25:​9, 21, 22

Ĩsandũkũ ya ũtianĩo nĩyo yaĩ kĩndũ kĩla kya vata vyũ ĩeemanĩ ya kũmbanĩa, na kambinĩ ya Aisilaeli. Mũumbĩ ũla weethĩawa katĩ katĩ wa akelũvi elĩ ala maĩ ĩũlũ wa ĩsandũkũ yĩu woonanasya kana Yeova e vo. Mũthenya wa Wĩw’anĩthyo mũthembi mũnene nĩwalikaa vala Vandũ Vatheu Vyũ na aiminzangĩsya nthakame ya ng’ombe na mbũi ĩũlũ wa ĩsandũkũ yĩu, nĩ kana amew’anĩthye Aisilaeli na Ngai. (Ali 16:​14, 15) Ũu woonanasya ũndũ ĩvinda yũkĩte Yesũ e Mũthembi Mũnene kwĩ onthe, wesaa kũlika ĩtunĩ vala ve Yeova anengane thooa wa nthembo yake ya wovosyo. ​—⁠Avl 9:​24-26.

Onany’a kĩla ĩandĩko yosanĩte na ũathimo wĩva katĩ wa moathimo aa tũkwataa nũndũ wa nthembo ya wovosyo:

• 1Yo 1:​8, 9

• Avl 9:​13, 14

• Alo 6:⁠23

• wĩkwatyo wa kwĩkala tene na tene

• kũekewa naĩ

• wasya mũtheu wa ngoo

Twaĩle kwĩka ata nĩ kana tũkwate moathimo aa?