Keɣa 73:1-28
Azaafʋ+ hendu.
73 Toovenim taa lɛ, Ɛsɔ lakɩ Izrayɛɛlɩ camɩyɛ lakasɩ,Ɛlakɩ camɩyɛ lakasɩ mba pa-laŋa wɛ kele kele yɔ.+
2 Ɛlɛ ma lɛ, pɩɩkazɩ pazɩ, ma-nɩŋgbanzɩ lekaɣ nʋmɔʋ;Pɩɩkazɩ ññɩɩ yem se pituu ma-nɩŋgbanzɩ.+
3 Mbʋ pʋyɔɔ yɔ manɖʋwaɣ ɛsɩyɛ tɩ kpazɩyaa yɔɔ*Alɩwaatʋ ndʋ manaɣaɣ kañatʋ tɩnaa laŋhɛzɩyɛ yɔ.+
4 Mbʋ pʋyɔɔ yɔ pasɩkɩ paanɩɣ wɩzasɩ nasɩyɩ;Po-tomnasɩ wɛ alaafɩya.*+
5 Paanɩɣzɩɣ ɛzɩ ɛyaa lalaa yɔ,+Nɛ paalakɩ kʋñɔŋ ɖɔɖɔ ɛzɩ ɛyaa lalaa yɔ.+
6 Pʋyɔɔ tɩ kpazʋʋ kɛnɩ pa-lɩyʋʋ;+Puuyaɣ lakasɩ huuzuu pɔ-yɔɔ ɛzɩ toko yɔ.
7 Piɖeni-wɛ ɖenuu mbʋ yɔ, piyeba* nɛ pɛ-ɛsa tʋndɩ;Mbʋ pɛwɛna yɔ, pɩcɛzɩ mbʋ pɩ-yɔɔ pa-laŋa pɩzɩɣ nɛ amaɣzɩ yɔ.
8 Pohoŋuu lalaa nɛ pɔyɔɔdʋʋ tɔm kɩdɛkɛdɩtʋ.+
Pɛkpɛzɩɣ ɛyaa nɛ tɩ kpazʋʋ se mba nazɩɣ-wɛ.+
9 Pɔyɔɔdʋʋ ɛzɩ pa nɛ ɛsɔdaa pa-kʋkʋyɩŋ wɛ kɩmaŋ yɔ,Nɛ pa-nzʋlʋma yɛlɩɣ tɛtʋ kpeekpe yɔɔ nɛ agʋnda.
10 Pʋyɔɔ ɛ-samaɣ pɩsɩnɩ pɔ-yɔɔ,Nɛ kɔñɔʋ pa-lɩm mbʋ pɩɖɔ siŋŋ yɔ.
11 Pɔyɔɔdʋʋ se: «Ɛsɔ lakɩ ɛzɩma nɛ ɛtɩlɩ?+
Kɩlɩm sɩm mbʋ pɩlakɩ yɔ toovenim taa?»
12 Ɛɛɛ, mbʋ kañatʋ tɩnaa wɛɛ, pɛwɛ hɛzɩyɛ taa paa ɛzɩmtaa.+
Paayeki kpazʋʋ pa-ñɩm huwa.+
13 Toovenim taa lɛ, falaa mɔnɖɔkɩ ma-laŋɩyɛ kele kele,Nɛ falaa mansaŋ me-nesi se pɩwɩlɩ se mantɩɖɔɔ wɛɛ.+
14 Manɩɣzaɣ evemiye kpeekpe;+Pɔhɔŋaɣ ma-nɩŋgbaaŋ paa tanaŋ ŋgʋ lɛ kɩ-tɛɛ.+
15 Ɛlɛ ye maayɔɔdɩ tɔm ndʋ yɔ,Pɩɩlaba se malɩ ña-samaɣ* wayɩ.
16 Mañakaɣ pana se manɩɩ pɩ-taa lɛ,Pɩcɛyaɣ-m siŋŋ
17 Nɛ pɩkɔɔ pɩsɩɩnɩ alɩwaatʋ ndʋ mansʋ Ɛsɔ kooka kiɖeɖeɣa sɔsɔɔ taaNɛ menɖiɣzini mbʋ pɩtɛŋnɩ-wɛ cee wayɩ yɔ.
18 Toovenim taa lɛ, ŋsɩ-wɛ tɛtʋ ndʋ tituu yɔ tɩ-yɔɔ.+
Ŋlakɩ nɛ pɔtɔlɩ nɛ pɛtɛŋɩlɩ.+
19 Paɖɩzɩ-wɛ tuda mbʋ suwe!+
Pɔ-tɔm kaɣ tɛm tuda nɛ pɩla sɔɔndʋ kpem!
20 Ɛzɩ ɛyʋ feŋuu nɛ ɛsɔʋ e-ɖoziye yɔɔ yɔ, Oo Yehowa,Alɩwaatʋ ndʋ ŋkʋyʋʋ yɔ, ŋkaɣ-wɛ lɔʋ.*
21 Ɛlɛ ma-laŋɩyɛ taa kaawɛ ñɩmɩŋ,+Nɛ manɩɣaɣ wɩzasɩ siŋŋ ɖooo man-taa kiŋ.*
22 Maakɛ kɩmɛlɛŋ nɛ mantaawɛɛnɩ lɛɣtʋ;Maawɛ ɛzɩ kpɩnɛ nɖɩ ɖɩɩsɩŋ lɔŋ yɔ ñɛ-ɛsɩndaa.
23 Ɛlɛ lɛɛlɛɛyɔ, mɛwɛ ñɔ-cɔlɔ tam;Ŋɖɔkɩ me-nesi kɩbanzɩ kpam.+
24 Ŋɖiyiɣ-m nɛ ñɔ-lɔŋ tasʋʋ,+Nɛ pʋwayɩ lɛ, ŋkaɣ-m wonuu samtʋ taa.+
25 Anɩ mɛwɛnɩ ɛsɔdaa?
Me-liu fɛyɩ nabʋyʋ tɛtʋ yɔɔ nɛ pɩtasɩnɩ-ŋ.+
26 Pɩpɩzɩɣ nɛ pɩnɩɩ mon-tomnaɣ nɛ ma-laŋɩyɛ,Ɛlɛ Ɛsɔ kɛnɩ ma-laŋɩyɛ kaaʋ nɛ men-ɖeɖe tam.+
27 Toovenim taa lɛ, mba poposuuni-ŋ yɔ pakaɣ tɛŋɩlʋʋ.
Mba payɩ pɛfɛyɩ siɣsiɣ* nɛ pahaɣ-ŋ siɣye yɔ, ŋkaɣ-wɛ ɖɩzʋʋ.*+
28 Ɛlɛ ma lɛ, pɩwɛ-m ɖeu se mɔñɔtɩnɩ Ɛsɔ.+
Manpɩsɩ Kɩbaɣlʋ Kɩlɩm Yehowa man-ɖɩjɔzɩyɛ,Se monsusi ña-tʋma kpeekpe.+
Pɩ-tɛɛ tɔm
^ Yaa «mba pakʋndʋʋ yɔ pɔ-yɔɔ.»
^ Yaa «Po-lotu ɖʋ num.»
^ Piye piye, «Po-num yeba.»
^ Piye piye, «ña-pɩyalaa kpaɖʋʋ.»
^ Piye piye, «ŋkaɣ nim pa-kɩlɛmɩŋ.»
^ Piye piye, «man-kataŋgayɩsɩ taa.»
^ Yaa «Mba payɩ palakɩ ɛzɩ acɛyɛ laɖaa.»
^ Piye piye, «ŋkaɣ suluu pɔ-nɔsɩ.»
