Yeova nĩwatetheeisye andũ ala maĩ ngya ĩvindanĩ ya Isilaeli. Nĩ kwa nzĩa ta syĩva ũtetheeasya athũkũmi make ala ngya ũmũnthĩ?

• Nũmamanyĩĩtye kwĩthĩwa na woni waĩle ĩũlũ wa mbesa.—Luk 12:15; 1Ti 6:6-8

• Nũmatetheesye makamanya kana nĩmaĩle kwĩnenga ndaĩa.—Yovu 34:19

• Nũmamanyĩĩtye kũthũkũmaa na kĩthito na kwĩvathana na imanyĩo nthũku.—Nth 14:23; 20:1; 2Ko 7:1

• Nũmaetete kĩkundinĩ kya Aklĩsto mendanĩte.—Yoa 13:35; 1Yo 3:17, 18

• Nũmanengete wĩkwatyo.—Sav 9:18; Isa 65:21-23

O na ethĩwa twĩ na mathĩna maingĩvĩte ata, tũyaĩle kwĩmakĩa. (Isa 30:15) Yeova nũkũendeea kũtwĩanĩĩsya mavata maitũ ma kĩ-mwĩĩ twaendeea kũmantha mbee Ũsumbĩ wake.—Mt 6:31-33.

ĨLOELEI VITIO YĨ NA KYONGO WENDO NDŨSINDAWA O NA ETHĨWA . . . WĨ NGYA—CONGO, NA ĨNDĨ MŨISŨNGĨA MAKŨLYO AA MAATĨĨE:

• Nĩ kwa nzĩa yĩva ana-a-asa ala mekalaa vakuvĩ na kũla kwĩkawa maũmbano manene monasya wendo ana-a-asa ala maumaa isionĩ ila syĩ kũasa mokĩte maũmbanonĩ asu?

• Vitio ĩno yoonany’a ata kana Yeova nĩwendete ngya?

• Tũtonya ata kũatĩĩa ngelekany’o ya Yeova o na ethĩwa twĩ na syĩndũ nini sya kĩ-mwĩĩ?