne gole. Nenguba ti si nga wane bathu bangwe mu mizi, kakale to rera mu ndawo dze bose. To gala ti shaka zwibaka zwe ku budza bangwe ne kwa Jehova ne mazwimisilo awe.
3. Ndi yani u no zwidabilila mu ku rera ndebo mbuya?
Bakirisiti bose be malebeswa ba na mazwidabililo e ku rerela bangwe ndebo mbuya. To tolela mazwidabililo iyawa pezhugwi kwazo. To rera se kwa ti nga khona ne kuti to bona kuti machilo e bathu a mu mbatsha (Bala 1 Timoti 4:16.) Ha ti to ruelegwa ku thama nshingo iwoyo, ne kuti Baibili ikati: “Makapiwa musingalipisiwe, namwibo ipani musingalipise.” (Matewu 10:7, 8) To dwilila ti rera nenguba isi bose ba no amuchila nlaetsa wedu, ne kuti ku rera i zila yedu ye ku namata ne ku shathisa Jehova.
ZWIDIYE KWA KA NGINILILA
Bona se kwa Bafakazi ba Jehova be rera mu shango yose kakale u bone se kwa Jehova e ti batsha.
Ku rera mu shango yose: (A) Costa Rica, (B) United States, (C) Benin, (D) Thailand, (E) Yap, (F) Sweden
4. To shinga kwazo kuti ti bone bathu bose
Bafakazi ba Jehova ba no thama kose kwa ba nga khona kuti ba rerele bathu ndebo mbuya pangwe ne pangwe. Zana VIDIYO, mu be mu lebesana ne kwe buzo i no tobela.
-
Ini chi no ku shathisa ne kwe chi no thamiwa ne Bafakazi ba Jehova mu nshingo we ku rera?
Bala Matewu 22:39 ne Baroma 10:13-15, mu be mu lebesana ne kwe buzo dzi no tobela:
-
Ku rera kwedu ko lakidza chini kuti to da bathu?
-
Jehova u no zwiwa chini ne kwe bathu ba no rera ndebo mbuya?—Bona ndimana 15.
5. To shingila Ndzimu
Zwa ka shingikala zwinjinji zo lakidza kuti Jehova u no tungamila nshingo wedu. Ha ti linga cha ka shingikala ku shango ye New Zealand, nzwalani u no dangwa Paul, wa ka be ali mu nshingo we ku rera nzi ne nzi. Wa ka shangana ne nkadzi nngwe wa ka be a phakela e tembezela Ndzimu, e shingisa zina le Ndzimu, Jehova. Wa ka kumbila kuti Jehova a tume nngwe a zhe ku nzi uwe. Paul wakati: “Shule kwe dziawara dzili thatu, nda ka swika pa nzi uwe.”
Bala 1 Bakorinta 3:9, mu be mu lebesana ne kwe buzo i no tobela:
-
Cha ka shingikala ku New Zealand cho lakidza chini kuti Jehova u no tungamila nshingo we ku rera?
Bala Mishingo 1:8, mu be mu lebesana ne kwe buzo i no tobela:
-
Ini ti sheta batsho ya Jehova mu nshingo we ku rera?
A wa gala u ziba?
Viki ne viki, mu zwidiyo zwedu zwe gubungano zwe pakati kwe viki, to diyiwa se kwa ti nga rera. Ha ili kuti wa ka tongo be po ku zwidiyo izwezwi, ini cha u no kumbula ne kwe zwidiyo izwezwi zwi no ti batsha mu ku rera?
6. To tobela ndayilo ye Ndzimu ye kuti ti rere
Mu chibaka che Bakirisiti be kutanga, banyanyaidzi ba ka lika ku misa nshingo we ku rera we batobeli ba Jesu. Bakirisiti be kutanga ba ka milila fanilo yabo ye ku rera ne “kuvikilila ne kusimisa ndebo mbuya.” (Bafilipi 1:7) Ngwenu, Bafakazi ba Jehova ba no sala shule cha ka thamiwa ne Bakirisiti ibaba be kutanga. a
Bala Mishingo 5:27-42, mu be mu lebesana ne kwe buzo i no tobela:
-
Ini ti si ngake ti ka misa ku rera?—Bona ndimana 29, 38, ne 39.
UNGWE U NGANA A KATI: “Ini Bafakazi ba Jehova be yenda nzi ne nzi?”
-
U nga dabila chini?
CHA WA ZWIDIYA
Jesu wa ka layila batobeli babe kuti be rerele zwichaba zose ndebo mbuya. Jehova u no batsha bathu babe ku thama nshingo we ku rera.
U Nga Tini?
-
Nshingo we ku rera ndebo mbuya u no thamiwa chini mu shango yose?
-
Ku rera kwedu ko lakidza chini kuti to da bathu?
-
A u no kumbula kuti ku rera i ngabe nshingo u no shathisa? Ne kutini?
SHAKISISA
Bona se kwa Bafakazi ba Jehova be rera mu dzitoropo wulu.
Ku Rera ne Dzikara Kwa ka Shalulika mu Ndawo ye Bose ku Paris (5:11)
Bafakazi ba Jehova ba ka batsha chini bathu ba ka tizha ku shango dzabo?
U zwihwile nngwe e leba ne se kwa a ka shathila ku shingisa buchilo gugwe mu ku rera.
Bona se kwa ku athula kwe dzikhuta dze nlawo (court) kwa ka batsha mu nshingo we ku rera
a Ndzimu wa ka ti layila kuti ti rere, ku no dwa kuti Bafakazi ba Jehova ha ba to sheta ku dumiligwa ne balauli ku rera ndebo mbuya.
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
