16-НЭ УРОКЫР
ЦІыхухэр зыгъэгушхуэм икІи ягу хэзыгъахъуэм тепсэлъыхь
Иов 16:5
ПЩІЭН ХУЕЙР: Нэхъыбэу узытепсэлъыхьын хуейр гугъуехьыракъым, атІэ абы и хэкІыпІэращ; цІыхухэм я гур хэзыгъахъуэм тепсэлъыхь.
АР ЗЭРЫПЩІ ХЪУНЫР:
-
КъодаІуэхэм теухуауэ еплъыкІэ тэмэм зигъэІэ. Ди къуэш, ди шыпхъухэм Иеговэ фІыуэ зэралъагъум шэч лъэпкъ къытомыхьэ. КъодаІуэхэм чэнджэщ гуэр ептыну ухуеймэ, абы ипэ Іэмал зэриІэкІэ ящытхъу.
-
Узымыгъэгушхуэ Іуэхугъуэхэм нэхъ мащІэу тепсэлъыхь. Іей гуэрым утепсэлъыхьын хуей хъумэ, нэхъыбэу узытепсэлъыхьын хуейр езы Іуэхугъуэракъым, атІэ ар къыщІэпхьым и щхьэусыгъуэмрэ абы хэкІыпІэ иІэмрэщ. Уи псалъэм гур хигъахъуэу щытын хуейщ.
-
Библиер къэбгъэсэбэпурэ, къодаІуэхэр гъэгушхуэ. Иеговэ цІыхубэм къытхуищІам, иджыпсту къытхуищІэм, къэкІуэну зэманым къытхуищІэнум гу лъегъатэ. КъодаІуэхэм я гур хэгъахъуэ.
