“Yĩla ngwĩwʼa nde wa vata, Yeova nũmbĩkĩaa vinya atũmĩĩte mbathi ila syĩ nthĩnĩ wa JW Broadcasting^®.”—Lorraine, Amelika.

“Mbathi sya kĩ-veva” syĩthĩĩtwe syĩ kĩlungu kya ũthaithi wa Aklĩsto. (Ako. 3:16) Wasyĩkĩa ngoonĩ, no ikũtetheeasye o na ethĩwa ndwĩ na ĩvuku ya mbathi kana syĩndũ ingĩ ta simũ. Tata kwĩka maũndũ aa maatĩĩe nĩ kana maũtetheesye wĩkĩe mbathi isu ngoonĩ.

• Soma ndeto sya wathi nesa ũsielewe. No ũlilikane ũvoo mũna mĩtũkangĩ ethĩwa nũũeleetwe nesa. Ndeto sya mbathi sitũ syonthe, o vamwe na mbathi ila ite ĩvukunĩ na mbathi sya syana, nikwatĩkanaa nthĩnĩ wa jw.org/kam. Enda vala vaandĩkĩtwe “Syĩndũ Ila syĩ Vo,” na ĩndĩ “Mbathi.”

• Andĩka ndeto sya ũ wathi. Kwĩka ũu nĩkũtonya kũũtetheesya mũnango ũililikane.—Kũt. 17:18.

• Ina na wasya. Soma kana wine wathi ũsu mavinda maingĩ.

• Ĩthime wone kana no ũlilikane wathi ũsu. Tata kũlilikana ndeto sya wathi ũte kũisisya, na ĩndĩ ũisisya wone waililikana mũno wĩana ata.