Aduwa 12:1-28
12 Weyi ɛsɔɔlɩ mʋʋ lɔŋ sɩɣzʋʋ yɔ, ɛsɔɔlɩ sɩmtʋ;+Ɛlɛ weyi ɛpaɖɩɣ nɩŋgbaŋʋʋ hɔmtʋ yɔ, ɛkɛ kɩmɛlɛŋ.+
2 Ɛyʋ kɩbanʋ tɔm kɛdɩɣnɩ Yehowa,Ɛlɛ ɛkʋʋ ɛyʋ weyi ɛtaŋ tamasɩ kɩdɛkɛdɩsɩ yɔ ɛ-tɔm.+
3 Kañatʋ lakasɩ iiyeki nɛ ɛyʋ wɛɛ pɛɛyɛ taa,+Ɛlɛ paakaɣ kpɛzʋʋ ɛyʋ siɣsiɣ tʋ kpa.
4 Halʋ kɩbanʋ kɛ awiya hulaɣ ɛ-walʋ,+Ɛlɛ halʋ weyi ɛlakɩ fɛyɛ lakasɩ yɔ, ɛwɛ ɛzɩ kʋdɔŋ ŋgʋ kiyeki nɛ ɛ-walʋ mɔɔ ɖazɩɣ yɔ.+
5 Ɛyaa siɣsiɣ tɩnaa lɩmaɣza tʋʋzaa,Ɛlɛ nʋmɔʋ ŋgʋ kañatʋ tɩnaa wɩlɩɣ yɔ, kipeɣziɣ ɛyʋ.
6 Kañatʋ tɩnaa tɔm pee kɛ sɩm kaamʋʋ,*+Ɛlɛ ɛyaa siɣsiɣ tɩnaa nɔsɩ yakɩ pa-ñʋʋ.+
7 Potuzuu kañatʋ tɩnaa nɛ pɛpɛɖɩ lɛ, paatasɩɣ wɛʋ;Ɛlɛ ɛyʋ siɣsiɣ tʋ ɖɩɣa kaɣ sɩŋʋʋ ke-ɖeɖe.+
8 Weyi ekuluu ɛ-nɔɔ nɛ lɛɣtʋ yɔ, pasaŋɩ-ɩ;+Ɛlɛ weyi ɛ-laŋɩyɛ taa wɛ nabʋlɛ yɔ, pakaɣ-ɩ nim.+
9 Ye ɛyʋ ɛtɩkɛ caa akele, ɛlɛ ɛwɛnɩ lɩmɖʋyʋ yɔ pɩwɛ weewee nɛ pɩkɩlɩSe ɛyʋ ɛkpazɩɣ ɛ-tɩ, ɛlɛ ɛfɛyɩnɩ tɔɔnaɣ.*+
10 Ɛyʋ siɣsiɣ tʋ cɔŋnɩ ɛ-ɖɩɣa kpɩna yɔɔ,*+Ɛlɛ kañatʋ tʋ maɣzɩɣ se ɛnaɣ pʋtɔdɩyɛ, ŋgʋ toovenim taa lɛ ɛwɛ ñaŋ.
11 Weyi ɛhayɩɣ ɛ-tɛtʋ yɔ, ɛkaɣ haɣʋ tɔɔnaɣ,+Ɛlɛ weyi ɛɖʋʋ mbʋ pɩɩwazɩɣ pʋyʋ yɔ pɩ-wayɩ yɔ, ɛkɛ kɩmɛlɛŋ.*
12 Kañatʋ tʋ ɖʋʋ ɛsɩyɛ mbʋ ɛyaa kɩdɛkɛdaa lalaa kpawa yɔ pɩ-yɔɔ,Ɛlɛ ɛyʋ siɣsiɣ tʋ liɖe lʋlʋʋ pee.
13 Ɛyʋ kɩdɛkɛdʋ tɔlʋʋ ɛ-maɣmaɣ ɛ-yɔɔdaɣ kɩdɛkɛdaɣ kpaca taa,+Ɛlɛ ɛyʋ siɣsiɣ tʋ lɩɣ kʋñɔŋ taa.
14 Mbʋ ɛyʋ yɔɔdaɣ* lʋlʋʋ yɔ, pɩhaɣzɩɣ-ɩ wondu kɩbandʋ,+Nɛ e-nesi tɛɛ tʋmɩyɛ kaɣ-ɩ hɛyʋʋ.
15 Kɩmɛlɛŋ nʋmɔʋ tʋʋzɩ kɩ-maɣmaɣ kɩ-ɛsɩndaa,+Ɛlɛ lɔŋsɩnɖʋ mʋʋ lɔŋ tasʋʋ.+
16 Kɩmɛlɛŋ wɩlɩɣ kɩ-pana kpaagbaa,*+Ɛlɛ lɔŋsɩnɖʋ huuzuu ɛsa* tʋtʋ yɔɔ.
17 Aseɣɖe tʋ siɣsiɣ tʋ yɔɔdʋʋ toovenim,*Ɛlɛ aseɣɖe tʋ cɛtɩyʋ yɔɔdʋʋ pɔbɔtʋ tɔm.
18 Tɔm ndʋ ɛyʋ ɛɛmaɣzɩɣ pʋcɔ nɛ ɛyɔɔdʋʋ-tʋ yɔ, tɩwɛ ɛzɩ pɔsɔkʋʋ ɛyʋ sɩsɩ yɔ,Ɛlɛ lɔŋsɩnɖʋ nzʋlʋmɩyɛ waɣ kɩwaʋ.+
19 Ndomee wena awɛ toovenim yɔ, akaɣ wɛʋ tam tam,+Ɛlɛ nzʋlʋmɩyɛ nɖɩ ɖɩcɛtɩɣ yɔ, ɖɩkaɣ wɛʋ alɩwaatʋ pazɩ yem.+
20 Cɛtɩm wɛ mba pataŋ tamasɩ kɩdɛkɛdɩsɩ yɔ pa-laŋa taa,Ɛlɛ laŋhɛzɩyɛ ñɩnɩyaa* hikiɣ taa leleŋ.+
21 Kɩdɛkɛdɩm nabʋyʋ ɛɛkaɣ talʋʋ ɛyʋ siɣsiɣ tʋ,+Ɛlɛ asɛyɩŋ sakɩyɛ kaɣ talʋʋ kañatʋ tɩnaa.+
22 Yehowa paɖɩɣ ndomee wena acɛtɩɣ yɔ,+Ɛlɛ mba palakɩ lakasɩ nzɩ sɩwɛ siɣsiɣ yɔ, peyeki nɛ ɛ-taa lakɩ leleŋ.
23 Lɔŋsɩnɖʋ mɛsɩɣ ndʋ ɛsɩma yɔ,Ɛlɛ kɩmɛlɛŋ laŋɩyɛ yabɩtɩɣ kɩ-kɩmɛlɛndʋ.+
24 Ɛyaa kpekpeka tɩnaa nesi kaɣ kewiyitu tɔɔʋ,+Ɛlɛ pakaɣ kpaʋ nesi nzɩ sɩwɛ feendu yɔ nɛ ɖoŋ nɛ sɩla tʋmɩyɛ.+
25 Ɛyʋ laŋɩyɛ taa nɩɣzɛ yeki nɛ pitiki-i yɔɔɔ,*+Ɛlɛ tɔm kɩbandʋ yeki nɛ ɛ-taa lakɩ leleŋ.+
26 Ɛyʋ siɣsiɣ tʋ ñɩnɩɣ ɛ-kpɩna ñɩtʋ ɖɩdɔɔyɛ kɩbanɖɛ,Ɛlɛ kañatʋ tɩnaa nʋmɔʋ lesiɣ pa-maɣmaɣ.
27 Feendu tʋ eewoki ɛgbandʋ,+Ɛlɛ kpekpeka kɛ ñɩm pʋyʋ.
28 Siɣsiɣ wɛtʋ nʋmɔʋ kɛ wezuu nʋmɔʋ;+Sɩm fɛyɩ tɩ-nʋmɔʋ taa.
Pɩ-tɛɛ tɔm
^ Piye piye, «tɔm pee pabaa nɛ aɖaŋ se akpɛdɩ calɩm.»
^ Piye piye, «kpɔnɔ.»
^ Yaa «ɛ-ɖɩɣa kpɩnɛ kalɩzaɣ yɔɔ.»
^ Piye piye, «ɛfɛyɩnɩ laŋɩyɛ.»
^ Piye piye, «nɔɔ.»
^ Yaa «puwiye maɣmaɣ.»
^ Piye piye, «lɔŋsɩnɖʋ huuzuu.»
^ Piye piye, «tɔm ndʋ tɩwɛ siɣsiɣ yɔ.»
^ Piye piye, «lɔŋ tasɩyaa.»
^ Yaa «yeki nɛ ɛwɛɣ laŋwɛɛkɩyɛ taa.»
