Kɔrɛntɩ mba takayaɣ naalɛ ñɩŋga 13:1-14
13 Nabudozo ɖeɖe yɔ mɔnkɔŋʋʋ mɩ-cɔlɔ yɔ. «Paa tɔm ndʋ lɛ, aseɣɖe tɩnaa 2 yaa 3 aseɣɖe lɩzʋʋ* yɔɔ pɩwɛɛ se patɩŋna nɛ pana se tɩkɛ toovenim yaa we.»+
2 Paa mɛnfɛyɩ mɩ-cɔlɔ lɛɛlɛɛyɔ yɔ, pɩwɛ ɛzɩ mɛwɛ mɩ-cɔlɔ nabʋlɛ ɖeɖe yɔ; nɛ mɛlɛyɩɣ paɣʋ mba paalabɩ kɩwɛɛkɩm nɛ mba pa-tɩŋa pɩkazaa yɔ, se ye pɩlaba se manɖaɣnɩ kɔm yɔ, maakaɣ-wɛ fɛʋ;
3 mbʋ pʋyɔɔ yɔ ɩñɩnɩɣ mbʋ pɩwɩlɩɣ se toovenim taa lɛ, Krɩstʋ tɩŋɩɣnɩ mɔ-yɔɔ nɛ ɛyɔɔdʋʋ yɔ, ɛnʋ weyi ɛtɩkɛ ɛjam mɩ-hɔɔlʋʋ taa ɛlɛ ɛwɛ ɖoŋ mɩ-hɛkʋ taa yɔ.
4 Mbʋ pʋyɔɔ yɔ toovenim taa lɛ, pakamɩ-ɩ sizika yɔɔ ɛjandʋ yɔɔ, ɛlɛ ɛwɛ wezuu Ɛsɔ ɖoŋ taa.+ Toovenim, ɖa ɖɔɖɔ ɖɩkɛ ajamaa ɛzɩ ɛɛkɛʋ yɔ, ɛlɛ ɖa nɛ ɩ ɖɩkaɣ wɛʋ wezuu+ Ɛsɔ ɖoŋ taa mɩ-yɔɔ.+
5 Ɩwɛɛ nɛ ɩtakɩɣ mɩ-tɩ nɛ ɩna se ɩwɛ tisuu taa; ɩwɛɛ nɛ iwiliɣ mɩ-tɩ nɛ ɩna mbʋ ɩkɛwa yɔ.+ Yaa itiɖiɣzina se mɩ nɛ Yesu Krɩstʋ ɩwɛ nɔɔ kʋɖʋmaɣ na? Ye pakpaɣ-mɩ se mɩ-tɔm tɩkɛdɩnɩ Ɛsɔ yɔ, kalɩpiyeke.
6 Mantaɣ liu toovenim taa se ɩkaɣ ɖiɣzinuu se ɖɩtɩkɛ mba pɔ-tɔm tɩkɛdɩnɩ Ɛsɔ yɔ.
7 Lɛɛlɛɛyɔ lɛ, ɖɩtɩmɩɣnɩ Ɛsɔ se ɩtaala kɩdɛkɛdɩm nabʋyʋ. Pɩtɩkɛ se ɖɩñɩnɩɣ se pɔcɔnɩ-ɖʋ se ɖɔ-tɔm kɛdɩnɩ Ɛsɔ, ɛlɛ ɖɩñɩnɩɣ se ɩpɩzɩ nɛ ɩla mbʋ pɩwɛ ɖeu yɔ, paa pɔcɔŋnɩ-ɖʋ se ɖɔ-tɔm tɩkɛdɩnɩ Ɛsɔ yɔ.
8 Mbʋ pʋyɔɔ yɔ ɖɩɩpɩzɩɣ nɛ ɖɩla nabʋyʋ nɛ ɖɩkaɖɩnɩ toovenim, ɛlɛ mbʋ pɩwazɩɣ toovenim yɔ pi-ɖeke ɖɩlakɩ.
9 Pɩtʋʋ fɛyɩ se ɖa-taa lakɩ leleŋ alɩwaatʋ ndʋ ɖɩkɛ ajamaa ɛlɛ mɩ lɛ ɩkɛ ɖoŋ tɩnaa yɔ. Nɛ mbʋ pɩ-yɔɔ ɖɩtɩmɩɣ yɔ lɛ se pɔñɔɔzʋʋ-mɩ.
10 Pʋyɔɔ mamaɣ-mɩ tɔm tʋnɛ alɩwaatʋ ndʋ mɛnfɛyɩ mɩ-cɔlɔ yɔ, se pɩsa nɛ alɩwaatʋ ndʋ mɛwɛɣ mɩ-cɔlɔ yɔ, mantaalabɩnɩ tʋmɩyɛ ɖoŋ weyi Kɩbaɣlʋ ha-m yɔ se mawɩlɩnɩ-mɩ ñaŋ;+ ɛha-m ɖoŋ se mama kɩmaʋ nɛ mantaayɔkɩ kɩyɔkʋ.
11 Kɛdɛzaɣ lɛ, koobiya, ɩwɛɛ taa leleŋ taa, iyele nɛ pɛwɛɛ-mɩ ñɔɔzʋʋ yɔɔ, pɛwɛɛ mɩ-laŋa hɛzʋʋ yɔɔ;+ ɩwɛɛnɩ maɣzɩm kʋɖʋmʋm,+ ɩcaɣ wezuu laŋhɛzɩyɛ taa;+ nɛ sɔɔlɩm nɛ laŋhɛzɩyɛ tɛ Ɛsɔ+ kaɣ wɛʋ mɩ-cɔlɔ.
12 Ɩsɛɛ ɖama nɛ sɔɔlɩm.*
13 Ɛyaa kiɖeɖema tɩŋa tiyiɣni-mɩ pɛ-sɛtʋ.
14 Kɩbaɣlʋ Yesu Krɩstʋ lootiye nɛ Ɛsɔ sɔɔlɩm nɛ fezuu kiɖeɖeu ŋgʋ ɖɩkawa yɔ, pɛwɛɛ mɩ-tɩŋa mɩ-cɔlɔ.
Pɩ-tɛɛ tɔm
^ Piye piye, «aseɣɖe tɩnaa 2 yaa 3 nɔɔ.»
^ Piye piye, «Ɩsɛɛ ɖama nɛ lɩkpaɣzaɣ yɔɔ mʋzʋʋ mbʋ pɩwɛ kele kele yɔ.»
