THUTO 16
Jesu wa ka Thamani ha ali mu Shango?
Bathu banjinji ba no kumbula Jesu ali ngwana ntukununu, mporofiti wa ka chenjela, kene nlume wa ka bulayigwa mu bango. Ngono a ti nga zwidiya kwa ka paphidzika ne kukwe ne ku lingilila buchilo gugwe ha ali mu shango? Mu thuto iyeyi, towo lingilila zwingwe zwithu zwikulu zwa ka thamiwa na Jesu ne se kwa zwi no ku ama.
1. Nshingo nkulu wa Jesu ya ka be ili ini?
Nshingo nkulu wa Jesu ya ka be ili ku “[sumikila] ndebo mbuya ye bushe gwe Ndzimu.” (Bala Luka 4:43.) Wa ka rera ndebo mbuya dze kuti Ndzimu u nowo thama bushe, kene mbuso, u nowo misa mathatha wose e bathu. a Jesu wa ka be a si nga nyadziwe ne ku rera ne kwe nlaetsa iwoyo u no shathisa makole ali matatu ne gaswa.—Matewu 9:35.
2. Mazwimisilo e majenamiso a Jesu ya ka be ili ini?
Baibili i no thalusa bunji gwe “matjenamiso makaabadzo nenge matjenamiso ne zwilakidzo, Ndzimu zwawakathama” e shingisa Jesu. (Mishingo 2:22) Ne masimba e Ndzimu, Jesu wa ka khona ku laula phepo ne liwate, ku pa banjinji zojiwa, ku podza bagwele, ne ku musa bafi. (Matewu 8:23-27; 14:15-21; Mako 6:56; Luka 7:11-17) Majenamiso a Jesu a ka lakidza kuti Jesu wa ka be a ka tungwa ne Ndzimu. Kakale a ka lakidza kuti Jehova u na masimba e ku pedzisa mathatha edu wose.
3. Ti nga zwidiyani mu buchilo gwa Jesu ha ali mu shango?
Jesu wa ka be e teedza Jehova mu zwibaka zose. (Bala Johani 8:29.) Ne a ka be e nyanyaidziwa, Jesu wa ka thama cha a ka be e kumbigwa na Tate babe buchilo gugwe gose ne ku thembeka. Wa ka lakidza kuti to khona ku shingila Ndzimu, ne ta ka lingisana ne mathatha. Wa ka ti siyila “tjilakidzilo, kuti [ti] tobele nkwala uwe.”—1 Pita 2:21.
ZWIDIYE KWA KA NGINILILA
Bona se kwa Jesu a ka rerela bathu ndebo mbuya ne ku thama majenamiso.
4. Jesu wa ka be e rerela bathu ndebo mbuya
Jesu wa ka be e yenda ne makumbo ne lubaka gu lefu mu zila dzi na wuluba, e rerela bathu banjinji ndebo mbuya. Bala Luka 8:1, mu be mu lebesana ne kwe buzo dzi no tobela:
-
A Jesu wa ka be e rerela koga bathu ba ka be be kubunganila ku nteedza?
-
Jesu wa ka thamani kuti a wane bathu?
Ndzimu wa ka lebela mbeli kuti Mesiya u nowo rera ndebo mbuya. Bala Izaya 61:1, 2, mu be mu lebesana ne kwe buzo dzi no tobela:
-
Jesu wa ka shingikadza chini buporofiti igogu?
-
A u no kumbula kuti bathu ngwenu ba ka fanila ku hwa ndebo mbuya idzedzi?
5. Jesu wa ka diya malebeswa dumbu
Pezhugwi kwe ku rera ne kwe ndebo mbuya dze Bushe gwe Ndzimu, Jesu wa ka diya dzithuto dza ti nga shingisa na ngwenu dumbu. Bona zwilakidzilo zwingwe ku dwa mu Zwidiyo zwizwe zwe ku Dombo. Bala Matewu 6:14, 34 ne 7:12, mu be mu lebesana ne kwe buzo dzi no tobela:
-
Jesu wa ka leba matama api a ti nga shingisa ku dwa mu ndimana idzedzi?
-
A u no kumbula kuti cha ka lebgwa na Jesu mu ndimana idzedzi chi nga ti batsha na ngwenu?
6. Jesu wa ka thama majenamiso
Jehova wa ka pa Jesu masimba e ku thama majenamiso. Ku bona chilakidzilo, bala Mako 5:25-34 kene zana VIDIYO. Ku dwa ipapo mu be mu lebesana ne kwe buzo dzi no tobela.
-
Ku dwa mu vidiyo iyeyi, nkadzi wa ka be e gwala wa ka be e dumani?
-
Ini cha u no da ne kwe jenamiso ileli?
Bala Johani 5:36, mu be mu lebesana ne kwe buzo i no tobela:
-
Majenamiso a Jesu a ka be e pa “butendeki” ne kweni, kene a ka be e lakidzani ne kukwe?
A wa gala u ziba?
Bunji gwe cha ti no ziba ne kwa Jesu go dwa mu buka dzili 4 dzi no dangwa Ndebo Mbuya dza ka kwagwa ndi—Matewu, Mako, Luka, na Johani. Nkwali nngwe ne nngwe we buka idzedzi wa ka leba ne kwe chingwe cha ka shingikala mu ku chila kwa Jesu ali mu shango. Zose zwa ka kwagwa mu buka idzedzi zo ti pa luzibo ne kwe buchilo gugwe.
-
MATEWU
wa ka kwala Ndebo Mbuya ye kutanga. Ya ka temelela mu zwidiyo zwa Jesu, kwazo kwazo cha a ka diya ne kwe Bushe gwe Ndzimu.
-
MAKO
wa ka kwala Ndebo Mbuya i futshwanana mu dzili dzose. I no ti budza ne kwe zwithu zwinjinji zwi no shathisa zwa ka shingikala.
-
LUKA
wa ka temelela kwazo mu ntembezelo ne se kwa Jesu a ka be e bata bathu be chikadzi na ko.
-
JOHANI
u no lakidza kwazo ne kwe buthu gwa Jesu ne ku lakidza dzindebeleko dza Jesu ne bakhwinya babe ne bathu bangwe.
BATHU BANGWE BA KATI: “Jesu wa ka be ali nlume wa ka lulwama, ku be ku pelela ipapo.”
-
Iwe u ka tini?
CHA WA ZWIDIYA
Jesu wa ka be e rera ne kwe Bushe gwe Ndzimu, e thama majenamiso, kakale wa ka be e teedza Jehova mu zwibaka zose.
U Nga Tini?
-
Nshingo nkulu wa Jesu mu shango ya ka be ili ini?
-
Majenamiso a Jesu a no lakidzani?
-
I dzithuto dzipi dza ti nga shingisa dza ka diyiwa na Jesu?
SHAKISISA
Jesu wa ka be e lebeleka ne kwe khani ipi kwazo?
“Bushe Gwe Ndzimu—Cha gu no Dwa mu na Jesu” (Thungamakole, October 1, 2014)
Bona kuti ini ti nga duma kuti majenamiso a ka thangwa na Jesu a ka shingikala dumbu.
“Majenamiso a Jesu—Ini Cha u Nga Zwidiya?” (Thungamakole, July 15, 2004)
Bala se kwa chilakidzilo cha Jesu che ku be ne ndaba ne bangwe cha ka ama nngwe nlume.
Bona ku longolodziwa kwe zwa ka shingikala zwikulu mu ku rera kwa Jesu.
“Main Events of Jesus’ Earthly Life” (New World Translation of the Holy Scriptures, Appendix A7)
a Thuto 31-33 dzowo chenesa Bushe gwe Ndzimu.
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
