Keɣa 84:1-12
Hendu teyaa ñʋʋdʋ; Gitiitɩ* yɔɔ. Kora+ pɩyalaa hendu.
84 Oo yoyaa tɛ Yehowa,Ña-kɩɖanɖʋʋ sɔsɔʋ ɖe* mbʋ suwe!+
2 Menselitiɣ Yehowa kadasɩ yɔɔ+Nɛ ma-laŋɩyɛ kpeekpe,*Ɛɛɛ, me-liu wɛ-sɩ siŋŋ nɛ piyele nɛ mon-ɖoŋ tɛŋ.
Ma-laŋɩyɛ nɛ mon-tomnaɣ makɩ taa leleŋ kubusi Ɛsɔ ɛsadʋ.
3 Halɩ sumaɣ maɣmaɣ hikiɣ ɖɩjaɣyɛ peeɖeNɛ canjaafuwa lakɩ ka-tɩ ɖandʋ peeɖe,Ðenɖe kɔcɔŋnɩ ke-piya yɔɔÑa-altaaru sɔsɔʋ cɔlɔ yɔ, Oo yoyaa tɛ Yehowa,Me-Wiyaʋ nɛ mɛ-Ɛsɔ!
4 Koboyaɣ tɩnaa kɛlɛ mba pɛwɛ ña-ɖɩɣa taa yɔ!+
Pasaŋɩ-ŋ kaahɛzaɣ.+ (Sɛɛla)
5 Koboyaɣ tɩnaa kɛlɛ mba pehikiɣ po-ɖoŋ ñɔ-cɔlɔ yɔ,+Mba pa-laŋa wɛ habɛɛ sɔsɔna yɔɔ yɔ.
6 Alɩwaatʋ ndʋ pɛtɛzɩɣ Baka Fɛɛʋ* yɔ,Papɩsɩɣ-kʋ hila lone;Nɛ kajalaɣ tɛʋ pɩyɩɣ kɩ-yɔɔ* wazasɩ.
7 Pakaɣ ɖɔm nɛ po-ɖoŋ kpaɣ kpaʋ yɔɔ;+Paa weyi ɛkɔŋ Ɛsɔ ɛsɩndaa Siyɔŋ.
8 Hayɩ yoyaa tɛ Ɛsɔ Yehowa, nɩɩ ma-adɩma;Welisi, Oo Yakɔɔb tɛ Ɛsɔ. (Sɛɛla)
9 Ða-kpayʋʋ+ nɛ ɖɛ-Ɛsɔ, cɔna,*Cɔnɩ ñɛ-tɛ patam num ɛsɩndaa.+
10 Mbʋ pʋyɔɔ yɔ kɩyakʋ kʋɖʋmʋʋ ña-kadasɩ taa kɩlɩ ɖeu kɩyakɩŋ 1000 paa lone lɛɛɖɛ nɖɩ lɛ ɖɩ-taa!+
Malɩzaa se mansɩŋɩɣ mɛ-Ɛsɔ ɖɩɣa nɔnɔɔ taa,Nɛ pɩkɩlɩ se mancaɣ kañatʋ kizinzikiŋ tɛɛ.
11 Mbʋ pʋyɔɔ yɔ Ɛsɔ Yehowa kɛnɩ ɖa-wɩsɩ+ nɛ ɖa-kpayʋʋ;+Ɛnaɣ pʋtɔdɩyɛ nɛ ɛhaɣ samtʋ.
Yehowa ɛɛkaɣ pɛm kɩbandʋ natʋyʋMba pɔɖɔŋ cɩŋgɩlɩm wɛtʋ taa yɔ.+
12 Oo yoyaa tɛ Yehowa,Koboyaɣ tʋ lɛ ɛyʋ weyi ɛtaɣ-ŋ liu yɔ.+
Pɩ-tɛɛ tɔm
^ Cɔnɩ Tɔm pee sɔsɔna tɔbʋʋ lɩzʋʋ.
^ Yaa «Mɔnsɔɔlɩ ña-kɩɖanɖʋʋ sɔsɔʋ siŋŋ.»
^ Yaa «Man-kalɩzaɣ selitiɣ Yehowa kadasɩ yɔɔ.»
^ Yaa «cɔka wena payaɣ se baka yɔ a-fɛɛʋ.»
^ Pɩpɩzɩɣ pɩkɛ, «Nɛ wɩlɩyʋ hu ɛ-yɔɔ.»
^ Pɩpɩzɩɣ pɩkɛ, «Cɔnɩ ɖa-kpayʋʋ, Oo Ɛsɔ.»
