Taa leleŋ weyi ŋhiɣaa alɩwaatʋ ndʋ ŋŋwɛ Yehowa samaɣ taa yɔ, ŋtɔzʋʋ ɩ-yɔɔ? Ŋwokaɣ kediɣzisi nzɩ sɩkpazɩɣ-ŋ ɖoŋ yɔ nɛ kigbeɣliŋ weyi ɩ-wayɩ fɛyɩ yɔ, ŋwokaɣ tɔm susuu nɛ ŋnɩɣ tɔm kɩbandʋ nɛ ña nɛ koobiya ɩlakaɣ kɛdɛsɩ kɩbanzɩ. Ŋtɩsɔɔ Yehowa yɔɔ nɛ ɛnʋ ɖɔɖɔ ɛtɩsɔɔ ñɔ-yɔɔ. Eɖiɣni tɔzʋʋ ɛzɩma ŋŋsɛ-ɩ nɛ ña-laŋɩyɛ pilim yɔ pɩ-yɔɔ. Nɛ ɛsɔɔlɩ kpem se ɛsɩnɩ-ŋ nɛ ŋpɩsɩ ɛ-cɔlɔ.

Yehowa yɔɔdaa se: ‘Ma-maɣmaɣ mankaɣ wobu mañɩnɩ mo-wondu nɛ mɔncɔnɩ tɩ-yɔɔ. Ɛzɩ ninɖiɣyu ɖaŋʋʋ e-wondu yɔɔ wɩsɩ taa yɔ, ye ɛwɛ wondu ndʋ tɩmɩzaa yɔ tɩ-hɛkʋ taa kɔyɔ, mbʋ ɖɔɖɔ mankaɣ ɖaŋʋʋ mo-wondu yɔɔ nɛ mankaɣ-tʋ holuu nɛ malɩzɩ lona kpeekpe taa, ɖenɖe tɩmɩzaa yɔ.’—Ezekɩyɛɛlɩ 34:11, 12.