Keɣa 66:1-20
Hendu teyaa ñʋʋdʋ. Hendu. Keɣa.
66 Mɩ tɛtʋ kpeekpe yɔɔ mba, ikoo wabɩtʋ kogoye nɛ ɩsamnɩ Ɛsɔ.+
2 Itee samtʋ hendu* ɛ-hɩɖɛ sɔsɔɖɛ.
Ɩla nɛ ɛ-samtʋ paɣlɩ.+
3 Iheyi Ɛsɔ se: «Ña-tʋma caɣ sɔɔndʋ mbʋ suwe!+
Ño-ɖoŋ sɔsɔŋ yɔɔ lɛ,Ño-koyindinaa kaɣ seluu nɛ poluzi pa-tɩ ñɛ-ɛsɩndaa.+
4 Tɛtʋ kpeekpe yɔɔ mba kaɣ luŋuu ñɛ-tɛɛ;+Pakaɣ-ŋ teu samtʋ hendu;Pakaɣ teu samtʋ hendu ña-hɩɖɛ.»+ (Sɛɛla)
5 Ɩkɔɔ nɛ ɩna Ɛsɔ tʋma.
Mbʋ ɛlakɩ ɛyaa pɩyalaa yɔ pɩcaɣ sɔɔndʋ.+
6 Ɛlaba nɛ teŋgu pɩsɩ tɛtʋ ndʋ tɩwɩlɩ waɣwaɣ yɔ;+Pɔɖɔm kɩɖɔm nɛ pɛtɛzɩ pɔɔ.+
Ɛ-yɔɔ lɛ, ɖɩɩnɩ leleŋ peeɖe.+
7 E-ɖoŋ ɛtɔkɩnɩ kewiyitu tam.+
Ɛ-ɛsa wɛ ajɛɛ yɔɔ.+
Pɩfɛyɩ se ñʋʋ taa ɖoŋ tɩnaa ɩkpazɩ pa-tɩ.+ (Sɛɛla)
8 Mɩ ajɛɛ, ɩsa ɖɛ-Ɛsɔ,+Nɛ iyele nɛ panɩɩ ɛ-samtʋ taŋ.
9 Ɛɖɔkɩ ɖe-wezuu;*+Eeyeki se pituuli-ɖʋ.*+
10 Mbʋ pʋyɔɔ yɔ, Oo Ɛsɔ, ŋwili-ɖʋ;+
Ŋkelisi-ɖʋ ɛzɩ pekelisuu liidiye ñɩɣtʋ yɔ.
11 Ŋsʋzɩ-ɖʋ piyuu taa;Ŋtɩnɩ ɖɔ-yɔɔ* sʋʋtʋ sɔsɔtʋ natʋyʋ.
12 Ŋyeba nɛ ɛyaa fɛyɩ ɖɔ-yɔɔ;*Ðɩtɩŋnɩ miŋ nɛ lɩm taa;Pʋwayɩ lɛ, ŋwoni-ɖʋ hɛzɩyɛ taa.
13 Mankaɣ sʋʋ ña-ɖɩɣa taa nɛ kɩlaŋ kɩñaɣzɩŋ;+
Mankaɣ ɖɔm ɖuutu ndʋ malabɩ-ŋ yɔ tɩ-yɔɔ,+
14 Ðuutu ndʋ mo-ndomee ɖuwaa+Nɛ mɔ-nɔɔ yɔɔdɩ tɩ-tɔm alɩwaatʋ ndʋ maawɛ kʋñɔŋ taa yɔ.
15 Mankaɣ kpaɣʋ kpɩna wena awɛ num yɔ nɛ malaanɩ-ŋ kɩlaŋ kɩñaɣzɩŋPɩkpɛndɩnɩ ɛyaŋ weyi palawa yɔ ɩ-ñɔsɩ.
Mankaɣ laʋ naŋ abalɩñɩŋ nɛ tuliŋ. (Sɛɛla)
16 Mɩ mba payɩ iseɣ Ɛsɔ sɔɔndʋ yɔ, ɩkɔɔ nɛ iwelisi,Mankaɣ-mɩ heyuu mbʋ ɛlabɩ-m* yɔ.+
17 Maya-ɩ nɛ mɔ-nɔɔNɛ mansamɩ-ɩ nɛ ma-nzʋlʋmɩyɛ.
18 Ye maamaɣzaɣ kañatʋ tɔm natʋyʋ yɔɔ ma-laŋɩyɛ taa yɔ,Yehowa taawelisini-m.+
19 Ɛlɛ Ɛsɔ welisini-m;+Ekemsi ma-adɩma.+
20 Pasa Ɛsɔ, ɛnʋ weyi ɛtɩlɔ ma-adɩmaNɛ etikizi-m wɩlʋʋ ɛ-sɔɔlɩm siɣsiɣ ñɩmbʋ yɔ.
Pɩ-tɛɛ tɔm
^ Yaa «Ɩma minziiki.»
^ Yaa «ɖa-kalɩzaɣ.»
^ Yaa «pɩcɛŋɛsɩ-ɖʋ.»
^ Piye piye, «ɖa-tɩnzɩ yɔɔ.»
^ Piye piye, «ɛyaa caɣ kpaŋnaŋ yɔɔ nɛ patɩŋ ɖa-ñʋŋ yɔɔ.»
^ Yaa «ɛlabɩ man-kalɩzaɣ.»
