Izaayii 38:1-22
38 Alɩwaatʋ ndʋ tɩ-taa lɛ, Ezekiyaasɩ hɩnɩ kʋdɔŋ nɛ ɛcaɣaɣ sɩbʋ.+ Amoozɩ pɩyalʋ nayʋ Izaayii+ wolo nɛ eheyi-i se: «Tɔm tʋnɛ Yehowa yɔɔdʋʋ: “Heyi ña-ɖɩɣa taa mba ña-taa tɔm,* mbʋ pʋyɔɔ yɔ ŋkaɣ sɩbʋ; ñɔ-yɔɔ ɛɛkaɣ cɛbʋ.”»+
2 Peeɖe Ezekiyaasɩ kɛzɩ ɛ-ɛsa nɛ koloŋa yɔɔ nɛ ɛpaɣzɩ tɩmnʋʋ Yehowa se:
3 «Mentendi-ŋ, hayɩ Yehowa, mentendi-ŋ, tɔzɩ+ ɛzɩma mɔnɖɔm ñɛ-ɛsɩndaa siɣsiɣ nɛ laŋɩyɛ pilim+ yɔ pɩ-yɔɔ, nɛ malabɩ mbʋ pɩwɛ ɖeu ñɛ-ɛsɩndaa yɔ.» Nɛ Ezekiyaasɩ paɣzɩ wiluu siŋŋ.
4 Nɛ Yehowa tɔm talɩ Izaayii se:
5 «Pɩsɩ nɛ ŋheyi Ezekiyaasɩ se:+ “Tɔm tʋnɛ ñɔ-cɔzɔ Daviid tɛ Ɛsɔ Yehowa yɔɔdʋʋ: ‘Manɩ ña-adɩma.+ Mana ñɛ-ɛsɩtɛɣlɩm.+ Na, mɔnsɔzʋʋ pɩnzɩ 15 ñe-wezuu* yɔɔ,+
6 nɛ mankaɣ holuu ña nɛ tɛtʋ tʋnɛ Asiirii wiyaʋ nesi tɛɛ, nɛ mankaɣ kandɩyʋʋ tɛtʋ tʋnɛ tɩ-yɔɔ.+
7 Yʋsaɣ ŋga kalɩɣnɩ Yehowa cɔlɔ se kawɩlɩ-ŋ se Yehowa kaɣ yebu nɛ tɔm ndʋ ɛyɔɔdaa yɔ tɩla yɔ ŋga yɔ:+
8 Na, mankaɣ yebu nɛ wɩsɩ kɩlɛmʋʋ ŋgʋ kɩwɛ Ahaazɩ tendemee* yɔɔ nɛ kitiki yɔ kɩpɩsɩnɩ wayɩ tendemee 10.’”»+ Nɛ wɩsɩ pɩsɩnɩ wayɩ tendemee 10, tendemee wena sɩɩtɛm tibu a-yɔɔ yɔ.
9 Tɔm ndʋ Yuuda wiyaʋ Ezekiyaasɩ ma alɩwaatʋ ndʋ ɛɛhɩnɩ kʋdɔŋ nɛ ɛ-yɔɔ kɔɔ nɛ pɩcɛ yɔ ndʋ yɔ:
10 Mɔyɔɔdaa se: «Me-wezuu kɩyakɩŋ hɛkʋ taaPɩwɛɛ se mansʋʋ Pɩlaʋ* nɔnɔsɩ taa.
Pakaɣ-m pɛm pɩnzɩ nzɩ sɩkazɩ-m yɔ.»
11 Mɔyɔɔdaa se: «Maakaɣ naʋ Yah,* Yah ɛsadɩnaa ɛjaɖɛ taa.+
Maakaɣ tasʋʋ cɔnʋʋ ɛyaaAlɩwaatʋ ndʋ mɛwɛɣ ɛyaa mba pɛwɛ lone nɖɩ ɖɩ-taa pɩtɩŋa payɩ pɩsɩɣ tɩnaɣ yɔ pɔ-cɔlɔ yɔ.
12 Pɛkpɛzɩ ma-maɣmaɣ man-ɖɩjaɣyɛ nɛ pakʋsɩ-ɖɩ mɔn-cɔlɔ+Ɛzɩ ninɖiɣyu kizinziku yɔ.
Menkpiyi me-wezuu ɛzɩ pɩsaŋ lʋyʋ kpiyuu pɩsaʋ ŋgʋ ɛtɛm-kʋ lʋʋ yɔ;Ɛsɛtɩɣ-m ɛzɩ pɛsɛtʋʋ pɩsaʋ ŋgʋ pɛtɛm-kʋ lʋʋ yɔ kɩ-pɩsatʋ wonuu ŋgʋ palʋʋnɩ pɩsaŋ yɔ kɩ-yɔɔ yɔ.
Kpaɣnɩ wɩsɩ taa nɛ ŋwolo ɖoo taa, ŋwɛɛ nɛ ŋtɛŋ mɔn-tɔm.+
13 Mɛhɛzɩɣ man-tɩ pɩkɔɔ nɛ pɩtalɩ tanaŋ tɛɛ.
Ɛzɩ mʋʋzʋʋ yɔ, ɛwɛɛ nɛ ɛpɛlɩɣ mɔ-mɔɔ tɩŋa;Kpaɣnɩ wɩsɩ taa nɛ ŋwolo ɖoo taa, ŋwɛɛ nɛ ŋtɛŋ mɔn-tɔm.+
14 Ɛzɩ keŋge yaa kʋdɔkɔyʋʋ* yɔ, mbʋ mɛwɛɣ cɩŋgbɩlʋʋ yɔɔ;+Mɛwɛɣ wiu yɔɔ ɛzɩ ehooye yɔ.+
Mɛ-ɛsa cɔŋnɩ ɛsɔdaa nɛ pɩnɩɣ-yɛ.+
“Hayɩ Yehowa, mɛwɛ laŋwɛɛkɩyɛ taa siŋŋ;Sɩnɩ-m!”*+
15 Suwe manpɩzɩɣ nɛ mɔyɔɔdɩ?
Ɛyɔɔdɩnɩ-m nɛ ɛla mbʋ.
Mankaɣ ɖɔm nɛ tɩ luzuu* man-pɩnzɩ kpeekpeMa-laŋwɛɛkɩyɛ sɔsɔɖɛ yɔɔ.*
16 “Hayɩ Yehowa, pʋnɛ* pɩ-yɔɔ paa ɛyʋ weyi lɛ ɛwɛɣ wezuu,Nɛ pɩ-taa men-fezuu wezuu wɛɛ.
Ŋkaɣ ɖaɣnʋʋ yebu nɛ mɛwɛɛ alaafɩya nɛ ŋyele nɛ mɛwɛɛ wezuu.+
17 Na! Laŋhɛzɩyɛ lone taa lɛ, maawɛ laŋwɛɛkɩyɛ taa siŋŋ;Ɛlɛ ŋsɔɔlɩ-m* siŋŋ nɛ pʋyɔɔ lɛ,Ŋkandɩyɩ mɔ-yɔɔ nɛ mantitii ɖɩzʋʋ pɔʋ taa.+
Ŋlɔ man-kɩwɛɛkɩm kpeekpe ñe-siɣye wayɩ.*+
18 Mbʋ pʋyɔɔ yɔ Pɩlaʋ* ɛɛpɩzɩɣ nɛ kɩsamɩ-ŋ,+Sɩm ɛɛpɩzɩɣ nɛ pɩsamɩ-ŋ.+
Mba petiki pɔʋ taa yɔ, paapɩzɩɣ nɛ paɖaŋ ñe-siɣsiɣ wɛtʋ.+
19 Ɛsadɩnaa, ɛsadɩnaa pɩzɩɣna nɛ pasamɩ-ŋ,Ɛzɩ manpɩzʋʋ nɛ mansaŋɩ-ŋ sɔnɔ yɔ.
Caja pɩzɩɣ nɛ ɛha ɛ-pɩyalaa sɩmtʋ pɩlɩɩnɩ ñe-siɣsiɣ wɛtʋ yɔɔ.+
20 Hayɩ Yehowa, ya ma-ñʋʋ,Nɛ ɖɩkaɣ me-hendu teu nɛ cɩmʋʋ wondu ndʋ tɩ-yɔɔ wɛ nimasɩ yɔ+Ðe-wezuu kɩyakɩŋ kpeekpe Yehowa ɖɩɣa taa.”»+
21 Pʋwayɩ lɛ Izaayii yɔɔdɩ se: «Ɩkɔnɩ fiigi pee kɩwɩlɛɛ kakayaɣ nɛ pasɩɩ mʋɖɛ yɔɔ nɛ ɛ-yɔɔ cɛ.»+
22 Ezekiyaasɩ kaapɔzaa se: «Yʋsaɣ ŋga wɩlɩɣ se mankaɣ kpaʋ Yehowa ɖɩɣa taa?»+
Pɩ-tɛɛ tɔm
^ Yaa «Heyi ña-ɖɩɣa taa mba mbʋ pɩwɛɛ se pala yɔ.»
^ Piye piye, «ña-kɩyakɩŋ.»
^ Pʋtɔma yɔ palakaɣnɩ tendemee ana tʋmɩyɛ nɛ patɩlɩɣ alɩwaatʋ.
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Hɩɖɛ «Yehowa» potobiyaa nɛ pɩkɛ «Yah.»
^ Piye piye, «Kɛ ma-wayɩ sɩŋɩyʋ.»
^ Pɩpɩzɩɣ pɩkɛ, «sumaɣ ŋga payaɣ se kɩlayʋʋ yɔ.»
^ Yaa «Mankaɣ kam ñʋʋ nɛ mɔnɖɔ camɩyɛ.»
^ Yaa «Man-kalɩzaɣ laŋwɛɛkɩyɛ sɔsɔɖɛ yɔɔ.»
^ Pʋ-tɔbʋʋ se Ɛsɔ tɔm nɛ ɛ-lakasɩ.
^ Yaa «Ŋkʋsɩ man-kɩwɛɛkɩm kpeekpe ñɛ-ɛsɩndaa.»
^ Yaa «ŋsɔɔlɩ man-kalɩzaɣ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
