Yesu heyi ɛ-tɔmkpɛlɩkɩyaa se pɩfɛyɩ se pɛkɛ «ɛjaɖɛ yɔɔ mba.» (Yohanɛɛsɩ 15:19) Tɔm ndʋ tɩ-tɔbʋʋ ɖɔɖɔ lɛ se paatɩnɩɣ hɔɔlʋʋ nakʋyʋ yɔɔ politiki tɔm taa yaa yoŋ tɔm taa. Ɛlɛ toovenim taa lɛ, pɩfɛyɩ kɛlɛʋ paa ɛzɩmtaa se ɛyʋ ɛtaatɩnɩ hɔɔlʋʋ nakʋyʋ yɔɔ. Halɩ ɛyaa pɩzɩɣ nɛ pohoŋ-ɖʋ mbʋ pʋyɔɔ yɔ ɖɩɩtɩnɩɣ hɔɔlʋʋ nakʋyʋ yɔɔ. Ɛzɩma ɖɩpɩzɩɣ nɛ ɖɩwɩlɩ se ɖɩɩtɩnɩɣ hɔɔlʋʋ nakʋyʋ yɔɔ nɛ ɖɩwɛɛ siɣsiɣ Ɛsɔ Yehowa ɛsɩndaa?

1. Lɩmaɣza wena toovenim Krɩstʋ mba wɛnɩ kominawaa yɔɔ?

Krɩstʋ mba ñaŋ kominawaa. Ðɩñaŋ Yesu tɔm tʋnɛ: «Ɩcɛlɩ Sezaarɩ mbʋ pɩkɛ Sezaarɩ pʋyʋ yɔ,» pʋ-tɔbʋʋ lɛ se ɖɩñaŋ ɖɛ-ɛjaɖɛ taa paɣtʋ, ɛzɩ paɣtʋ ndʋ tɩtɔŋ se ɖɩhɛyɩ lambuu yɔ. (Maarɩkɩ 12:17) Bibl wɩlɩɣ se Yehowa hanɩ nʋmɔʋ kominawaa se pɛwɛɛ. (Roma mba 13:1) Ye mbʋ ɖɩnawa se ɖoŋ weyi ɛyaa kominawaa wɛna yɔ, ɩtɩtalɩ Ɛsɔ ɖoŋ. Ðɛ-Ɛsɔ ɖɩtaɣ liu se ɛkaɣ tɩŋnʋʋ ɛsɔdaa komina yɔɔ nɛ ɛcɔnɩ ɛyaa kɩcɛyɩm ɖeɖe.

2. Ɛzɩma ɖɩpɩzɩɣ nɛ ɖɩwɩlɩ se ɖɩɩtɩnɩɣ hɔɔlʋʋ nakʋyʋ yɔɔ?

Ɛzɩ Yesu yɔ, ɖɩɩɖʋʋ ɖɔ-nɔɔ politiki tɔm taa. Alɩwaatʋ natʋyʋ ɛyaa na Yesu piti lakasɩ nasɩyɩ lɛ, pañɩnɩ se ɛpɩsɩ wiyaʋ, ɛlɛ ekizi. (Yohanɛɛsɩ 6:15) Ɛbɛ yɔɔ ekizaa? Ɛlɩzɩ pɩ-taa pʋwayɩ se «men-Kewiyaɣ tɩkɛ ɛjaɖɛ ɖɩnɛ ɖɩ-hɔɔlʋʋ nakʋyʋ.» (Yohanɛɛsɩ 18:36) Ðɩkɛ Yesu tɔmkpɛlɩkɩyaa nɛ ɖɩtɩŋɩɣnɩ nʋmɔŋ ndɩ ndɩ yɔɔ nɛ ɖɩwɩlɩɣ se ɖɩɩtɩnɩɣ hɔɔlʋʋ nakʋyʋ yɔɔ. Kɩɖaŋ nɩɩyɩ yɔ: Ðɩɩlakɩ you. (Kalɩ Mikee 4:3.) Ðɩñaŋ ɖɛ-ɛjaɖɛ kɩɖaŋ wondu ndɩ ndɩ, ɛzɩ kɩɖaʋ kɛdɛɛka mbʋ yɔ; ɛlɛ ɖɩɩcɛlɩɣ wondu ndʋ sɛtʋ ndʋ pɩmʋnaa se ɖɩcɛlɩ Ɛsɔ yɔ. (1 Yohanɛɛsɩ 5:21) Nɛ alɩwaatʋ ndʋ paɖʋzʋʋ takayɩsɩ se palɩzɩ politiki ñʋʋdʋ nɔɔyʋ yɔ, ɖɩɩlɩzɩɣ pa-taa nɔɔyʋ. Ðɩtɩŋɩɣnɩ nʋmɔŋ ɛnɩ nɛ nʋmɔŋ lɛɛŋ yɔɔ nɛ ɖɩwɩlɩɣ se Ɛsɔ komina, pʋ-tɔbʋʋ se e-Kewiyaɣ yɔɔ ɖeke ɖɩtɩnɩɣ.

 TAZƖ NƐ PILIMI

3. Toovenim Krɩstʋ mba ɩɩtɩnɩɣ hɔɔlʋʋ nakʋyʋ yɔɔ

Yesu nɛ ɛ-tɔmkpɛlɩkɩyaa paha-ɖʋ kɩɖaʋ ŋgʋ pɩwɛɛ se ɖɩtɩŋ yɔ. Ɩkalɩ Roma mba 13:1, 5-7 nɛ 1 Pɩyɛɛrɩ 2:13, 14. Pʋwayɩ lɛ, ɩcɔnɩ VIDEO nɛ ɩtazɩ tɔm tʋnɛ tɩ-taa.

• Ɛbɛ yɔɔ pɩwɛɛ se ɖɩña komina ñʋndɩnaa?

• Nʋmɔŋ weyi ɩ-yɔɔ ɖɩpɩzɩɣ ɖɩtɩŋna nɛ ɖɩwɩlɩ se ɖiluzuu ɖa-tɩ pɛ-tɛɛ?

Yoŋ alɩwaatʋ taa, ajɛɛ naayɛ yɔɔdʋʋ se aatɩnɩɣ hɔɔlʋʋ nakʋyʋ yɔɔ; ɛlɛ toovenim taa lɛ, aɖʋʋ nesi mba palakɩ yoŋ ɛnɩ yɔ. Ye pɔyɔɔdaa se ɛyʋ ɛtaatɩnɩ hɔɔlʋʋ nakʋyʋ yɔɔ yɔ, pʋ-tɔbʋʋ lɛ suwe? Ɩkalɩ Yohanɛɛsɩ 17:16. Pʋwayɩ lɛ, ɩcɔnɩ VIDEO nɛ ɩtazɩ tɔm tʋnɛ tɩ-taa.

• Ye pɔyɔɔdaa se ɛyʋ ɛtaatɩnɩ hɔɔlʋʋ nakʋyʋ yɔɔ yɔ, pʋ-tɔbʋʋ lɛ suwe?

Ye komina ñʋndɩnaa ɩpɔzɩ-ŋ se ŋla mbʋ pɩkaɖɩɣnɩ Ɛsɔ paɣtʋ yɔ, ɛbɛ pɩwɛɛ se ŋla? Ɩkalɩ Tʋma Labʋ 5:28, 29. Pʋwayɩ lɛ, ɩcɔnɩ VIDEO nɛ ɩtazɩ tɔm tʋnɛ tɩ-taa.

• Ye ɛyaa paɣtʋ ɩkaɖɩɣnɩ Ɛsɔ ñɩndʋ yɔ, paɣtʋ ndʋ pɩpɔzʋʋ se ɖɩña?

• Ña-naʋ taa yɔ, wɛtʋ ndʋ taa pɩpɔzʋʋ se Krɩstʋ mba ɩtaaña paɣtʋ ndʋ komina ɖʋʋ yɔ?

 4. Taatɩnɩ hɔɔlʋʋ nakʋyʋ yɔɔ ña-lɩmaɣza taa nɛ ña-lakasɩ taa

Ɩkalɩ 1 Yohanɛɛsɩ 5:21. Pʋwayɩ lɛ, ɩcɔnɩ VIDEO nɛ ɩtazɩ tɔm tʋnɛ tɩ-taa.

• Ɛbɛ yɔɔ Ayenge kpaɣ lɩmaɣzɩyɛ se ɛɛsʋʋ politiki ɛgbɛyɛ naɖɩyɛ taa nɛ ɛɛlakɩ ɖɔɖɔ ɛjaɖɛ taa sɔnzɩ?

• Ŋmaɣzɩɣ se ɛkpaɣ lɩmaɣzɩyɛ kɩbanɖɛ na?

Wɛtʋ ndʋ taa ɖɔɖɔ pɩpɩzɩɣ nɛ pɩtakɩ-ɖʋ nɛ pituyi-ɖʋ se ɖɩtɩnɩ hɔɔlʋʋ nakʋyʋ yɔɔ? Ɩcɔnɩ VIDEO, nɛ pʋwayɩ lɛ ɩtazɩ tɔm ndʋ tɩkɔŋ yɔ tɩ-taa.

• Ye ajɛɛ sakɩyɛ ɩwɛɛ nɛ alakɩ aleɣya naayɛ se pana ɛjaɖɛ nɖɩ ɖɩwakɩ yɔ, ɛzɩma ɖɩpɩzɩɣ nɛ ɖɩwɩlɩ se ɖɩɩtɩnɩɣ hɔɔlʋʋ nakʋyʋ yɔɔ?

• Ɛzɩma ɖɩpɩzɩɣ nɛ ɖɩwɩlɩ se ɖɩɩtɩnɩɣ hɔɔlʋʋ nakʋyʋ yɔɔ paa politiki ñʋndɩnaa ɩkpaɣ lɩmaɣzɩyɛ naɖɩyɛ nɛ ɖɩkɔŋnɩ-ɖʋ wazasɩ yaa kaɖɛ naɖɩyɛ yɔ?

• Tɔm ndʋ pɔyɔɔdʋʋ teelee, raadiyoo nɛ tɔm susuu wondu lɛɛtʋ taa nɛ tɔm ndʋ ɛyaa mba ɖɩñɔtʋʋnɩ-wɛ ɖoŋ ɖoŋ yɔ pɔyɔɔdʋʋ yɔ, ɖoŋ weyi tɩpɩzɩɣ nɛ tɩwɛɛnɩ ɖɔ-yɔɔ?

 TOBI LƐ

Krɩstʋ mba ñakɩ pana se pataaɖʋ pɔ-nɔɔ politiki tɔm taa nɛ pataatɩnɩ hɔɔlʋʋ nakʋyʋ yɔɔ pa-lɩmaɣza taa, pɔ-yɔɔdaɣ taa nɛ pa-lakasɩ taa.

Tɔm taa tazʋʋ

• Wɛtʋ ndʋ pɩwɛɛ se ɖɩwɛɛnɩ ɛyaa kominawaa yɔɔ?

• Ɛbɛ yɔɔ ɖɩɩɖʋʋ ɖɔ-nɔɔ politiki tɔm taa?

• Wɛtʋ ndʋ taa pɩpɩzɩɣ nɛ pɩtakɩ-ɖʋ se ɖɩtɩnɩ hɔɔlʋʋ nakʋyʋ yɔɔ?