Mũtanambĩĩa kwĩmanyĩsya

1. 1. Ĩyũmbanyʼe nesa. Ũyĩka ũu, sũanĩa mavata ma mũmanyĩwʼa, maũndũ ala mamũkwatĩte, na kĩla ũĩkĩĩaa. Tata kũsũanĩa nĩ maũndũ meva ũkwĩwʼa me vinya kũelewa kana kũtũmĩa. Vindĩĩsya ũndũ ũvoo ũla wĩ ungu wa “Maũndũ Angĩ ma Kwĩmanyĩsya” ũtonya kũmũtetheesya, na ũyĩthĩwa wĩyũmbanĩtye kũũtũmĩa kwosana na mavata make.

Yĩla mũkwĩmanyĩsya

1. 2. Mũmanyĩwʼa eetĩkĩla, ambĩĩa na ũimina na mboya.

2. 3. Ĩthĩwa wĩ metho ndũkaneene mũno. Neeneai mũno mũno kĩla kĩ ĩsomonĩ, na ũieka eyĩelesye.

3. 4. Mũyambĩĩa kĩlungu kyeũ soma sendenzi ĩla yonanĩtye kĩla kĩneenewe, na ũiweta syongo sya masomo amwe mũũneenea.

4. 5. Mũiminĩĩa kĩlungu kĩna, tũmĩa makũlyo ma kũsyokeleela ũmũtetheesye alilikane ũwʼo ũla wĩmanyĩĩtye.

5.  6. Mũyĩmanyĩsya kĩla ĩsomo:

   1. Somai tũlungu.

   2. Somai maandĩko onthe ala maandĩkĩtwe “Soma.”

   3. Somai maandĩko ala angĩ monanĩtwʼe ethĩwa ve vata.

   4. Ĩloelei vitio syonthe ila iandĩkĩtwe “Thaũka” (ethĩwa no ũikwate).

   5. Kũlya mũmanyĩwʼa makũlyo onthe.

   6. Kũlya mũmanyĩwʼa asisye visa ila syĩ ungu wa “Ĩmanyĩsye Mũnango,” na ũimwĩa aelesye kĩla ũkwona vo.

   7. Tũmĩa kasandũkũ “Ũndũ wa Kwĩka” ũtetheesye mũmanyĩwʼa amanye maendeeo ala wĩkĩte. No ũmwĩkĩe vinya aatĩĩe ũndũ wa kwĩka ũla ũwetetwe ĩsomonĩ, evangĩĩe ũndũ ũngĩ wa kwĩka, kana eke maũndũ asu elĩ.

   8. Mũkũlye ethĩwa ayĩyũmbanyʼa ve ũvoo mũna ũnatanĩie kũsoma kana vitio ũnatanĩie kwĩloela ungu wa “Maũndũ Angĩ ma Kwĩmanyĩsya.”

   9. Yĩla mwavanga kwĩmanyĩsya, tatai mũmine ĩsomo yonthe.

Ĩtina wa kwĩmanyĩsya

1. 7. Endeea kũsũanĩa ĩũlũ wa mũmanyĩwʼa waku. Mũvoye Yeova aathime maendeeo ala wĩkĩte na aikũnenga ũĩ wa kwona ũndũ ũtonya kũmũtetheesya.