Yɔɔb 16:1-22
16 Yɔɔb cosi nɛ ɛyɔɔdɩ se:
2 «Maatɛm nɩʋ tɔm sakɩyɛ ɛzʋnɔ.
Mɩ-tɩŋa ɩkɛ laŋɩyɛ hɛzɩyaa mba paɖʋʋ wɩzasɩ yɔ!+
3 Tɔm ndʋ tɩɩwazɩɣ pʋyʋ yɔ,* tɩwɛnɩ tɩnaɣ yaa we?
Ɛbɛ seɣtiɣ-ŋ nɛ ŋcosuu mbʋ?
4 Ma ɖɔɖɔ manpɩzaɣ se mɔyɔɔdɩ ɛzɩ mɩ yɔ.
Ye ɩɩwɛ mo-lone taa yɔ,*Manpɩzaɣ se mɔyɔɔdɩ tɔm sakɩyɛ nɛ mankaɖɩnɩ-mɩNɛ menkpiɣyi ma-ñʋʋ mɩ-yɔɔ.+
5 Ɛlɛ ye pɩɩkɛ ma yɔ, maakpazɩ-mɩ ɖoŋ nɛ mɔ-nɔɔ taa tɔm,Nɛ laŋhɛzɩyɛ tɔm ndʋ tɩɩlɩnɩ mo-ndomee yɔɔ yɔ tɩɩhɛzɩ mɩ-laŋa.+
6 Ye mɔyɔɔdʋʋ yɔ, ma-wɩzasɩ ɛɛhɛɣ,+Nɛ ye meyebi yɔɔdʋʋ yɔ, ma-wɩzasɩ nzɩ, sɩkaɣ pasʋʋ nɛ pɩtalɩ le?
7 Ɛlɛ lɛɛlɛɛyɔ, eyeba nɛ pɩɖɛ-m;+Ɛɖɩzɩ man-ɖɩɣa taa mba kpeekpe.*
8 Ŋɖɔkɩ-m ɖɔɖɔ, nɛ pɩpɩsɩ aseɣɖe,Piyeba nɛ ɖanzɩ nzɩ mɛntɛma yɔ, sɩkʋyɩ nɛ sɩlɩzɩɣ aseɣɖe nɛ sɩkaɖɩɣnɩ-m.
9 Ɛ-pana cɩyɩ-m hɔɔlasɩ hɔɔlasɩ, nɛ ɛɛnaɣ-m nɛ ɛsɩyɛ.+
Mɔ-yɔɔ lɛ, ɛsalɩɣ e-kela.
Mon-koyindu hɛɣ-m ɛsa.+
10 Paha pɔ-nɔsɩ haaa mɔ-yɔɔ,+Nɛ pɛcɛbɩ-m kadanzɩ se penimi-m;Pekpeɣli ɖama sakɩyɛ mɔ-yɔɔ.+
11 Ɛsɔ ɖʋzɩ-m piya evelisi nesi taa,Nɛ ɛpɛɖɩ-m kɩdɛkɛdaa nesi taa.+
12 Maahɛzɩ yem, ɛlɛ ɛpʋʋtɩ-m;+Ɛɖɔkɩ me-nimaɣ wayɩ nɛ ɛtɔyɩtɩ-m;Pʋwayɩ lɛ, ɛpamɩ-m nɛ ɛsa.
13 Ɛ-tɔŋ tɔyaa cɔ-m nɛ pata;+Ɛtʋlɩ man-kataŋgayɩsɩ+ nɛ ɛtɩna man-pʋtɔdɩyɛ paa ññɩɩ;Ɛpɩyɩ mo-hoyosaɣ tataa.
14 Ɛtʋlɩ-m pɔŋ yʋʋʋ;Ɛɖabɩ-m ɛzɩ you laɖʋ yɔ.
15 Mɛñɛyɩ fɔlɔtɔ nɛ mohuuzini mon-tomnaɣ yɔɔ,+Nɛ menpim ñamtʋ ndʋ pahaɣ-m yɔ* puuyuu taa.+
16 Mewiwa nɛ mɛ-ɛsɩndaa yu cɩkpɛndʋʋ,+Nɛ cɩkpɛndʋʋ sɔsɔʋ* tibi mɛ-ɛsa hutu yɔɔ,
17 Ŋgʋ me-nesi tɩla puuyaɣ lakasɩ nasɩyɩNɛ ma-adɩma wɛ kele kele.
18 Oo tɛtʋ, taahuuzi man-calɩm yɔɔ!+
Nɛ mon-kubusi mabʋ etaahiɣ ɖɩhɛzɩyɛ naɖɩyɛ!
19 Halɩ lɛɛlɛɛyɔ, ma-aseɣɖe tʋ wɛ ɛsɔdaa;Weyi ɛpɩzɩɣ nɛ ɛlɩzɩ mɔ-yɔɔ aseɣɖe yɔ, ɛwɛ ɖooo hayo.
20 Man-taabalaa woŋuu-m+Alɩwaatʋ ndʋ mɛ-ɛsɩyɛ pɩyɩɣ ɛsɩtɛɣlɩm* Ɛsɔ ɛsɩndaa yɔ.+
21 Nɔɔyʋ ɛhʋʋ ɛyʋ nɛ Ɛsɔ pɛ-hɛkʋ taa tɔm,Ɛzɩ pahʋʋ ɛyaa 2 hɛkʋ taa tɔm yɔ.+
22 Mbʋ pʋyɔɔ yɔ pɩnzɩ nzɩ sɩkɔŋ yɔ sɩtɩɖɔɔ,Nɛ mankaɣ ɖʋʋ nʋmɔʋ ŋgʋ pɔɖɔŋ nɛ paapɩsɩɣ yɔ kɩ-taa.+
Pɩ-tɛɛ tɔm
^ Yaa «Tɔm ndʋ tɩkɛ helim yem yɔ.»
^ Yaa «Ye mɩ-kalɩzasɩ ɩɩwɛnɩ man-kalɩzaɣ lone taa yɔ.»
^ Yaa «Ɛɖɩzɩ mba ma nɛ wɛ ɖikpeɣliɣ yɔ.»
^ Yaa «menpim mon-ɖoŋ.» Piye piye, «ma-hɩlʋʋ.»
^ Yaa «sɩm kuzotuu.»
^ Pɩpɩzɩɣ pɩkɛ, «Alɩwaatʋ ndʋ ɖom se mɛ-ɛsa yɔɔ nɛ acɔŋnɩ.»
