Kɔrɛntɩ mba takayaɣ naalɛ ñɩŋga 3:1-18
3 Ðɩɖaɣnɩɣ paɣzʋʋ ɖa-tɩ sam yaa we? Yaa ɛzɩ ɛyaa nabɛyɛ yɔ, pɩcɛyaa se ɖɩcɛlɩ-mɩ samtʋ takayɩsɩ yaa ɖɩmʋ-sɩ mɩ-cɔlɔ?
2 Mɩ-maɣmaɣ ɩkɛ ɖa-takayaɣ,+ ŋga pama-kɛ ɖa-laŋa yɔɔ nɛ ɛyaa tɩŋa sɩm-kɛ nɛ pakalɩɣ-kɛ yɔ.
3 Mbʋ pʋyɔɔ yɔ ɩwɩlaa se ɩkɛ Krɩstʋ takayaɣ ŋga ɖa lɩmɖʋyaa+ ɖɩmawa yɔ, nɛ patɩma-kɛ nɛ tɔlɩm, ɛlɛ pama-kɛ nɛ Ɛsɔ ɛsadʋ fezuu; nɛ patɩma-kɛ pɛɛ pɩtaahalanzɩ yɔɔ+ ɛlɛ tomnaɣ pɩtaahalanzɩ yɔɔ, laŋa yɔɔ.+
4 Ðɩwɛnɩ lidaʋ ŋgʋ Ɛsɔ yɔɔ pɩtɩŋnɩ Krɩstʋ yɔɔ.
5 Pɩtɩkɛ se ɖa-maɣmaɣ ɖɩmʋnɩ camɩyɛ se ɖɩmaɣzɩ se nabʋyʋ lɩɣnɩ ɖɔ-cɔlɔ, ɛlɛ Ɛsɔ yekina se ɖɩmʋnɩ camɩyɛ,+
6 ɛnʋ weyi eyeba se toovenim taa lɛ, ɖɩmʋnɩ camɩyɛ nɛ ɖɩkɛ ɛgbɛyɛ kɩfaɖɛ naɖɩyɛ lɩmɖʋyaa yɔ,+ pɩtɩkɛnɩ paɣtʋ ndʋ pamawa yɔ+ tɩ-lɩmɖʋyaa, ɛlɛ fezuu lɩmɖʋyaa; mbʋ pʋyɔɔ yɔ paɣtʋ ndʋ pamawa yɔ tɩkʋʋ ɛyʋ tɔm se ɛmʋnɩ sɩm,+ ɛlɛ fezuu haɣ wezuu.+
7 Lɛɛlɛɛyɔ, ye paɣtʋ ndʋ tɩkɔŋnɩ sɩm nɛ pama-tʋ pɛɛ yɔɔ yɔ,+ tɩkɔmnɩ samtʋ sɔsɔtʋ nɛ Izrayɛɛlɩ piya taapɩzɩɣ se sɩcɔnɩ Moyizi ɛsɩndaa, samtʋ ndʋ tɩɩwɛ ɛ-ɛsɩndaa yɔ tɩ-yɔɔ,+ samtʋ ndʋ tɩkɔŋ mʋʋʋ yɔ,
8 tʋmɩyɛ nɖɩ fezuu ñalakɩ yɔ,+ ɖɩɩwɛɣnɩ samtʋ sɔsɔtʋ nɛ pɩkɩlɩ yaa we?+
9 Mbʋ pʋyɔɔ yɔ, ye paɣtʋ ndʋ tɩkʋʋ ɛyʋ tɔm yɔ+, tɩɩwɛnɩ samtʋ yɔ,+ tʋmɩyɛ nɖɩ ɖiyeki se ɛyaa ɩwɛɛ siɣsiɣ yɔ ɖɩwɛɣnɩ samtʋ siŋŋ nɛ pɩkɩlɩ!+
10 Toovenim taa lɛ, halɩ mbʋ pɩɩwɛnɩ samtʋ ɖooo lɔŋ yɔ pilesi samtʋ, samtʋ ndʋ tɩkɩlɩ-tʋ yɔ tɩ-yɔɔ.+
11 Mbʋ pʋyɔɔ yɔ, ye mbʋ pɩɩwɛɛ se pɩmʋʋ yɔ pɔkɔnɩ-pʋ nɛ samtʋ yɔ,+ mbʋ pɩwɛɣ yɔ pɩ-samtʋ kaɣ paɣlʋʋ nɛ pɩkɩlɩ!+
12 Ðɩwɛnɩ lidaʋ ŋgʋ,+ pʋyɔɔ lɛ ɖɩyɔɔdʋʋ kaalɛyɩtʋ siŋŋ;
13 nɛ ɖɩɩlakɩ mbʋ Moyizi laba alɩwaatʋ ndʋ eehuuzi kɛdɛɛka ɛ-ɛsɩndaa+ se pɩsa nɛ Izrayɛɛlɩ piya ɩtaacɔnɩ cuɖuɖu mbʋ pɩkaɣ mʋʋʋ yɔ pɩ-tɩnaɣ yɔɔ yɔ.
14 Ɛlɛ pa-maɣzɩm kaawɛ kpɩzɩŋ.+ Mbʋ pʋyɔɔ yɔ, pɩkɔm nɛ pɩtalɩnɩ sɔnɔ kɩyakʋ kʋnɛ yɔ, alɩwaatʋ ndʋ pakalɩɣ ɛgbɛyɛ kɩbɩnɖɛ yɔ, kɛdɛɛka kʋɖʋmaɣ ŋga kohuuzi mbʋ,+ mbʋ pʋyɔɔ yɔ Krɩstʋ ɖeke yɔɔ pɩtɩŋɩɣna nɛ kokuli.+
15 Toovenim taa lɛ, pɩkɔm nɛ pɩtalɩnɩ sɔnɔ yɔ, alɩwaatʋ ndʋ pakalɩɣ tɔm ndʋ Moyizi mawa yɔ,+ kɛdɛɛka nakɛyɛ huuzuu pa-laŋa yɔɔ.+
16 Ɛlɛ alɩwaatʋ ndʋ nɔɔyʋ pɩsɩɣnɩ Yehowa* yɔɔ yɔ, kɛdɛɛka ŋga kokuluu.+
17 Yehowa* kɛ Fezuu,+ nɛ ɖenɖe Yehowa* fezuu wɛɛ yɔ, tɩ-yɔɔ wɛʋ wɛ peeɖe.+
18 Nɛ ɖa-tɩŋa lɛ, alɩwaatʋ ndʋ kɛdɛɛka kuli ɖɛ-ɛsɩndaa nɛ ɖɩmaɣzɩɣnɩ Yehowa* samtʋ ɛzɩ ñɩnɩŋ yɔ, ɖɩlɛɣzaa nɛ ɖɩpɩsɩ kɩlɛmʋʋ kʋɖʋmʋʋ ŋgʋ, kpaɣnɩ samtʋ nɛ piwolo samtʋ, ɛzɩ Yehowa* weyi ɛkɛ Fezuu yɔ ɛlabʋ* ɖeyi ɖeyi yɔ.+
Pɩ-tɛɛ tɔm
^ Cɔnɩ Tɔm kɩsɔzɩtʋ A5.
^ Cɔnɩ Tɔm kɩsɔzɩtʋ A5.
^ Cɔnɩ Tɔm kɩsɔzɩtʋ A5.
^ Cɔnɩ Tɔm kɩsɔzɩtʋ A5.
^ Cɔnɩ Tɔm kɩsɔzɩtʋ A5.
^ Pɩpɩzɩɣ pɩkɛ, «ɛzɩ Yehowa fezuu labʋ.»
