Yɔɔb 14:1-22
14 «Ɛyʋ weyi halʋ lʋlaa yɔ,E-wezuu wɛ tobi+ nɛ kisuni kʋñɔmɩŋ.*+
2 Ɛlɩɣ ɛzɩ hɛɖʋʋ yɔ nɛ pʋwayɩ lɛ eloo;*+Eseɣ nɛ ɛɖɛɣ ɛzɩ kuzotuu yɔ nɛ ɛmʋkɩ.+
3 Ɛɛɛ, ŋkam ñɛ-ɛsa ɛ-yɔɔ,Nɛ ŋyaa-ɩ* tɔm se ña nɛ ɩ ɩhʋʋ.+
4 Apɩzɩɣ ɛla nɛ ɛyʋ weyi ɛwɛ kele kele yɔ ɛlɩɩnɩ ɛyʋ weyi ɛfɛyɩ kele kele yɔ ɛ-taa?+
Nɔɔyʋ ɛɛpɩzɩɣ!
5 Ye paɖʋ ɛ-kɩyakɩŋ yɔ,E-fenasɩ ñʋʋ wɛ ñɔ-cɔlɔ;Ŋɖʋ-ɩ kamaɣ ŋga ɛɛpɩzɩɣ nɛ ɛtɛzɩ yɔ.+
6 Kɛzɩ ñɛ-ɛsa nɛ ŋyebi-i cɔnʋʋ nɛ ɛpɩzɩ nɛ ɛhɛzɩ,Pɩkɔɔ nɛ pɩsɩɩnɩ alɩwaatʋ ndʋ ɛtɛŋ e-evemiye ɛzɩ abaa tʋ yɔ.+
7 Mbʋ pʋyɔɔ yɔ halɩ tɩʋ maɣmaɣ wɛnɩ lidaʋ.
Ye pɛsɛtɩ-kʋ yɔ, kɩkaɣ ɖaɣnʋʋ hɔʋ,Nɛ ki-pilinzi ɩɩkaɣ yebu paɣlʋʋ.
8 Ye ki-liɖe ɛkpadɩyɩ tɛtɛɛNɛ ki-kiɖe sɩ tɛtɛɛ yɔ,
9 Kɩnɩɣ lɩm sɔŋ lɛ, kɩɖaɣnɩɣ hɔʋ;Nɛ kɩkaɣ lɩʋ pilinzi ɛzɩ tɩʋ kɩfalʋʋ yɔ.
10 Ɛlɛ ɛyʋ sɩkɩ nɛ pahɩzɩ-ɩ nɛ ɛɛtasɩɣ wɛnʋʋ ɖoŋ nɩɩyɩ;Ɛyʋ tisiɣ fezuu lɛ,* le ɛwɛɣ?+
11 Lɩm mʋkɩ teŋgu taa,Nɛ lɩm sɔʋ pɔɔ taa nɛ ka-taa wɩlɩɣ.
12 Ɛyʋ ɖɔɖɔ hɩnɩɣ nɛ ɛɛkʋyʋʋ.+
Paakaɣ fem, pɩkɔɔ nɛ pɩtalɩ alɩwaatʋ ndʋ ɛsɔdaa ɛɛtasɩɣ wɛʋ yɔ,Nɛ paakaɣ fem ɖɔɖɔ nɛ po-ɖom yɔɔ.+
13 Hayɩ, ye ŋŋmɛsaɣ-m Pɩlaʋ* taa,+Ye ŋŋmɛsaɣ-m nɛ pɩkɔɔ pɩsɩɩnɩ alɩwaatʋ ndʋ ña-pana ɖɛɣ yɔ,Ye ŋŋɖʋwaɣ-m alɩwaatʋ natʋyʋ se ŋŋtɔzɩ mɔ-yɔɔ!+
14 Ye ɛyʋ ɛsɩba yɔ, ɛpɩzɩɣ nɛ ɛtasɩ caɣʋ wezuu na?+
Mankaɣ ɖaŋʋʋ tʋmɩyɛ nɖɩ paɖʋ-m yɔ* ɖɩ-kɩyakɩŋ kpeekpe taaPɩkɔɔ nɛ pɩsɩɩnɩ alɩwaatʋ ndʋ mehiɣ hɛzɩyɛ yɔ.+
15 Ŋkaɣ yaʋ, nɛ mankaɣ-ŋ cosuu.+
Ñe-liu kaɣ wɛʋ ñe-nesi tɛɛ tʋmɩyɛ pɩŋŋ.*
16 Ɛlɛ lɛɛlɛɛyɔ lɛ, nɩŋgbanzɩ nzɩ mɛnkpɛzɩɣ yɔ ŋwɛ sɩ-tɩŋa sɩ-kalʋʋ yɔɔ;Man-kɩdɛkɛdɩm ɖeke ŋcɔŋna.
17 Pɔhɔkɩ man-kɩwɛɛkɩm huyuu taa,Nɛ ŋtaaɖɩ man-kɩdɛkɛdɩm nɛ kɩtaaɖʋʋ.
18 Ɛzɩ pʋʋ tɔlʋʋ nɛ kɩyɔlʋʋ yɔ,Nɛ ɛzɩ pɛkpɛzʋʋ kaaʋ ki-lone taa yɔ,
19 Ɛzɩ lɩm tɔkʋʋ kaaŋ yɔ,Nɛ ɛzɩ lɩm kpeŋuu nɛ pɩkpakɩɣ tɛtʋ yɔ,Mbʋ ɖɔɖɔ ŋɖɩzɩ ɛyʋ lidaʋ.
20 Ŋŋyeki-i wizuu nɛ pɩkɔɔ pɩsɩɩnɩ alɩwaatʋ ndʋ ɛtɛŋɩlaa yɔ;+Ŋlɛɣzɩɣ ɛ-wɛtʋ nɛ ŋɖɔɔnʋʋ-ɩ.
21 Paɖʋ hɩɖɛ ɛ-pɩyalaa, ɛlɛ ɛtɩna;Papɩsɩ mba patɩlɩɩ pʋyʋ yɔ, ɛlɛ etiɖiɣzina.+
22 Alɩwaatʋ ndʋ ɛwɛ e-tomnaɣ taa yɔ ti-ɖeke tɩ-taa ɛnɩɣ siziŋ;Alɩwaatʋ ndʋ ɛwɛ wezuu yɔ ti-ɖeke tɩ-taa ɛcakɩ* kʋñɔwiye.»
Pɩ-tɛɛ tɔm
^ Yaa «nɩɣzɛ.»
^ Pɩpɩzɩɣ pɩkɛ, «pɛsɛtɩ-ɩ.»
^ Piye piye, «ŋya-m.»
^ Yaa «Ɛyʋ sɩkɩ lɛ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Yaa «tʋmɩyɛ nɖɩ pakpa-m nɛ ɖoŋ se mala yɔ.»
^ Yaa «Ŋkaɣ selituu ñe-nesi tɛɛ tʋmɩyɛ yɔɔ.»
^ Yaa «ɛ-kalɩzaɣ cakɩ.»
