Keɣa 94:1-23
94 Oo kɩmɩyɛ kpaʋ tɛ Ɛsɔ Yehowa,+Oo kɩmɩyɛ kpaʋ tɛ Ɛsɔ, ñandɩ!
2 Oo tɛtʋ Tɔm Hʋyʋ,+ kʋyɩ.
Hɛyɩ tɩ kpazɩyaa pa-lakasɩ nɔɔ taa.+
3 Kañatʋ tɩnaa wɛɣ mɛyʋʋ yɔɔ nɛ pɩkɔɔ pɩsɩɩnɩ ɖooye?+
Hayɩ Yehowa, pɩkɔɔ pɩsɩɩnɩ ɖooye?
4 Pohutuu tɔm yem nɛ pɔyɔɔdʋʋnɩ tɩ kpazʋʋ;Kɩwɛɛkɩm laɖaa tɩŋa kʋndʋʋ.
5 Oo Yehowa, pɔtɔyɩtʋʋ ña-samaɣ+Nɛ panazɩɣ mba pɛkɛ ña-ñɩm yɔ.
6 Pakʋʋ lelu nɛ ɛgɔm,Nɛ pakʋʋ ɖɔɖɔ piya nzɩ sɩfɛyɩ caa yɔ.
7 Pɔyɔɔdʋʋ se: «Yah ɛɛnaɣ;+Yakɔɔb tɛ Ɛsɔ eeɖiɣziɣni natʋyʋ.»+
8 Mɩ mba mɩ-ñʋŋ taa fɛyɩ yɔ, ɩnɩɩ tɔm tʋnɛ tɩ-taa;Kɩmɛlɛmɩŋ mɩ, ɛzɩmtaa kpem ɩkaɣ wɛʋ lɛɣtʋ?+
9 Weyi ɛlabɩ* nɩŋgbaŋʋʋ yɔ, ɛɛpɩzɩɣ nɛ ɛnɩɩ yaa we?
Weyi ɛlabɩ ɛsɩyɛ yɔ, ɛɛpɩzɩɣ nɛ ɛna yaa we?+
10 Weyi ɛsɩɣzɩɣ ajɛɛ lɔŋ yɔ, ɛɛpɩzɩɣ nɛ ɛhɔ nɩŋgbaŋʋʋ yaa we?+
Ɛnʋ haɣnɩ ɛyaa sɩmtʋ!+
11 Yehowa sɩm ɛyaa lɩmaɣza,Ɛnawa se mɔɔŋ tɛɛ helim yem akɛnaa.+
12 Oo Yah, koboyaɣ tʋ lɛ ɛyʋ weyi ŋsɩɣzɩɣ-ɩ lɔŋ* yɔ,+Weyi ŋwɩlɩɣ-ɩ ña-paɣtʋ yɔ,+
13 Se ŋha-ɩ hɛzɩyɛ asɛyʋʋ alɩwaatʋ taa,Nɛ pɩkɔɔ pɩsɩɩnɩ alɩwaatʋ ndʋ pohuyi pɔʋ kañatʋ tʋ yɔ.+
14 Mbʋ pʋyɔɔ yɔ Yehowa ɛɛkaɣ yebu ɛ-samaɣ,+Nɛ ɛɛkaɣ lɔʋ ɛ-ñɩm.+
15 Mbʋ pʋyɔɔ yɔ tɔm hʋʋ kaɣ ɖaɣnʋʋ wɛʋ siɣsiɣ,Nɛ mba payɩ pa-laŋa wɛ siɣsiɣ yɔ pakaɣ-pʋ tɩŋʋʋ.
16 Akaɣ lʋbʋ mɔ-yɔɔ nɛ ɛkaɖɩnɩ kañatʋ tɩnaa?
Akaɣ tɩnʋʋ mɔ-yɔɔ nɛ ɖɩkaɖɩnɩ ɛyaa kɩdɛkɛdaa?
17 Ye Yehowa ɛtaakɛ man-sɩnɩyʋ yɔ,Ɛzʋnɔ maatɛm tɛŋɩlʋʋ.*+
18 Alɩwaatʋ ndʋ mɔntɔŋaɣ se: «Pituu-m» yɔ lɛ,Oo Yehowa, ñɔ-sɔɔlɩm siɣsiɣ ñɩmbʋ tiyebi-m sɩnʋʋ.+
19 Alɩwaatʋ ndʋ nɩɣzɛ kaakɩlɩ-m* yɔ,*Ŋŋhɛzɩ ma-laŋɩyɛ yɔɔɔ yɔɔɔ nɛ ŋyele nɛ mɔ-yɔɔ hɛɛ.*+
20 Ɛzɩ ña nɛ mulum kewiyaɣ kpelaɣ* ɩpɩzɩɣ nɛ ɩɖʋ taabalɩyɛŊgʋ katɩŋɩɣnɩ paɣtʋ yɔɔ nɛ kataŋ tamaɣ kɩdɛkɛdaɣ se kɔkɔnɩ kʋñɔmɩŋ na?*+
21 Pakʋyʋʋ ɛyʋ siɣsiɣ tʋ* yɔɔ sɩm yɔɔ sɩm yɔɔ+Nɛ pakʋʋ ɛyʋ weyi ɛtɩɖɔɔ wɛɛ yɔ ɛ-tɔm se ɛmʋnɩ sɩm.*+
22 Ɛlɛ Yehowa kaɣ kɛʋ man-ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ-m yɔ,Mɛ-Ɛsɔ kɛnɩ man-kaaʋ ŋgʋ kɩ-tɛɛ mɔncɔzʋʋ yɔ.+
23 Ɛkaɣ labʋ nɛ pa-lakasɩ kɩdɛkɛdɩsɩ pɩsɩnɩ pɔ-yɔɔ.+
Pa-maɣmaɣ pa-kɩdɛkɛdɩm lakasɩ ɛkaɣ pɔ-tɔm tɛmnʋʋ.*
Ðɛ-Ɛsɔ Yehowa kaɣ pɔ-tɔm tɛm.*+
Pɩ-tɛɛ tɔm
^ Piye piye, «ɛsɔ.»
^ Yaa «ŋhɔŋ ɛ-nɩŋgbaŋʋʋ.»
^ Yaa «Ɛzʋnɔ mɔ-nɔɔ kaatɛm suluu; Ɛzʋnɔ man-kalɩzaɣ kaatɛm tɛŋɩlʋʋ.»
^ Yaa «ma-nɩɣzɛ kaaɖɔwa.»
^ Yaa «Alɩwaatʋ ndʋ ma-lɩmaɣza taa kaasidaa nɛ pɩcɛzɩ-m yɔ.»
^ Yaa «Ña-laŋɩyɛ hɛzʋʋ kaayebina nɛ man-kalɩzaɣ yɔɔ hɛɛ.»
^ Yaa «mulum awiya; mulum tɔm hʋyaa.»
^ Yaa «Ŋgʋ kataŋ tamaɣ kɩdɛkɛdaɣ se kɔkɔnɩ kʋñɔmɩŋ paɣtʋ hɩɖɛ taa.»
^ Piye piye, «Nɛ weyi ɛtɩɖɔɔ wɛɛ yɔ, pɔtɔŋ se ɛ-calɩm ɖɔ wɛɛ.»
^ Yaa «ɛyʋ siɣsiɣ tʋ kalɩzaɣ.»
^ Yaa «mo-lone kʋkʋyɩyɛ.»
^ Piye piye, «pɔ-nɔsɩ sulunuu.»
^ Piye piye, «pɔ-nɔsɩ suluu.»
