Madimona Babulayi!
Satani ne madimona ba gala ba li moyombi ne bumbatsha. Mu dzinako dza mbeli Satani wa ka bulaya zwithuiwa ne balanda ba Jobe u no zwikanyika. A ka be e bulaya bana ba li gumi ba Jobe nge ku thama ku ti “ipupudze” tji tjinye n̄umba ya ba ka be ba li mu ili. Shule kwa ikoku Satani ka be e loba Jobe “ne tho dzi singa pole ku dwa mu tshambo le gumbo lile ku no ti ku thongoma ye nsholo u we.”—Jobe 1:7-19; 2:7.
Mu nsi wa Jesu, madimona a ka be e thama bam̄we bathu mbebebe ne mapofu. (Matu 9:32, 33; 12:22) Ba ka dziidza m̄we nlume ba ka yeta ku ti a zwi palule ne mabgwe. (Mako 5:5) Kakale ba ka thama ku ti mbisana a lilile pezhugwi, be nligila pasi, ne “ku nlonga zwifafa.”—Luke 9:42.
Mu lubaka gwa ka pinda, madimona a ka be e gwalisa bathu ne ku ba longa zwifafa
Nasi, Satani ne madimona ba tji babulayi sa kale. Dumbu, nshingo wa bo mbi wa ka paphidzika kwe tji nga kwa ba ka posegwa kuzhe kwe ku dzimu. Ku poteleka shango mbiko dzo fakazila moyombi wa bo. Ba no loba bathu ne bugwele. Bangwe ba no ba dziidza busiku, ne ku ba shetesa wope kene ku ba pa woloto dzi no tjisa. Bam̄we ba no ba shingisa kwa ka bipa mu ndalano. Bam̄we ba no ba kwebela mu bupengo, bulaya, kene ku zwi bulaya.
Madimoni nasi a no thama bam̄we bathu zwigeben̄a; ba no dziidza bam̄we busiku, e ba pa wope dzi no tjisa
Lintina, u no gala mu Suriname, u no leba ku ti dimona, kene meya mbi , la ka bulaya bathu be nsha u we ba li 16 ne ku n’dziidza mu mbili ne mu nkumbulo makole a li 18. E leba ku dwa mu yetikalo ye mesho a we ka ti madimona “a no zipigwa ngo dziidza basungwa ba bo ku swikila lufu.”
Ngono Jehova u no khona vikilila balanda ba be mu dzithaselo dza Satani—Zwiane 18:10.
