10-НЭ УРОКЫР
Уи макъым зегъэхъуэж
Притчи 8:4, 7
ПЩІЭН ХУЕЙР: Гупсысэхэр къодаІуэхэм гурыІуэгъуэу ябгъэдэплъхьэн икІи я гум унэсын щхьэкІэ уи макъыр хъуэж.
АР ЗЭРЫПЩІ ХЪУНЫР:
-
Уи макъым и инагъыр хъуэж. Гупсысэ нэхъыщхьэхэр къыщыхэбгъэщын е къодаІуэхэр зы Іуэхугъуэ гуэрым щыхуэбгъэушын хуейм деж нэхъ ину псалъэ. Библием зи гугъу ищІ хьэкумхэм укъыщеджэм деж а Іэмалыр къэбгъэсэбэп хъунущ.Уи макъыр ешэх, жыпІэнур къодаІуэхэм гъэщІэгъуэн ящыпщІын щхьэкІэ, е шынэр е гузэвэныр бгъэлъэгъуэн щхьэкІэ.
-
Узэрыпсалъэм и псынщІагъыр хъуэж. ГуфІэгъуэ гуэрым ущытепсэлъыхьым деж нэхъ жыджэру псалъэ. Мыхьэнэшхуэ зиІэ Іуэхухэм ущытепсэлъыхьым деж нэхъ хуэму псалъэ.
