Ɛzɩ Izaayii kaayɔɔdʋʋ yɔ, ɖɩwɛɛ ɖɩnaɣ ɛzɩma Yehowa ɛgbɛyɛ nɖɩ ɖɩwɛ tɛtʋ yɔɔ yɔ ɖɩwɛɛ nɛ ɖihukuu yɔ. (Iza 54:2) Pʋyɔɔ lɛ, pɩpɔzʋʋ se pama Kewiyaɣ Kpaamɩŋ kɩfaŋ, Kigbeɣliŋ Kpaamɩŋ kɩfaŋ nɛ Betɛɛlɩwaa kɩfama. Pamaɣ kuduyuŋ ɛnɩ nɛ pɩtɛ lɛ, pɩwɛɛ se pɔcɔnɩ i-ɖeɖe camɩyɛ nɛ nabʋyʋ taa pɩpɔzʋʋ se paɖaɣnɩ maʋ ɩ-taa nɩɩyɩ. Ɛzɩma pɩhaɣ-ɖʋ waɖɛ se ɖɩha ɖa-alɩwaatʋ nɛ ɖo-ɖoŋ Yehowa?

• Ye ɖɔ-tɔm susuu ɛgbɛyɛ ɛwɛnɩ waɖɛ se ɖɩñɔɔzɩ Kewiyaɣ Kpaaŋ taa yɔ, pɩwɛɛ se ɖɩɖʋ nesi

• Ðɩpɩzɩɣ ɖɩha ɖa-tɩ nɛ pafalɩsɩ-ɖʋ nɛ ɖɩtɩlɩ ɛzɩma pɔcɔŋnɩ Kewiyaɣ Kpaaŋ ɖeɖe camɩyɛ yɔ

• Ðɩpɩzɩɣ ɖɩñɩɣ niye takayaɣ ŋga payaɣ se DC-50 yɔ ka-taa nɛ pɩha-ɖʋ waɖɛ nɛ ɖɩɖʋʋ nesi kuduyuŋ maʋ tʋma wena palakɩ ɖɛ-tɛ cɔlɔ yɔ

• Ðɩpɩzɩɣ nɛ ɖɩñɩɣ niye takayaɣ ŋga payaɣ se A-19 yɔ ka-taa nɛ pɩha-ɖʋ waɖɛ nɛ ɖɩkpaɣ kpɩtaʋ kʋɖʋmʋʋ yaa pɩcɛzɩ mbʋ nɛ ɖɩɖʋnɩ nesi kuduyuŋ maʋ tʋma wena palakɩ ɖɛ-Ɛgbɛyɛ piliŋa ajɛɛ taa yaa Ɛgbɛyɛ piliŋa lɛɛka nakɛyɛ ajɛɛ taa yɔ

CƆNƖ VIDEO PALABƖ KUDUYUŊ MAƲ ÐƲTƲ KƖFATƲ NATƲYƲ—HƆƆLƲƲ NAKƲYƲ, NƐ PƲWAYƖ LƐ, ŊCOSI TƆM TƲNƐ TƖ-YƆƆ:

• Yɔɔdɩ ɛzɩma ɖɩpaɣzɩ labɩnʋʋ tʋmɩyɛ videowaa nɛ pɩkɩlɩ kpaɣnɩ pɩnaɣ 2014 taa yɔ.

• Kuduyuŋ maʋ ɖʋtʋ ndʋ palaba se paɖʋnɩ nesi videowaa lɩzʋʋ tʋmɩyɛ? Nɛ alɩwaatʋ ndʋ taa pakaɣ maʋ kuduyuŋ ɛnɩ?

• Ɛzɩma koobiya pɩzɩɣ nɛ paha pa-tɩ faaa nɛ paɖʋ nesi ɖʋtʋ ndʋ?

• Ye ɖɩsɔɔlaa se ɖɩɖʋ nesi kuduyuŋ maʋ tʋmɩyɛ nɖɩ pakaɣ labʋ Ramapo yɔ, ɛbɛ yɔɔ pɩcɛyaa se ɖɩñɩɣ niye DC-50 takayaɣ taa nɛ ɖɩɖʋ nesi LDC tʋma wena pɛwɛɛ nɛ palakɩ ɖɛ-tɛ cɔlɔ yɔ?

• Ɛbɛ wɩlɩɣ kpayɩ kpayɩ se Yehowa wɛnɩnɩ nɛ “eɖiyiɣ” ɖʋtʋ ndʋ?

• Ɛzɩma ɖɩpɩzɩɣ nɛ ɖɩɖʋ nesi ɖʋtʋ ndʋ, paa ɖɩɩpɩzɩɣ se ɖiwolo nɛ ɖɩla tʋmɩyɛ peeɖe yɔ?