Keɣa 80:1-19
Hendu teyaa ñʋʋdʋ; pɩwɛɛ se tɩmʋnɩ cɩmʋʋ ŋgʋ payaɣ se «Hɛtʋ» yɔ. Mbʋ pɩtɔzʋʋ ɛyaa nabʋyʋ yɔɔ yɔ. Azaafʋ+ hendu.
80 Oo Izrayɛɛlɩ ninɖiɣyu, welisi,Ña weyi ŋɖiyiɣ Yosɛɛfʋ ɛzɩ peɖiyuu heŋ ewiɖe yɔ.+
Ña weyi ŋcaɣ kewiyaɣ kpelaɣ yɔɔ kerebimwaa ñʋʋ yɔɔ* yɔ,+Ñandɩ.*
2 Fezi ño-ɖoŋ+Efrayim, Bɛnjamɛɛ nɛ Manaasee pɛ-ɛsɩndaa;Kɔɔ nɛ ŋya ɖa-ñʋʋ.+
3 Hayɩ Ɛsɔ, ɖaɣnɩ-ɖʋ pɩsɩnʋʋ;+Ñɛ-ɛsɩndaa ɛñandɩ ɖɔ-yɔɔ nɛ ɖɩpɩzɩ nɛ ɖihiɣ ñʋʋ yabʋ.+
4 Yoyaa tɛ Ɛsɔ Yehowa, ña-taa wɛɣ nɛ pɩwɩɣnɩ ña-samaɣ adɩma nɛ pɩkɔɔ nɛ pɩsɩɩnɩ ɖooye?+
5 Ŋcɛlɩ-kɛ ɛsɩtɛɣlɩm nɛ pɩkɛ kɔ-kpɔnɔ,Ŋlaba nɛ kɔñɔɔ ɛsɩtɛɣlɩm pɩfɛyɩ yɔɔdʋʋ.
6 Ŋyeki nɛ ɖɔ-cɔlɔ mba youni ɖama ɖɔ-yɔɔ;Ðo-koyindinaa iiyeki-ɖʋ hoŋuu ɛzɩ pɔsɔɔlʋʋ yɔ.+
7 Hayɩ yoyaa tɛ Ɛsɔ, ɖaɣnɩ-ɖʋ pɩsɩnʋʋ;Ñɛ-ɛsɩndaa ɛñandɩ ɖɔ-yɔɔ nɛ ɖɩpɩzɩ nɛ ɖihiɣ ñʋʋ yabʋ.+
8 Ŋlɩzɩ viiñi tɩʋ+ nakʋyʋ nɛ Ejipiti.
Ŋɖɔɔnɩ ajɛɛ nɛ ŋsɔ-kʋ.+
9 Ŋñɔɔzɩ-kʋ lone naɖɩyɛ,Kɩñɔ lila nɛ kihu ɛjaɖɛ taa.+
10 Ki-kuzotuu kaahuuzi pʋŋ yɔɔ,Nɛ ki-pilinzi kaahuuzi Ɛsɔ tɛ sɛɛdrɩ tɩŋ yɔɔ.
11 Ki-pilinzi kaatalɩ ɖooo teŋgu,Nɛ kɩ-ayaza talɩ ɖooo Pɔɔ.*+
12 Ɛbɛ yɔɔ ŋyɔkɩ pɛɛ kolonzi nzɩ pɔcɔzɩnɩ viiñi hayɩm yɔ,+Nɛ piyele nɛ mba payɩ pɛɖɛɣ yɔ pokoyuu viiñi pee?+
13 Tɛyɛ afanaa wɛɛkɩɣ-pʋ,Nɛ pɩpɩsɩ tɛtɛgbɩna tɔɔnaɣ.+
14 Hayɩ yoyaa tɛ Ɛsɔ, ɖitendi-ŋ pɩsɩ ŋkɔɔ.
Tisi ñɛ-ɛsa nɛ ɛsɔdaa nɛ ŋcɔna!
Cɔnɩ viiñi tɩʋ kʋnɛ kɩ-yɔɔ,+
15 Tɩʋ* ŋgʋ ñe-nesi kɩbanzɩ sɔwa yɔ,+Nɛ ŋcɔnɩ pɩɣa* ŋga ŋkpazɩ-kɛ ɖoŋ se ña-hɩɖɛ ɛsɛɛ yɔ.+
16 Pañaɣzɩ-kʋ miŋ,+ pɛsɛtɩ-kʋ.
Ŋkalɩ-wɛ* lɛ, pɛtɛŋɩlɩ.
17 Ñe-nesi ɛsɩnɩ ɛyʋ weyi ɛwɛ ñe-nesi kɩbanzɩ yɔɔ yɔ,Sɩsɩnɩ ɛyʋ pɩyalʋ weyi ŋkpazɩ-ɩ ɖoŋ se ña-hɩɖɛ ɛsɛɛ yɔ.+
18 Ðɩnɛ ɛlɛ, ɖɩɩkaɣ-ŋ haʋ siɣye.
Yele nɛ ɖɩwɛɛ wezuu nɛ ɖɩpɩzɩ nɛ ɖɩyaa ña-hɩɖɛ.
19 Hayɩ yoyaa tɛ Ɛsɔ Yehowa, ɖaɣnɩ-ɖʋ pɩsɩnʋʋ;Ñɛ-ɛsɩndaa ɛñandɩ ɖɔ-yɔɔ nɛ ɖɩpɩzɩ nɛ ɖihiɣ ñʋʋ yabʋ.+
Pɩ-tɛɛ tɔm
^ Pɩpɩzɩɣ pɩkɛ, «hɛkʋ taa.»
^ Yaa «Wɩlɩ ña-ñɩlɩsʋʋ.»
^ Pʋ-tɔbʋʋ se Efraatɩ.
^ Yaa «Viiñi tɩʋ hɔɔyɛ.»
^ Yaa «piliŋa.»
^ Piye piye, «Ñɛ-ɛsɩndaa kalɩ-wɛ.»
