ĨKŨLYO YA 3
Ndonya Ata Kũea Ngewa na Asyai Makwa Tũkew’ana?
WE ŨTONYA KWĨKA ATA?
Kwasũanĩa ngelekany’o ĩno: Nĩ Wakatatũ wĩoo, na Geoff, ũla wĩ na myaka 17, nĩwamina wĩa wake, nayu eenda kũthyũmũa! Ayĩkala kĩvĩlanĩ nĩ kana eloele televiseni.
O aendeee kwĩloela televiseni, ĩthe wake ailika na aithata nũndũ eethĩa mwanae ayĩloela televiseni.
Aimũkũlya Geoff atĩĩ: “Nĩkĩ ũkwananga saa ũyĩloela televiseni na nĩwĩsĩ waĩle kwĩthĩwa ũitetheesya mũinau wĩa wa sukulu? We ndwĩw’aa nthĩ!”
Nake Geoff ainyungunyĩsya na ayasya atĩĩ: “Yu nĩwambĩĩa ĩngĩ!”
Ĩthe aithengeea vakuvĩ na aimũkũlya atĩĩ: “Aĩ wasya ata?”
Nake Geoff aisũngĩa ang’ulĩtye: “Vai ũndũ nĩnasya Tata.”
Ĩthe wake athatĩte ayasya: “Ndũkambĩle kũneena nakwa ũngandĩe.”
Keka nue Geoff wĩthĩwa weeka ata nĩ kana ndũkasũngĩlane na ĩthe waku?
AMBA KŨSŨANĨA!
Kũneena na asyai no ũndũ ũmwe na kũtwaa ngalĩ. Weethĩa ve kĩndũ kĩũsiĩĩe nzĩanĩ, no wĩsĩle nzĩa ĩngĩ.
KWA NGELEKANY’O:
Mwĩĩtu wĩtawa Leah aĩtye atĩĩ: “Ndwĩthĩawa wĩ ũndũ wĩ laisi kũneena na ĩthe wakwa. Mavinda amwe nĩndonya kwĩthĩwa ndineena nake na ndyĩw’a angũlya, ‘Ninyie ũneenaa nakwa?’”
VE MAŨNDŨ ATATŨ LEAH ŨTONYA KWĨKA.
-
Kũmũkũnĩa ĩthe kelele.
Leah amũkũnĩe ĩthe kelele aimwĩa atĩĩ: “Tata mbĩthukĩĩsye ũndũ ũũ ngũũtavya nĩ wa vata!”
-
Akaeka kũneena na ĩthe.
Leah aivanga ndeneena na ĩthe ĩũlũ wa thĩna ũla eeĩ naw’o.
-
Ayeteela ĩvinda yĩngĩ yaĩle nĩ kana eneenea ũndũ ũsu na ĩthe.
Leah aineena na ĩthe ĩũlũ wa ũndũ ũsu ĩvinda yĩngĩ, kana aitw’a kũmũandĩkĩa valũa amũeleetye thĩna wake.
Nĩ ũndũ wĩva ũtonya kwĩa Leah eke katĩ wa maũndũ asu?
KWASŨANĨA ŨNDŨ ŨŨ: Ĩthe wa Leah ena mathĩna make na ndesĩ kana nũũmĩisye mwĩĩtu wake. Leah akatũmĩa Ũndũ wa 1, ĩthe no aeme kũelewa nĩkĩ mwĩĩtu wake ũkũmũkũnĩa kelele. Kwĩka ũu no kũtume ĩthe wa Leah aema kũmwĩthukĩĩsya, na nĩkũtonya kwonany’a kana ndeũnenga ĩthe wake ndaĩa. (Aeveso 6:2) Vate nzika, kũtũmĩa nzĩa ĩsu ya mbee kũitethya.
O tondũ weethĩa kĩsiĩĩi nzĩanĩ ũtwaĩte ngalĩ ũtatĩasya savalĩ, now’o waĩle kwĩka ĩla ũũneena na asyai maku na woona ta mũtonya kũemanwa, waĩle kũmantha ũndũ mũkwĩw’ana
O na kau Ũndũ wa 2, nĩw’o ũtonya kwĩthĩwa wĩ laisi kwĩka, tiw’o waĩle. Nĩkĩ? Nũndũ ethĩwa Leah nũkwenda ĩthe amũtetheesye kũmina mathĩna make ũndũ vaĩle, no nginya amũelesye nesa maũndũ ala maendeee. Kwoou o nakw’o kũvindya kũitetheesya.
Kwosana na Ũndũ wa 3, Leah ndanetĩkĩla ũndũ ũla weekĩka ũmũsiĩĩe wĩthĩe ndakaneena na ĩthe wake ĩvinda yĩngĩ. Kwoou aimantha ĩvinda yĩngĩ ya kũneena na ĩthe. O na ve ũndũ ũngĩ ũtonya kwĩka, no avange kũandĩkĩa ĩthe wake valũa na kwĩka ũu no kũtume ew’a eanĩwa.
Kũandĩka valũa no kũmũtetheesye akavanga nesa kĩla ũkwenda kũmũtavya ĩthe wake. Ĩla ĩthe ũkũsoma valũa ũsu nũkũelewa kĩla mwĩĩtu wake ũkwendaa kũmũtavya, na ayĩelewa nesa nĩ thĩna ũla eeĩ naw’o. Kwoou Ũndũ wa 3, nũũmũtethya Leah na ĩthe wake. O na ethĩwa Leah eneena na ĩthe menene kana emũandĩkĩa valũa, meĩthĩwa mayĩatĩĩa ũtao ũũ wĩ Mbivilia waasya, “tũatĩĩe maũndũ ala ma mũuo.”—Alomi 14:19.
Nĩ ũndũ ũngĩ mwaũ Leah ũtonya kwĩka?
Kwasũanĩa kana ve ũndũ ũngĩ Leah ũtonya kwĩka na ũiũandĩka vaa ĩtheo. Na ĩndĩ ũiandĩka ũndũ vatonya kwĩthĩwa Leah eeka ũndũ ũsu.
NDŨKANEENE MAŨNDŨ MATONYA KŨTUMA ŨELEEKA NAĨ
Lilikana kana kĩla waneena na ũndũ asyai maku matonya kũelewa nĩ kĩla waneena nĩ maũndũ elĩ me kĩvathũkany’o.
KWA NGELEKANY’O:
Asyai maku meũkũlya nĩkĩ ũte mũtanu, naku ũimasũngĩa atĩĩ: “Ndikwĩw’a ndyenda kũneenea ũndũ ũsu.”
Asyai maku nĩmatonya kũelewa ta ũũmeaa atĩĩ: “Nyie ndimũĩkĩĩaa ũndũ ndonya kũmũtavya kĩla kĩũnthĩny’a, nĩngũtavya anyanyawa mathĩna makwa.”
Kwasũanĩa wĩ na thĩna mũito na asyai maku meenda kũũtetheesya, naku ũimea atĩĩ: “Mũikathĩnĩke nũndũ no nĩmine thĩna ũsu nĩ weka.”
-
Asyai maku nĩmatonya kũelewa ta ũũmeaa atĩĩ:
-
Vandũ va kũmasũngĩa kwa nzĩa ĩtonya kũtuma makũelewa naĩ, no ũmee atĩĩ:
No Wendeewʼe Nĩ Ii
WHAT YOUR PEERS SAY
Ndonya Kũneena na Asyai Makwa Ata?
No vethĩwe moseo maingangĩ kwĩ ũndũ ũũsũanĩa.
ANDŨ MA MŨIKA MAKŨLASYA
Ndonya Kũneena na Asyai Makwa Ata Ĩũlũ wa Mĩao Ĩla Mambĩkĩĩe?
Manya ũndũ ũtonya kũneenyʼa asyai maku kwa ndaĩa, na no ũsengʼe kwona ũseo wa kwĩka ũu.
VITIO SYA KATUNI ŨVWAŨNĨ
Ndonya Kũneena na Asyai Makwa Ata?
Ũtonya kũneena na asyai maku ata o na yĩla ũkwĩwʼa ũteenda kũneena?
